ᖃᐅᔨᒪᔭᐅᒍᒪᖕᖏᑐᓂ ᓴᐳᒻᒥᓂᖅ ᐱᒻᒪᕆᐅᒻᒪᑦ ᐃᓄᐃᑦ ᖃᖓᑦᑕᔪᖏᓐᓄᑦ ᐊᒻᒪᓗ ᐱᔪᓐᓇᐅᑎᓪᓗ ᓱᓇᐅᓂᖏᑦ ᓴᐳᒻᒥᔨᖃᕐᓱᑎᑦ ᐊᖏᔪᒻᒪᕆᒻᒥᒃ ᐱᒻᒪᕆᐅᑎᒐᑦᑎᒍ. ᑕᓐᓇ ᒪᓕᑦᑕᐅᓴᐃᓐᓇᕆᐊᓕᒃ ᖃᐅᔨᒪᔭᐅᒍᒪᖕᖏᑐᓄᑦ ᐃᑲᔪᕐᓯᐅᑎᐅᒍᓐᓇᑐᓂᑦ ᐱᒻᒪᕆᓐᓂᑦ ᐃᓗᓕᖃᕐᒪᑦ ᖃᓄᖅ ᐃᓗᒃᑯᑐᓂ ᖃᓄᐃᑦᑐᓂᕋᐃᔪᓂ ᖃᓄᐃᓗᕆᐊᖃᕐᓂᑎᓐᓂ.
ᐃᓄᑉ ᖃᓄᐃᑦᑐᓂᓕᒪᖏᑦ ᖃᐃᑕᐅᔪᑦ ᑕᒃᑯᓂᖓ ᑐᖕᖓᕕᖃᕐᓗᑎᑦ ᒪᓕᑦᑕᐅᓴᐃᓐᓇᕆᐊᓕᓐᓂ ᒪᓕᑦᑐᓴᒪᑦᓴᕈᓱᑦ ᐊᒻᒪᓗ ᒪᓕᒐᒻᒪᕆᑦᑎᒍᕐᑐᓄᓪᓗ ᐊᑐᕐᑕᐅᒍᓐᓇᑐᑦ.
"ᐃᓄᑉ ᖃᓄᐃᑦᑐᓂᖓ" ᑐᑭᓕᒃ ᖃᓄᐃᑦᑐᓂᕋᐃᓂᓕᒪᖏ ᐃᒻᒥᒍᓕᔪᒥ ᓇᓗᓇᐃᕐᓯᓂᖅ ᐅᕝᕙᓗ ᐃᒻᒥᒍᑦ ᐊᓯᐊᒍᑦ ᐅᕝᕙᓗ ᑲᑎᕐᓱᓯᒪᔪᕐᑎᒍᑦ ᐊᓪᓚᓯᒪᔪᓂᑦ, ᐃᒻᒥᒍᕐᑐᑦ ᓇᓗᓇᐃᕐᓯᒪᒍᑎᑦᓴᕆᒍᓐᓇᑕᖏᑦ.
"ᑲᑎᕐᓱᓯᒪᔪᓕᕆᓂᖅ" ᐊᐅᓚᑦᓯᔪᕕᓂᐅᑉ ᓇᓗᓇᐃᕐᑕᐅᒍᓐᓇᓂᖓ, ᑐᕋᐃᓐᓇᑐᒥ ᐅᕝᕙᓗ ᑐᕋᐃᓐᓇᖏᑦᑐᒥ, ᓇᓗᓇᐃᕐᓯᔪᑉ ᖃᓄᐃᓗᕐᑕᐅᖁᔭᖏᑦ, ᐊᑎᕐᑎᒍᑦ, ᑭᓯᑦᓯᒍᑎ ᓇᓗᓇᐃᕐᓯᒍᑎ, ᓇᓂᓐᓂᖓ ᐊᓪᓚᓯᒪᔪᖃᐅᑎᒥ,ᖃᕆᑕᐅᔭᒃᑯᑦ ᓇᓗᓇᐃᕐᓯᒍᑎ, ᐅᕝᕙᓗ ᓇᓗᓇᐃᕐᓯᒋᐊᓪᓚᒍᑎᑦ ᑭᓇᓪᓗᑯᓂᖓᓂᑦ ᑎᒥᖓᒍᑦ, ᐃᓱᒻᒪᓯᖓᒍᑦ, ᑭᓇᑦᓴᔭᐅᓂᖓ, ᐃᓱᒻᒪᓯᖅ, ᑭᓇᐅᔭᕐᑐᑎ,ᐃᓗᕐᖁᓯᖅ, ᐅᕝᕙᓗ ᓇᑭᖕᖓᓯᒪᓂᖓᑕ ᓇᓗᓇᐃᒃᑯᑕᖓ.
"ᓄᐊᑕᐅᕙᓪᓕᐊᓂᖏ ᑲᑎᕐᓱᓯᒪᔪᓄᑦ" ᑐᑭᓕᒃ ᐱᓇᓱᐊᕐᑕᐅᔪᑦᓴᒪᑦ ᐱᑐᑦᓯᒪᔪᑦ ᐃᓄᑉ ᐊᓪᓚᑕᐅᒪᓂᖓᓂ ᓄᐊᑕᐅᒪᔪᑦ, ᐃᓚᐅᑎᓪᓗᒋᑦ ᓄᐊᑕᐅᒍᓐᓇᑐᓕᒪᑦ ᐃᓱᓕᕝᕕᖃᖕᖏᑐᑦ, ᐊᑐᕐᑐᑦ, ᐅᒃᑯᐊᑕᐅᒪᔪᑦ, ᐊᕕᖃᑎᖃᕐᓂᖅ, ᐊᓯᒋᐊᓪᓚᖏᓪᓗ, ᐃᓄᑉ ᐊᓪᓚᑕᐅᒪᓂᖓᓂᑦ ᓄᐊᑕᐅᒪᔪᑦ.
“ᒪᓕᒐᒃᑯᓕᖓᔪᑦ ᐱᑦᔪᑎᖏᑦ ᐃᕙᓪᓕᐊᔭᐅᓂᖏᑦᑕ” ᑐᑭᓕᒃ ᐱᑦᔪᑎᓪᓗᑯᖓᑕ ᐊᑐᕐᑕᐅᓂᖓ ᐃᓄᑉ ᐊᓪᓚᑕᐅᒪᓂᖓᓄᑦ. ᓄᐊᑦᓯᕕᐅᔪᑉ ᐊᓪᓚᓯᒪᔪᓄᑦ ᓄᐊᑦᓯᕕᑦᓯᐊᓗᑯᓐᓂᖓ ᓇᓚᒍᑦᓯᐊᑐᒃᑯᑦ ᐊᒻᒪᓗ ᐱᑦᔪᑎᖃᑦᓯᐊᑐᒃᑯᑦ ᐊᒻᒪᓗ ᐊᕗᖓᐅᓕᒋᐊᓪᓚᒋᐊᖃᕋᓂ ᐱᓇᓱᐊᕐᑕᐅᓂᖓ ᐅᑦᑐᕋᕋᑦᓴᐅᓚᖓᖕᖏᑯᓂ ᐱᑦᔪᑎᓪᓚᕆᖓᒍᑦ.
“ᐃᑉᐱᒍᓱᑦᑎᐅᑉ ᐱᔪᓐᓇᐅᑎᖓ” ᑐᑭᓕᒃ ᖃᐅᔨᒪᑦᓯᐊᕆᐊᓕᒃ ᐱᔪᓐᓇᐅᑎᒥᓂ ᑲᔪᓯᑎᑦᓯᔨᐅᒍᓐᓇᕋᒥ ᐃᕐᖃᑐᐃᕕᒃᑯᑦ ᓴᐳᒻᒥᔭᐅᒍᑎᒋᒍᓐᓇᑕᖏᑦᑕ ᐃᓄᑉ ᐊᓪᓚᑕᐅᒪᓂᖓ ᐱᑦᔪᑎᒋᓗᒍ.
“ᒪᓕᒐᒻᒪᕆᒃᑯᑐ ᐱᓇᓱᐊᕐᑕᐅᓂᖏᑦ” ᑐᑭᓕᒃ ᒪᓕᒐᒻᒪᕆᓕᕆᔨᓄᑦ ᐊᖏᕐᑕᐅᒪᔪᖅ ᑎᒥᐅᔪᖅ ᓄᐊᑦᓯᕕᖃᕐᑎᒍᓐᓇᓱᒍ ᐱᔪᓐᓇᐅᑎᒥ ᐱᕙᓪᓕᐊᔭᐅᒍᓐᓇᑐᑦ ᐊᒻᒪᓗ ᐃᓕᒃᑯᑐᓂ ᐃᓄᑉ ᐊᓪᓚᑕᐅᒪᓂᖓᓂ ᐊᑐᕈᓐᓇᐅᑎᓕᑦ.
“ᓄᐊᑕᐅᒪᔪᑦ ᓄᑕᐅᓂᖏᑦ ᑯᐸᐃᒃ ᓯᓚᑕᓄᑦ” ᑐᑭᓕᒃ ᖃᐅᔨᔭᐅᑎᑦᓯᓂᖅ ᐅᕝᕙᓗ ᐊᑐᐃᓐᓇᐅᑎᑦᓱᒋᑦ ᐃᓄᑉ ᐊᓪᓚᓯᒪᔪᖁᑎᖓ ᑯᐸᐃᒃ ᓯᓚᑕᓄ (ᓄᓇᓕᒻᒪᕆᑦ ᐊᓯᓕᒪᖏᓐᓄᑦ ᐅᕝᕙᓗ ᓄᓇᓕᒻᒪᕆᖃᑎᒋᕐᔪᐊᓄᑦ)
“ᓄᑕᐅᔪᖅ” ᑐᑭᓕᒃ ᖃᐅᔨᔭᐅᑎᑦᓯᓂᖅ ᐅᕝᕙᓗ ᐊᑐᐃᓐᓇᐅᑎᑦᓯᔪᖅ ᐃᓄᑉ ᐊᓪᓚᑕᐅᒪᓂᖓᓂᑦ ᓄᐊᑕᐅᒪᔪᓂ ᓯᓚᑕᒍᑦ ᐱᓇᓱᖓᖃᑎᒋᑦᑐᑦ.
“ᐊᓪᓚᓯᒪᔪᖃᐅᑎᒥ ᐊᐅᓚᑦᓯᔨ” ᑐᑭᓕᒃ ᑲᒪᔨᓪᓚᕆᒃ ᐅᕝᕙᓗ ᒪᓕᒐᓕᕆᔨ, ᐃᓄᑐᓗᓂ ᐅᕝᕙᓗ ᐱᓇᓱᐊᖃᑎᒋᑦ, ᓇᓗᓇᐃᕐᓯᓱᑦ ᐱᑦᔪᑎᐅᔪᓂ ᐊᒻᒪᓗ ᑐᑭᓕᒃ ᐃᓄᑉ ᐊᓪᓚᑕᐅᓂᖓᑕ ᐱᓇᓱᐊᕐᑕᐅᓂᖏᓐᓂ.
“ᐃᓇᖏᕐᑕᐃᔨ ᑲᔪᓯᑎᑦᓯᔨᒥ” ᑐᑭᓕᒃ ᑲᔪᓯᑎᑦᓯᔨ ᐅᕝᕙᓗ ᒪᓕᒐᓕᕆᔨ ᑲᔪᓯᑎᑦᓯᔨᒍᓐᓇᑐᑦ ᐃᓄᑉ ᐊᓪᓚᑕᐅᒪᓂᖓᓂ ᑭᒡᒐᑐᕈᑦᔨᒍᓐᓇᑐᖅ ᐊᓪᓚᑕᐅᒪᔪᓂ ᐊᐅᓚᑦᓯᔨᒥ.
ᐃᓄᐃᑦ ᖃᖓᑦᑕᔪᖏᑦ ᑲᓇᑕᒥᐅᑦ ᑎᒻᒥᔪᓕᕆᔨᖏᓐᓄᑦ ᐃᓚᐅᕗᖅ ᒪᓐᑐᔨᐊᒥᑦᓱᓂ, ᓄᐃᑕᐅᔪᕕᓂᖅ 1978−ᒥ, ᓄᓇᒥ ᓇᓗᓇᐃᕐᑕᐅᒪᔪᓂ ᑎᒻᒥᔪᕐᓂᐊᓂᕐᒥ ᐊᒻᒪᓗ ᐱᒍᑦᔨᓱᓂ ᓄᓇᓕᐊᕈᕐᓂ ᐊᒻᒪᓗ ᑯᐸᐃᒃᒥᑐᓂ.
ᐊᓪᓚᕕᒻᒪᕆᖓ
T 1 800 361-5933 / 514 905-9445
F 514 905-8916
ᓯᓚᑎᖓ - ᐃᓄᐃᑦ ᖃᖓᑦᑕᔪᖏᑦ
6005 Côte-Vertu Blvd.
Montréal (Québec) H4S 0B1
ᐃᓄᐃᑦ ᖃᖓᑦᑕᔪᖏᑦ ᓱᕐᖁᐃᐳᑦ ᖃᐅᔨᒪᔭᐅᒍᒪᖕᖏᑐᓂᑦ ᐊᒻᒪᓗ ᓴᐳᒻᒥᒍᓐᓇᓂᕐᒥᓂ ᖃᐅᔨᔭᐅᓗᑭᒋᐊᖃᖕᖏᑐᑦ ᖃᐃᑕᐅᔪᑦ. ᓱᓇᑐᐃᓐᓇᓕᒪᑦ ᖃᐅᔨᔭᐅᓗᑭᒋᐊᖃᖕᖏᓚᕆᑦᑐᑦ ᐊᒻᒪᓗ ᑕᒪᒃᑯᐊ ᐊᑐᕐᐅᒍᓐᓇᕋᔭᕐᒥᔪᑦ ᑭᖕᖑᒪᒋᔭᐅᓐᓂᕈᑎᑦ ᐊᓪᓚᓯᒪᔪᖃᐅᑎᖓᑕ ᓂᐅᕕᕐᑎᐅᑉ ᓴᓇᒋᐊᓪᓚᒍᑎᑦᓴᓄᑦ ᐃᓱᕐᕆᐅᑎᖓᑕ ᑭᖕᖑᒪᒋᔭᖏᓐᓂᑦ ᐊᑐᓂ ᓂᐅᕕᕐᑎᐅᑉ.
ᐃᓄᐃᑦ ᖃᖓᑦᑕᔪᖏᑦ ᐊᑐᓚᖓᖕᖏᑐᑦ ᐅᕝᕙᓗ ᓴᕐᕿᑎᑕᐅᕐᖃᔭᕋᑎᒃ ᐃᓄᑉ ᐊᓪᓚᑕᐅᒪᒍᑎᖏᑦ ᓄᐊᑕᐅᒪᔪᑦ ᐊᓯᐊᒍᕐᑐᓄᑦ ᓄᐊᑕᐅᒪᒻᒪᑕ ᐊᓪᓚᑕᐅᒪᔪᑦ ᐊᖏᕈᑎᒃᑯᖏᑦᑐᑦ ᐃᓱᒪᒋᔭᒥᓂ ᐅᖃᓚᖏᑎᓪᓗᒍ ᓂᐅᕕᕐᑎ ᐅᕝᕙᓗ ᐱᓪᓗᑯᒋᐊᑐᖕᖏᑐᑦ ᐅᕝᕙᓗ ᐱᖁᔭᒃᑯᓗᑯᒋᐊᑐᕋᓂᓗ.
ᐊ) ᐊᑐᐃᓐᓇᐅᓂᕗᑦ ᐱᓇᓱᒍᑦᔨᓂᒃᑯᑦ
ᐊᐅᓚᑦᓯᒍᓐᓇᓂᒃᑯᑦ, ᖃᕆᑕᐅᔭᐅᑉ ᐱᑐᑦᓯᒪᐅᑎᖓᒍ,ᐅᕝᕙᓗ ᐅᖃᓚᐅᑎᒃᑯᑦ, ᐅᕝᕙᓗ ᐊᐃᓯᒪᓗᓂ:
ᑭᖕᖑᒪᑦᓯᔪᒍᑦ ᑭᓇᐅᓕᖓᑕ ᓇᓗᓇᐃᕐᑕᐅᒍᑎᖏᑦᑕ ᐃᓗᓕᖏᓐᓂᑦ, ᑐᑭᓯᓂᐊᕐᕕᐅᒍᓐᓇᑐᓪᓗ ᐃᓗᓕᖏᑦ, ᓇᓗᓇᐃᕐᓯᒍᑎᒋᒍᓐᓇᓗᒍ ᑭᓇᐅᓂᖓᑕ ᐱᑦᔪᔭᐅᔪᑉ:
ᐱᒍᑦᔨᓚᖓᒍᑦᑕ ᓇᓚᒍᑦᓯᐊᑐᒥ ᓂᕆᐅᓐᓂᓄᑦ ᐱᒍᑦᔭᐅᒍᑎᑉᐱᑦ, ᐊᕐᕿᓱᐃᒍᓐᓇᒥᔪᒍᑦ ᑐᑭᓯᑎᑦᓯᐅᑎᓂ ᐱᑐᑦᓯᒪᔪᓕᒪᓂᑦ ᑐᑦᓯᕋᐅᑎᑎᓐᓄᑦ ᐊᒻᒪᓗ ᐊᑐᕐᑕᕕᓂᖏᓐᓄᑦ, ᐃᒻᒥᒍᕐᒥᔪᒃᑯᑦ ᐊᓯᐊᒍᑦ ᐊᓪᓚᒃᑯᕕᑦᑕᓂᕈᕕᑦ ᓇᒻᒥᓂᕐᓂ ᐊᒻᒪᓗ ᐃᓚᐅᔪᒍᑎᖃᕈᕕᑦ ᐱᓇᓱᐊᖃᑎᒋᑦᓯᐊᑐᓄ ᓴᕐᕿᑎᑕᐅᒪᔪᓄᑦ. ᓂᐱᓕᐅᕆᑐᐃᓐᓇᕆᐊᖃᕐᒥᔪᒍᑦ ᑐᑦᓯᕋᐅᑎᑉᐱᑦ ᐃᓂᓪᓚᖓᓂᑦᓴᖏᓐᓂ ᐊᕐᕿᓱᐃᒍᑎᑦᓴᕗᓐᓂ ᐅᕝᕙᓗ ᒪᓂᒪᑎᑦᓯᓗᑕ ᐱᖁᑎᑦᑎᓂ, ᐱᒍᑦᔨᓂᑦᑎᓂ ᐅᕝᕙᓗ ᐃᑲᔪᕐᓯᒪᓗᑕ.
ᑕᐃᒪᐃᒐᓗᐊᕐᑎᓗᒍ, ᑲᔪᓯᑎᓱᕗ ᐃᓄᑉ ᖃᓄᐃᑦᑐᓂᖓᑕ ᑐᑭᓯᑎᑦᓯᐅᑎᖓ ᑭᑕ ᐱᑕᖃᓪᓗᑯᒋᐊᖃᕐᒪ ᐅᖃᕕᐅᒋᐊᖃᕐᓂᕈᕕᑦ ᐱᑐᕝᕕᐅᒋᐊᖃᕐᐸᑦ ᐃᖏᕐᕋᐅᑎ ᐊᒻᒪᓗ ᐊᑐᕐᑕᐅᓂᕕᓂᖓ ᐱᒍᑦᔨᕕᑦᑕ.
ᑕᑦᓱᒥᖓ ᐊᓪᓚᓯᒪᔪᖃᐅᑎᒥ ᑎᒍᒥᐊᕐᑎᐅᔪᑦ:
ᐱᒍᑦᔨᔨᕗᑦ ᐱᓇᓱᐊᒐᕗᓐᓂ ᐱᒍᑦᔨᓂᒃᑯᑦ ᑐᖕᖓᕕᒋᓱᕗᑦ ᐊᑦᔨᒋᖕᖏᑐᓂᑦ ᐊᐅᓚᓂᒃᑯᑦ ᑐᑦᓯᕋᐅᑎᒋᔭᖓ ᒪᓕᓪᓗᒍ ᐊᓪᓚᓯᒪᔪᖃᐅᑎᓐᓄᓕᖓᔪᓄᑦ. (ᑐᑭᓯᒋᐊᓪᓚᒍᒪᒍᕕᑦ 4−ᒥᑦᑐᖅ ᑕᑯᓗᒍ ᐊᑕᓂ).
ᐸ) ᑐᔪᖃᑦᑕᖢᒋᑦ ᐊᓯᑦᔨᑕᐅᓂᖃᕐᐸᑕ, ᐊᒻᒪᓗ ᓇᒻᒪᓇᕐᑐᓂᑦ ᐱᒍᒪᔭᕐᓄᑦ ᐱᐅᓂᕐᓴᐅᔪᕆᔭᑦᑎᓂ ᒪᓂᒪᑎᑦᓯᓗᑕ:
ᑐᔪᖃᑦᑕᓚᖓᔭᒋᑦ ᐅᖃᖃᑎᒋᕐᖃᒥᒍᑎᕕᓂᑦᑎᓂ(ᖃᕆᑕᐅᔭᒃᑯᑦ,ᐊᓯᖏᒍᓪᓗ)ᐱᑐᑦᓯᒪᔪᓄᑦ ᐃᓂᓪᓚᑕᐅᒍᑎᑦᓴᖏᓐᓄᑦ ᑐᑦᓯᕋᐅᑎᑉᐱᑦ. ᐃᓚᐅᒍᕕᓪᓗ ᐊᓪᓚᓕᓐᓄ, ᑐᔪᐃᓚᕐᑐᒍᑦ ᐃᓗᒃᑯᓕᖓᔪᓂ ᑐᓴᕐᑕᐅᒋᓕᓐᓂ ᐊᒻᒪᓗ ᒪᓂᒪᔭᕗᓐᓂ ᖃᕆᑕᐅᔭᒃᑯᑦ ᓂᐅᕕᐊᑦᓴᑎᓐᓂ ᐊᒻᒪᓗ ᐱᒍᑦᔨᓂᖓᓄᓕᖓᔪᓂ ᑎᒥᐅᔪᑦᑕ. ᐃᓚᐅᒍᓐᓇᐃᕈᓐᓇᑐᑎᑦ ᓇᓗᓇᐃᕐᑕᐅᓗᑎᑦ ᖃᖓᓕᒪᖅ. ᐅᖃᖃᑎᒋᓐᓂᕕᓂᕗᑦ ᒪᓕᓪᓗᒍ.
ᐱᑐᑦᓯᒪᐅᑎᑦ: ᐊᒥᓱᓂ ᐱᑐᑦᓯᒪᐅᑎᓂ ᐊᑐᓱᖑᔪᒍᑦ ᒪᑯᐊ ᖃᕆᑕᐅᔭᒃᑯᑦ, ᐊᓪᓚᑕᕐᕕᑯᑦ ᐊᕐᕿᓱᕐᓯᒪᔭᕗᑦ ᖃᕆᑕᐅᔭᒃᑯᑦ ᕿᒥᕐᕈᑦᓴᐃᑦ ᐊᒻᒪᓗ ᐱᑐᑦᓯᒪᖃᑎᒋᓐᓂᑯᑦ ᖃᕆᑕᐅᔭᒃᑯᑦ. ᐅᑦᑐᑎᒋᓗᒋᑦ:
ᖃᕆᑕᐅᔭᒃᑯᑦ ᐊᓪᓚᑕᕐᓂᖅ ᐃᓂᓕᐅᕆᒍᑎᕕᓂᕐᓄᓕᖓᔪᓂᑦ ᐊᒻᒪᓗ ᖃᖓᑦᑕᔪᒃᑯᕈᑎᖓᑕ ᐃᓂᓪᓚᑕᐅᒪᓂᖓ: ᐃᓂᓕᐅᕆᓐᓂᕈᕕᑦ ᖃᖓᑦᑕᔪᕗᓐᓄᑦ, ᐃᕝᕕᑦ ᐊᒻᒪᓗ ᑭᓇᐅᓂᖓ ᓇᓗᓇᐃᕐᓯᒪᔭᐃᑦ (ᔭᑎᑦ) ᑐᕐᖃᑕᕐᕕᐅᓚᖓᑎᓪᓗᒍ ᓇᓗᓇᐃᕐᑕᕕᓂᑦ, ᖃᕆᑕᐅᔭᒃᑯᑦ ᐊᓪᓚᕕᐅᖃᑦᑕᓚᖓᔪᓯ ᐃᓂᓕᐅᕆᒍᑎᕕᓂᕐᓄᓕᖓᔪᓂ (ᐅᑦᑐᑎᒋᓗᒋᑦ, ᐃᓂᓕᐅᕆᒍᑎᑉᐱᑦ ᓇᓗᓇᐃᒃᑯᑕᖓ ᑭᑎᑦᔪᑎ,ᒥᕝᕕᒋᓚᖓᔭᖓ ᐊᒻᒪᓗ ᐃᑭᕕᒋᓚᖓᔭᖓᑕ ᒥᑦᓴᓄᑦ) ᑕᒪᒃᑯᐊ ᐊᓪᓚᑕᕗᑦ ᐃᓚᖃᑐᐃᓐᓇᕆᐊᓕᑦ ᒪᓂᒪᔭᕗᓐᓂ ᓂᐅᕕᐊᑦᓴᓂᑦ ᑎᒥᐅᔪᖁᑎᑦᑎᓄᓕᖓᔪᓂ.
ᑕᐃᒪᐃᒻᒪᑦ, ᐊᓪᓚᕕᖃᖃᑦᑕᓚᖓᔪᒍ ᖃᕆᑕᐅᔭᒃᑯᑦ ᐃᓂᓕᐊᕕᓂᑦᓯᓄᓕᖓᔪᓂ ᐊᒻᒪᓗ ᐊᐅᓪᓚᑎᑦᓯᒍᑎᕕᓂᑎᓐᓂ ᑲᔪᓯᑎᑕᐅᓂᕆᓚᖓᔭᖓᓄᑦ ᐊᖏᖃᑎᒋᓐᓂᑕ. ᐊᖏᕈᑎᑦ ᒪᓕᓪᓗᒍ, ᐊᐅᓪᓚᑎᑦᓯᖃᑦᑕᓚᖓᔪᒍᑦ ᐅᖃᖃᑎᒋᒍᑎᕕᓂᑦᑎᓂ ᑎᒥᖁᑎᑦᑕ ᑐᓴᕋᑦᓴᖁᑎᖏᓐᓂ ᐊᒻᒪᓗ ᒪᓂᒪᑎᑕᕗᓐᓂᓗ ᓂᐅᕕᐊᑦᓴᓂ ᐊᒻᒪᓗ ᐱᒍᑦᔨᓂᑦᑎᓂ.
ᑕ)ᐅᖃᖃᑎᖃᕐᓂᖅ ᐃᓕᓐᓂᑦ
ᐊᑐᓱᕗᑦ ᑭᓇᐅᓂᕐᓂ ᓇᓗᓇᐃᒃᑯᑕᐃᑦ ᐅᖃᖃᑎᖃᓯᒐᑦᑕ ᐃᓕᓐᓂᒃ ᐊᑐᕐᓱᒍ ᓂᐅᕕᐊᑦᓴᑕ ᒥᑦᓴᓄᑦ,ᐱᒍᑦᔨᓂᑦᑕ,ᐃᓚᐅᔪᒍᑎᓪᓗ, ᑭᐅᑦᓯᐊᕈᓐᓇᖁᓪᓗᑕ ᐊᐱᕐᓱᑎᑎᓐᓂᑦ ᐊᒻᒪᓗ ᐅᓐᓂᓗᒪᒍᑎᕕᓂᑎᑦ ᐱᓇᓱᐊᕐᑕᐅᒍᓐᓇᓯᐊᖁᓪᓗᒋᑦ.
ᑕᐃᒪᐃᒻᒪᑦ,ᑭᓇᐅᓂᕐᐱᑦ ᓇᓗᓇᐃᒃᑯᑕᖓ ᐊᑐᓱᕗᑦ ᐊᕐᕿᓱᐃᒍᑎᒋᑦᓱᒍ ᑭᖕᖑᒪᒋᓚᕆᑦᑐᕗᑦ ᐱᑐᑦᓯᒪᐅᑎᒋᑦᓱᒍᓗ ᐱᓇᓱᐊᕐᑕᑎᓐᓂᑦ ᐊᒻᒪᓗ ᐊᕕᑦᑐᓯᒪᓂᖓᑕ ᐱᓇᓱᐊᖃᑎᒋᑦᑐᓱᑕ ᐃᒍᑦᔨᓂᒃᑯᑦ.
ᑲ) ᐊᑦᑕᓇᕐᑐᒧᕐᑕᐃᓕᑦᑎᑦᓯᒍᑎᑦ ᖃᖓᑦᑕᔪᒥ
ᓱᓇᑐᐃᓐᓇᓕᒪᑦ ᐊᑦᑕᓇᕐᑐᒧᕐᑎᓯᒍᓐᓇᑐᑦ ᐊᑦᑕᓇᐃᑦᑐᒍᑎᓂᑦ ᐅᕝᕙᓗ ᖃᖓᑦᑕᔪᑉ ᐊᑦᑕᓇᕐᑐᒧᕐᑕᐅᑕᐃᓕᒍᑎᖏᑦ ᓂᐱᓕᐊᕆᔭᐅᑐᐃᓐᓇᕆᐊᓕᑦ ᖃᕆᑕᐅᔭᕐᒧᑦ ᐊᒻᒪᓗ/ᐅᕝᕙᓗ ᐅᓐᓂᓗᒪᕕᒻᒧᑦ,ᐊᒻᒪᓗ ᐱᓂᕐᓗᒪᕆᑦᑐᖃᕐᐸᓗᓐᓂᑦ, ᐃᑭᕐᖃᔭᐃᕐᑎᑕᐅᑐᐃᓐᓇᕆᐊᓕᒃ ᐃᓄᐃᑦ ᖃᖓᑦᑕᔪᖏᑦᑕ ᖃᖓᑦᑕᔪᖏᓐᓄᑦ. ᖃᕆᑕᐅᔭᒃᑯᑦ ᓂᐱᓕᐊᕕᓂᑦ ᐊᑐᕐᑕᓗᐊᖕᖑᐊᒐᔭᕐᑐᑦ ᐃᓂᓪᓚᑕᐅᒐᓱᐊᕐᓂᖓᑕ ᖃᓄᐃᓗᓪᓗᑯᒍᑎᑦᓴᖏᓐᓂᑦ ᐊᑦᑕᓇᕿᔪᕕᓂᐅᔪᖃᕐᐸᑦ ᖃᖓᑦᑕᔪᑉ ᐊᑦᑕᓇᕐᑕᐃᓕᒍᑎᖏᓐᓄᑦ, ᐊᒻᒪᓗ ᑕᐃᑲᓂᓪᓗᑐᖅ ᐱᓂᕐᓗᓂᕕᓂᖏᓐᓂ ᒪᓕᒐᕐᓂ ᒪᓕᖕᖏᓂᑯᕕᓂᕐᒥᓄ.
ᑕᒪᓐᓇ ᑲᔪᓯᑎᓱᕗᑦ ᑐᑭᓯᑎᑦᓯᐅᑎ ᑕᒪᒃᑯᐊ ᐃᕐᖃᑐᐃᕕᒃᑯᓚᕿᐅᑎᐅᒍᓐᓇᓂᖏᑦ ᒪᓕᒐᕗᑦ ᐅᕝᕙᓗ ᒪᓕᑦᑕᐅᓴᐃᓐᓇᕆᐊᓕᑦ ᐊᒻᒪᓗ ᐊᑦᑕᓇᐃᑦᑐᒥᑦᑎᓯᑦᑕᐃᓕᓂᕗᑦ ᐊᒻᒪᓗ ᐃᑭᒪᔨᑦ.
ᐊᓪᓚᓯᒪᔪᖃᐅᑎᒥ ᑎᒍᒥᐊᕐᑎ ᑕᒪᒃᑯᓂᖓ:
ᑭᓇᓕᒪᒃᑯᓄᓕᖓᔪᓄᑦ ᐱᔪᓐᓇᐅᑎᓕᑦ ᐅᕝᕙᓗ ᑲᕙᒪᒃᑯᓄᓕᖓᔪᓂᑦ ᐃᓂᓪᓚᑎᕆᔨᑦ ᐱᑦᔪᑎᒋᑦᓱᒍ ᑲᓇᑕᒃᑯᑦ ᑲᕙᒪᖓᑕ ᐃᑭᒪᔨᑦ ᓴᐳᒻᒥᔭᐅᕕᖏᑦᑕ,ᐃᑎᕐᑕᕕᖏᑦ ᐊᐅᓚᑦᓯᕕᖓ,ᓄᑦᑎᓯᒪᔪᑦ ᓄᓇᓕᕐᔪᐊᒥᓂ,ᐃᑎᕐᓂᖅ ᓄᓇᓕᕐᔪᐊᒧᑦ, ᐊᒻᒪᓗ ᐊᓯᖏᑦ ᓴᐳᒻᒥᕕᑦ ᐅᕝᕙᓗ ᑲᑉᐱᐊᓴᕆᔨᓂᑦ ᒪᓕᒐᓕᐊᖑᒪᔪᑦ.
ᒐ)ᐃᓂᓪᓚᖓᐅᑎᑦ ᒪᓕᒐᒻᒪᕆᓕᕆᓂᑦᑎᓄᑦ,ᐅᐃᕕᓴᕐᑕᐅᑕᐃᓕᒋᒃᑯᑎᑦ ᐅᕝᕙᓗ ᐱᔪᓐᓇᐅᑎᕗᑦ ᒪᓕᒐᒻᒪᕆᑦᑎᒍᑦ
ᓄᐊᑦᓯᓱᖑᔪᒍᑦ,ᓄᐊᑦᓱᒋᑦ ᐊᒻᒪᓗ ᐊᑐᕐᓱᒋᑦ ᑐᑭᓯᑎᑦᓯᐅᑎᑎᑦ ᑭᓇᐅᔭᓕᐅᕋᓱᐊᕐᓂᑎᓐᓄᑦ ᐱᑦᔪᑎᒋᑦᓱᒋᑦ,ᑎᒍᒥᐊᓱᕗᑦ ᓱᓂᕕᓂᑦ,ᐃᓂᓪᓚᖓᒍᑎᒋᑦᓱᒍᓗ ᐃᕐᖃᑐᐃᕕᒃᑯᕈᑎᑦᓴᖏᓂ,ᐊᑭᓕᒻᒪᐃᑐᑎᑦᑕᐃᓕᒐᓱᑦᓱᒋᑦ ᐊᒻᒪᓗ ᐅᐃᕕᓴᕐᑕᐅᒋᒃᑯᑎᓪᓗ ᓴᐳᒻᒥᓱᒋᑦ, ᐅᐃᕕᓴᕐᑐᖃᕐᐸᑦ,ᑭᓇᐅᓂᕐᐱᑦ ᑐᑭᓯᑎᑦᓯᐅᑎᖏᑦ ᐃᓚᐅᑎᓗᒋᑦ ᐊᐅᓚᑦᓯᓂᓕᒪᑦᑕ ᐃᓗᐊᓂ ᐊᒻᒪᓗ ᖃᐅᔨᓴᕆᒍᑎᑦᑕᓗ ᐃᓗᐊᓂ. ᐃᓚᒋᐊᕈᑎᓂ, ᑲᔪᓯᑎᑦᓯᓱᖑᔪᒍᑦ ᑭᓇᐅᓂᕐᐱᑦ ᑐᑭᓯᑎᑦᓯᐅᑎᖏᑦ ᐊᑐᕐᓱᒋ ᐱᑦᔪᑎᒋᑦᓱᒋᑦ ᐃᕐᖃᑐᐃᕕᒃᑯᑎᑦᓯᒍᓐᓇᐅᑎᕗᑦ ᐊᒻᒪᓗ ᑕᒃᓯᔭᐃᕕᐅᒍᓐᓇᓂᕗᑦ.
ᑲᔪᓯᑎᓱᕗᑦ ᑕᒃᑯᐊ ᑐᑭᓯᑎᑦᓯᐅᑎᑦ ᐃᕐᖃᑐᐃᕕᒃᑯᕈᑎᑦᓴᖃᕈᑦᑕ ᐅᕝᕙᓗ ᐱᒍᑦᔨᒍᓐᓇᐅᑎᕗᓐᓂᑦ ᐊᑐᕆᐊᖃᕈᑦᑕ.
ᐊᓪᓚᓯᒪᔪᖃᐅᑎᒥ ᑎᒍᒥᐊᕐᑎ ᑕᒪᒃᑯᓂᖓ:
ᑭᓇᓕᒪᒧᓕᒐᔪᓂ ᐱᔪᓐᓇᐅᑎᓕᑦ ᐅᕝᕙᓗ ᑲᕙᒪᒃᑯᑦ ᑎᒥᐅᔪᖁᑎᖏᑦ ᐱᑦᔪᑎᒋᑦᓱᒋᑦ ᐊᐅᓚᔪᓂᑦ ᐊᐅᓚᑦᓯᔨᖏᑦ, ᐃᑎᕐᑕᓂ ᓄᓇᓄᑦ ᐊᕕᑦᑐᓯᒪᔪᓄᑦ ᐅᕝᕙᓗ ᓄᓇᒻᒪᕆᓐᓄᑦ, ᓴᐳᒻᒥᔨᒃᑯᑦ, ᐅᕝᕙᓗ ᑲᑉᐱᐊᓴᕆᔨᓂᑦ ᐊᑭᒪᒧᓐᓂᕗᑦ.
ᒪ) ᒪᓂᒪᑎᑦᓯᓱᖑᔪᒍᑦ ᐃᓕᓐᓄᑦ ᓇᒻᒪᓇᕐᑐᒥ ᐱᒍᑦᔨᒍᑎᓂ,ᓱᖃᑦᓯᓂᑦ,ᐊᑭᒪᔪᑎᓂᑦ ᐅᕝᕙᓗ ᐱᒍᓇᐅᔪᕆᔭᕗᑦ
ᓇᓚᒍᑦᓯᐊᑐᒥ ᐱᒍᑦᔨᒍᑎᓂᑦ,ᓱᖃᑦᓯᓂᑦ,ᐱᓕᐅᑎᓂᑦ ᐅᕝᕙᓗ ᐱᕙᓪᓕᐅᑎᑦᓴᓄᑦ.ᑭᓇᐅᓂᕐᐱᑦ ᑐᑭᓯᑎᑦᓯᐅᑎᖏᑦ ᐊᑐᑐᐃᓐᓇᕆᐊᖃᕐᑕᕗᑦ ᐊᓯᐊᒍᕐᒥᔪᓄᑦ ᖃᓄᐃᓕᖓᓂᕋᐃᒍᑎᓂ ᖃᐅᔨᒪᔭᐅᒍᒪᖕᖏᑐᓄᑦ ᒪᓕᑦᑕᐅᓴᐃᓐᓇᕆᐊᓕᓐᓄᑦ. ᖃᐅᔨᑎᑕᐅᒍᑎᒋᑦᓯᐊᖃᑦᑕᓚᖓᔭᑎᑦ ᐃᓚᐅᓯᒍᕕᑦ ᐱᒍᑦᔨᓂᑦᑎᓄᑦ,ᓱᕐᖃᑦᓯᓂᑦ,ᐱᓕᐅᑎᓂᑦ ᐅᕝᕙᓗ ᐊᕐᕿᓱᕐᑕᐅᒪᔪᑦ.
ᑕᒪᓐᓇ ᑲᔪᓯᑎᑕᐅᓂᖓ ᑭᓇᐅᓂᕐᐱᑦ ᓄᐊᑦᓯᕕᐅᑉ ᐊᓪᓚᓯᒪᔪᖃᐅᑎᖏᓐᓄᑦ ᐊᖏᕐᓯᒪᓂᑦ ᒪᓕᑦᓱᒍ, ᖃᖓᓕᒪᖅ ᖁᔭᓇᕈᓐᓇᑕᐃᑦ ᑲᔪᓯᑎᑕᐅᓂᖓᓂᑦ ᐃᓱᒪᓗᑎᖃᕈᕕᑦ.
ᐊᓪᓚᓯᒪᔪᖃᐅᑎᒥ ᑎᒍᒥᐊᕐᑎ ᑕᒪᒃᑯᓂᖓ:
ᐱᓇᓱᐊᖃᑎᒋᕙᑦᑕᕗᑦ ᓱᖃᑦᓯᓂᕐᓄᑦ,ᐱᓕᐅᑎᓂᑦ,ᐅᕝᕙᓗ ᓱᖃᑦᓯᓂᒐᓚᐃᓪᓗᓂᑦ(ᐱᓪᓗᑯᒋᐊᓕᑦ ᑕᒪᒃᑯᓂᖓ ᑐᔪᕐᑕᓱᕗᑦ ᓇᓗᓇᐃᕐᑕᐅᒪᔪᑦ ᑐᑭᓯᑎᑦᓯᐅᑎᑦ ᓄᐊᑕᐅᓂᖏᓐᓂ ᐊᓪᓚᓯᒪᔪᖃᐅᑎᒥ, ᑐᑭᓯᒋᐊᓪᓚᒪᒍᒪᒍᕕᑦ ᐅᕙᑦᑎᓄᑦ ᖃᐅᔨᓴᕈᓐᓇᖁᑎᑦ).
ᓄᑦᓯᑐᐃᓐᓇᕆᐊᖃᕐᑐᒍᑦ ᑭᓇᐅᓂᕐᐱᑦ ᑐᑭᓯᑎᑦᓯᐅᑎᖏᓐᓂᑦ ᖃᐃᑕᕕᓂᑎᓐᓂᑦ ᐱᒍᑦᔨᔨᑦᑎᓄᑦ ᐃᑲᔪᕐᑎᑎᓐᓄᑦ ᐊᑦᔨᒋᖕᖏᑐᓂ ᐊᐅᓚᒍᑎᓂ ᐃᓚᐅᑎᓪᓗᒋᑦ, ᐃᓂᓕᐅᕐᕕᒃ ᐊᒻᒪᓗ ᒥᑦᓯᒪᕕᒻᒥ ᐊᐅᓚᑦᓯᔨ, ᓴᐳᒻᒥᒍᑎᑦ, ᐊᓪᓚᓯᒪᔪᖃᐅᑎ,ᕿᓂᕐᑎᑦ,ᓂᐅᕕᕐᑎᓄᓕᖓᔪᑦ,ᐊᑭᓕᓂᐅᑉ ᑲᔪᓯᑎᑕᐅᓂᖏᑦ, ᐊᓪᓚᓯᒪᔪᖃᐅᑎᒥ ᕿᒥᕐᕈᔨᑦ, ᖃᕆᑕᐅᔭᒃᑯ ᐊᓪᓚᑕᕐᑎᓯᓂᑦ, ᖃᕆᑕᐅᔭᓕᕆᔨᑦ, ᓂᐅᕕᕐᑎᓂᑦ ᐱᒍᑦᔨᔨᑦ ᐊᒻᒪᓗ ᓂᐅᕕᐊᑦᓴᓕᕆᓂᖅ.
ᐃᓄᐃᑦ ᖃᖓᑦᑕᔪᖏᑦ ᐱᓇᓱᐊᒐᑦᓴᑕᕐᑎᓯᓱᑦ ᐱᒍᑦᔨᓂᒃᑯᑦ ᐱᓇᓱᐊᖃᑎᒋᓂ ᓄᐊᑦᓯᓂᒃᑯᑦ,ᐊᐅᓚᑦᓯᓂᒃᑯᑦ ᐅᕝᕙᓗ ᑲᔪᓯᑎᑦᓯᓂᒃᑯᑦ ᑭᓇᐅᓂᕐᐱᑦ ᑐᑭᓯᑎᑦᓯᐅᑎᖏᓐᓂ ᐊᑐᕐᓱᑎ ᐅᕙᑦᑎᓂ ᐱᒍᑦᔨᓱᑎᑦ, ᐊᖏᖃᑎᖃᕆᐊᓕᑦ ᖃᐅᔨᔭᐅᒋᐊᖃᖕᖏᑐᓂ ᐱᕕᑦᓴᐅᓂᕐᒥᓂ ᐅᕙᑦᑎᓂ ᐱᓇᓱᐊᖃᑎᖃᓚᖓᒍᑎᒃ.
ᑭᓇᐅᓂᕐᐱᑦ ᑐᑭᓯᑎᑦᓯᐅᑎᖏᑦ ᐊᐅᓪᓚᑎᑐᐃᓐᓇᕆᐊᖃᕐᑕᕗᑦ ᒪᑯᓂᖓ ᐱᓇᓱᐊᖃᑎᑦᑎᓄᑦ, ᐃᓚᒋᔭᐅᒋᐊᓕᓪᓗ ᑭᖕᖑᒪᒋᔭᖏᑦ ᐊᑐᐃᓐᓇᐅᑎᑦᓱᒋᑦ:
ᐃᓚᖏᑦ ᐊᑐᐃᓐᓇᖃᕐᑎᓯᔨᑦ ᓄᐊᑦᓯᓯᒪᑐᐃᓐᓇᕆᐊᓕᑦ ᑭᓇᐅᓂᕐᐱᑦ ᓇᓗᓇᐃᒃᑯᑕᖏᓐᓂᑦ ᖃᐃᑕᕕᓂᑎᓐᓂᑦ ᐊᓯᖏᓐᓂ ᓄᓇᓂ ᐅᒡᕙᓗ ᐊᓯᖏᓐᓂ ᓄᓇᓕᕐᔪᐊᓂᑦ. ᐊᐱᕐᓱᑎᑦᓴᖃᕈᕕᑦ ᑕᒪᒃᑯᐊ ᒥᑦᓴᓄᑦ ᖃᓄᖅ ᐱᓇᓱᐊᖃᑎᑦᑎᓂ ᐊᕕᖃᑎᖃᓱᖑᒻᒪᖓᑕ ᑯᐸᐃᒃ ᐊᒻᒪᓗ ᑲᓇᑕᐅᑉ ᓯᓚᑕᓄᑦ ᐅᕝᕙᓗ ᑐᑭᓯᒋᐊᒍᒪᒍᕕᑦ ᐱᖁᔭᑦᑎᓂ ᐊᒻᒪᓗ ᐱᒋᐅᕐᓴᓱᕗᓐᓂᑦ ᓱᓱᑦᓴᓂᒃᑯᑦ ᐱᒍᑦᔨᔨᓕᓐᓂᑦ, ᖃᐅᔨᓴᕆᑦ ᐊᓪᓚᓯᒪᔪᖃᐅᑎᓕᕆᔨᒃᑯᑦ ᓴᐳᒻᒥᔨᖏᓐᓄᑦ ᐅᕗᖓ. RPRP-DPO@airinuit.com
ᐊ) ᓇᓗᓇᐃᕐᓯᓂᖅ ᑭᓇᐅᓂᕐᐱᑦ ᑐᑭᓯᑎᑦᓯᐅᑎᖏᓐᓂᑦ :
ᐃᓂᓕᐅᕆᓕᑐᐊᕈᕕᑦ, ᐊᕐᕿᓱᐃᓕᕈᕕᑦ ᐊᐅᓪᓚᑎᑦᓯᒍᑎᒥ, ᐊᑦᑕᑐᐊᖃᓯᒍᕕᓪᓗᓂᑦ ᐃᓄᐃᑦ ᖃᖓᑦᑕᔪᖓᓂᑦ, ᓄᐊᑦᓯᑐᐃᓐᓇᕆᐊᖃᕐᑐᒍᑦ ᓇᓗᓇᐃᕐᓯᐅᑎᓂ ᑐᑭᓯᑎᑦᓯᐅᑎᓂ ᐃᒪᐃᑦᑐᓂᑦ, ᐊᑎᓕᕐᕿᖅ, ᐊᑎᖓ, ᓱᓇᐅᓂᖓ, ᐃᓄᓕᕐᕕᖓᑕ ᐅᓪᓗᖓ, ᓄᓇᓕᕐᔪᐊᖑᖃᑎᒋᑦᑐᓄᑦ ᓇᓪᓕᐊᓂᒥᐅᔭᐅᒻᒪᖓᑦ, ᓄᓇᖓᑕ ᓇᓪᓕᖓ, ᑐᑭᓯᑎᑦᓯᐅᑎᓪᓗ ᐊᐅᓚᓂᕆᓚᖓᔭᖓᑕ ᐊᓪᓚᓯᒪᐅᑎᖏᑦ, ᐊᓂᒍᓐᓇᐅᑎ ᓄᓇᓕᕐᓚᒥ ᐅᕝᕙᓗ ᐊᓯᒐᓚᖏᑦ ᐊᓪᓚᑕᐅᒪᔪᑦ ᐊᖏᕐᑕᐅᒪᔪᑦ ᐊᒻᒪᓗ ᐊᕐᕿᑕᕕᓂᑦ ᐊᑦᔨᐸᓱᖏᓐᓂᑦ ᐱᔪᓐᓇᐅᑎᓕᓐᓄᑦ (ᓯᒃᑭᑕᐱᒃ ᓄᓇᖃᕐᓂᕋᐃᒍᑎᒃ, ᓯᒃᑭᑕᐱᒃ ᐃᓪᓗᖃᕐᓂᕋᐃᒍᑎᒃ, ᐊᖁᒍᓐᓇᐅᑎ, ᓯᕿᓂᖕᖑᐊᖅ, ᐊᓯᖏᓪᓗ) ᐅᑦᑐᑎᒋᓗᒍ, ᑲᒪᔨᖃᖕᖏᑐᖅ ᐅᑭᐅᑭᑦᑐᖅ, ᓄᐊᓱᕗᑦ ᓇᓗᓇᐃᕐᓯᒍᑎᖓ ᑭᓇᒥ ᐊᖓᔪᕐᖃᖃᕐᒪᖓᑦ ᐅᕝᕙᓗ ᐃᑉᐱᒋᔨᖓᑕ ᐊᑎᖓ, ᐱᐅᓕᒪᒍᓐᓇᑕᑎᑦ ᑐᑭᓯᑎᑦᓯᐅᑎᖏᑦ ᓯᕗᓂᕐᒥ ᐃᓂᓕᐅᕆᓕᕐᒥᒍᕕᑦ, ᑕᓐᓇ ᑕᐃᒪᐃᓕᖓᒍᓐᓇᒥᔪᖅ.
ᐸ) ᐱᑐᑦᑕᕕᒃ, ᓇᒻᒥᓂᖅ ᐊᓪᓚᖁᑎ ᐅᕝᕙᓗ ᐊᕐᕿᑕᐅᒍᑎᕕᓕᖏᑦᑕ ᑐᑭᓯᑎᑦᓯᐅᑎᖏᑦ:
ᐱᑐᑦᑕᕕᐅᑉ ᑐᑭᓯᑎᑦᓯᐅᑎᖏᑦ ᖃᐃᑕᐅᖓᓱᑦ, ᐃᓚᒋᔭᐅᑎᓪᓗᒋᑦ ᐅᖃᓚᐅᑎᖓᑕ ᑭᓯᑦᓯᒍᑎᖓ,ᖃᕆᑕᐅᔭᒃᑯᑦ ᓯᓚᑎᖓ, ᓂᐱᓕᐊᖑᓱᑦ ᑕᒪᒃᑯᐊ ᐃᓂᓕᐅᕆᓕᑐᐊᕐᒪᑕ, ᓇᒻᒥᓂᖅ ᐊᓪᓚᖁᑎᓕᐅᕈᒪᒍᕕᑦ ᐅᕝᕙᓗ ᐃᓚᐅᒍᒪᒍᕕᑦ ᐱᒍᒪᔭᓪᓗᐊᑎᓐᓂ ᐱᒍᑦᔨᒍᑎᑦᑎᓂ, ᓂᐱᓕᐊᕆᑐᐃᓐᓇᕆᐊᓕᕗᑦ ᓯᓚᑎᑉᐱᑦ ᓇᓗᓇᐃᒃᑯᑕᖓ, ᐊᒻᒪᐃᒍᑎᑦ ᖃᕆᑕᐅᔭᒥ ᐊᒻᒪᓗ ᐊᓯᖏᑦ ᑐᑭᓯᑎᑦᓯᐅᑎᑦ ᖃᐃᑕᐅᒪᔪᑦ ᑕᑕᕐᓴᑕᕕᓂᕐᐱᑦ ᐃᓗᓕᖏᓐᓂᑐᑦ, ᐅᑦᑐᑎᒋᓗᒋᑦ, ᐅᑭᐅᑭᑦᑐᓄᑦ ᑲᒪᔨᖃᖕᖏᑐᓄᑦ, ᓄᐊᑦᓯᓱᖑᔪᒍᑦ ᑐᑭᓯᑎᑦᓯᐅᑎᖏᓐᓂᑦ ᐊᖓᔪᕐᖃᖓᑕ ᐊᑎᖓ ᐅᕝᕙᓗ ᑲᒪᔨᖓ, ᑕᐃᒃᑯᐊᓗ ᓇᓪᓕᐊᓄᕐᑕᐅᓚᖓᓂᖓ ᐊᒻᒪᓗ ᐊᐃᔭᐅᕕᒋᓚᖓᔭᖓ ᐱᐊᕋᐅᑉ ᒥᕝᕕᒥ. ᐱᓇᓱᒋᐊᕐᑐᑐᖃᕐᓂᐸᓪᓗ ᓄᐊᑦᓯᓱᖑᒻᒥᔪᒍᑦ ᑐᑭᓯᑎᑦᓯᐅᑎᓂ ᑎᒥᐅᔪᖁᑎᓐᓄᓕᖓᔪᓂᑦ, ᑎᒥᐅᔪᑉ ᐊᑎᖓ ᓯᓚᑎᖓᓗ, ᐊᒻᒪᓗ ᐅᖃᓚᐅᑎᑦ ᐱᓇᓱᖃᑎᕗᑦ.
ᑕ) ᑐᑭᓯᑎᑦᓯᐅᑎᑦ ᐃᓂᓕᐅᕐᓂᕕᓂᕐᓄᑦ, ᖃᖓᑦᑕᐅᑎᒥ ᐊᑭᓕᓂᑦ ᐅᕝᕙᓗ ᐊᓯᖏᑦ ᐱᒍᑦᔨᕕᑦ:
ᐃᓂᓕᐅᓕᑐᐊᕈᕕᑦ ᐃᓄᐃᑦ ᖃᖓᑦᑕᔪᖏᒍᑦ, ᐊᐅᓪᓚᑎᑦᓯᓕᕈᕕᑦ, ᐅᕝᕙᓗ ᐊᑦᑕᑐᐊᖃᓯᒍᕕᑦ ᖃᖓᑦᑕᔪᒥ, ᑲᔪᓯᑎᓱᕗᑦ ᑐᑭᓯᑎᑦᓯᐅᑎᑦ ᖃᐃᑕᕕᓂᑎᑦ ᐊᑐᕐᓱᒋᑦ, ᐃᓚᐅᑎᓪᓗᒋᑦ ᖃᖓᑕᓂᕆᓚᖓᔭᖓᑕ ᐃᒪᐃᓕᖓᓂᖏᑦ, ᐊᑭᑦ, ᐊᒻᒪᓗ ᐃᓂᓕᐅᕆᓂᕕᓂᖓᑕ ᐅᓪᓗᖓ.ᐃᓚᒋᐊᓪᓚᓱᕗᑦ ᑐᑭᓯᑎᑦᓯᐅᑎᑦ ᐃᓚᒋᐊᓪᓚᒍᑎᓄᑦ ᐱᒍᑦᔭᐅᓂᒃᑯᑦ ᐃᓚᒋᐊᓪᓚᒍᑎᐅᑎᓪᓗᒋᑦ ᐃᑦᓯᕕᓐᓄᑦ ᐊᒻᒪᓗ ᐃᑦᓯᕙᐅᑕᕐᑕᓂᕐᒧᑦ ᐱᒍᓐᓇᒥᔪᑦ, ᐱᓪᓗᑯᒋᐊᓕᑦ ᐊᐅᓪᓚᑎᑦᓯᓂᒃᑯᑦ ᑭᖕᖑᒪᒋᔭᕗᓪᓗ ᑐᑭᓯᑎᑦᓯᐅᑎᑦ ᐱᔭᕆᕐᑕᐅᒍᑎᑦᓴᖓᓂ ᐊᑭᓕᒍᑎᐅᑉ ᐃᓂᓕᐊᕕᓂᕐᓄᑦ ᐊᒻᒪᓗ ᐊᐅᓪᓚᑎᑦᓯᒍᑎᕕᓂᑎᓐᓄᑦ. ᐊᑭᓕᔪᕕᓂᐅᑉᐸᑕᓗ ᖃᕆᑕᐅᔭᒃᑯᑦ ᐃᓄᐃᑦ ᖃᖓᑦᑕᔪᖓᑕ ᓯᓚᑎᖓᒍᑦ ᓄᐊᓱᕆᒻᒥᔭᕗᑦ ᑐᑭᓯᑎᑦᓯᐅᑎᑦ ᐊᑭᓕᒍᑎᖏᓐᓄᑦ.
ᑲ) ᐊᐅᓚᓂᖓᑕ ᑐᑭᓯᑎᑦᓯᐅᑎᖏᑦ :
ᐃᑭᒪᓚᖓᔪᓪᓗᓂᑦ ᐃᓂᓕᐅᕆᒍᕕᐅᒃ ᐃᓄᐃᑦ ᖃᖓᑦᑕᔪᖓᒍᑦ, ᑲᔪᓯᑎᓱᕗᑦ ᑐᑭᓯᑎᑦᓯᐅᑎᑦ ᐊᐅᓚᓂᕆᓚᖓᔭᕐᓄᓂᖓᔪᑦ, ᒪᑯᐊ, ᖃᖓᑦᑕᐅᑎᖓᑕ ᐊᓪᓚᑕᐅᒍᑎᖏᑦ, ᖃᕆᑕᐅᔭᒃᑯᑦ ᐅᕝᕙᓗ ᒥᕝᕕᒥ ᐃᑎᕐᐸᑦ, ᖃᕆᑕᐅᔭᒃᑯᑦ ᐅᕝᕙᓗ ᐊᒥᓱᓕᕐᑎᓯᒪᔪᒃᑯᑦ ᐃᑭᒍᓐᓇᐅᑎ, ᓄᐊᑦᓯᑐᐃᓐᓇᕆᐊᖃᕐᒥᔪᒍᑦ ᐃᑲᔪᕐᑕᐅᓗᑯᒋᐊᓕᓐᓂᑦ ᑎᑭᒍᑎ ᐅᕝᕙᓗ ᐃᑭᒋᐊᕐᑐᓯᒍᑎᒃ ᖃᖓᑦᑕᔪᒧᑦ, ᓂᕆᔭᑦᓴᐃᓗ ᓄᐊᑦᓯᓯᒪᒋᐊᖃᑐᐃᓐᓇᕆᐊᖃᕐᒥᔪᒍᑦ ᐊᒻᒪᓗ ᑕᑯᒋᐊᕐᓗᑕ ᐊᓪᓚᓯᒪᔪᓂᑦ ᐱᓯᒪᔭᐅᒋᐊᓕᓐᓂ ᒪᓕᒐᓕᕆᔨᓄᑦ ᓄᓇᓕᕐᓚᖓᑕ ᒪᓕᓪᓗᒋᑦ ᐱᖁᔭᓕᐊᕕᓂᖏᑦ ᐱᑦᒧᑎᒋᑦᓱᒋᑦ ᖃᓄᐃᖕᖏᓯᐊᕐᓂᒧᑦ ᓄᕙᓐᓇᔪᐊᖅ−19 ᒧᓕᖓᔪᓂᑦ.
ᒐ) ᑐᑭᓯᑎᑦᓯᐅᑎᑦ ᐃᓚᐅᔪᒍᑎᑎᓐᓄᑦ ᓄᐃᓯᒪᔭᕗᓐᓄᑦ:
ᐃᓚᒋᔭᐅᓕᕈᕕᑦ ᐃᓄᐃᑦ ᖃᖓᑦᑕᔪᖏᑦᑕ ᓄᐃᓯᒪᔭᖏᓐᓄᑦ (ᐃᓴᕈᖅ ᓴᓚᖃᐅᑎ, ᑲᑐᑦᔨᓂᖅᑲᔪᖏᕐᓴᐅᑎᑦ, ᐃᓚᐅᔪᖅ, ᐊᓯᖏᓪᓗ) ᑲᔪᓯᑎᓱᕗᑦ ᑐᑭᓯᑎᑦᓯᐅᑎᖏᑦ ᐃᓚᐅᔪᒍᑎᑉᐱᑦ ᑭᓯᑦᓯᒍᑎᖓ ᐊᒻᒪᓗ ᐊᓯᖏᑦ ᐃᒪᐃᓕᖓᓂᕋᐃᒍᑎᑦ ᐃᓚᒋᔭᐅᒋᐊᓕᑦ ᐅᑎᕐᕕᐅᒍᑎᑦᓴᓄᑦ ᐊᒻᒪᓗ ᑭᓯᑦᓯᒍᑎᓂ ᓄᐊᑦᓯᒍᑎᐅᑦᓱᑎᑦ, ᐊᒻᒪᓗ ᐊᓯᖏᓐᓂ ᓱᖃᑦᓯᓂᕐᓂ ᐱᓇᓱᐊᕐᓂᑎᓐᓄᑦ ᐱᑐᑦᓯᒪᔪᓄᑦ ᐱᕙᓪᓕᖁᑎᓕᓐᓄᑦ ᐳᕐᑐᓂᕐᓴᒥ. ᑐᑭᓯᑎᑦᓯᐅᑎ ᓄᐊᑕᕗᑦ ᐊᓯᑦᔨᑐᖃᑦᑕᓱᑦ, ᖃᓄᐃᓕᖓᓕᕐᓂᖓᓂ ᖃᐅᔨᒋᐊᕈᒪᒍᕕᑦ ᖃᐅᔨᒋᐊᕆᑦ ᐅᕙᑦᑎᓄ ᒪᓂ. RPRP-DPO@airinuit.com
ᒪ) ᐃᓚᒋᔭᐅᔪᑦ ᒪᓂᒪᑎᑕᕗᓐᓂ ᐅᕝᕙᓗ ᐊᑭᑭᓪᓕᒋᐊᕐᓯᒪᔪᑦ ᓄᐃᓯᒪᔭᕗᑦ:
ᓂᐅᕕᑐᐊᕈᕕᑦ ᐃᓄᐃᑦ ᖃᖓᑦᑕᔪᖏᑦᑕ ᓇᓪᓕᐊᓂᓪᓗᑯ ᒪᓂᒪᔭᕗᓐᓂᑦ ᐅᕝᕙᓗ ᓄᐃᑎᓯᒪᔭᕗᓐᓂᑦ, ᓄᐊᑦᓯᓱᖑᔪᒍᑦ ᑐᑭᓯᑎᑦᓯᐅᑎᓂᑦ ᓇᓗᓇᐃᕐᓯᒍᑎᑦᓴᑎᓐᓂ ᓇᓪᓕᐊᓂ ᓂᐅᕕᕐᒪᖓᕐᐱᑦ ᐊᒻᒪᓗ ᐊᐅᓚᓕᕈᕕᑦ ᑐᕐᖃᑕᕐᕕᓴᑎᓐᓂ.
ᓇ) ᐊᑐᕐᓂᖅ ᐊᐅᓚᓕᕈᑎᒃ ᓱᖃᑦᓯᒍᑎᑦᑎᓂ:
ᐊᑐᑐᐊᕈᕕᑦ ᐃᑭᒪᓗᑎᑦ ᓱᖃᑦᓯᒍᑎᑦᑎᓂ ᐃᓄᐃᑦ ᖃᖓᑦᑕᔪᖏᓐᓂ, ᓄᐊᑦᓯᓱᒍᖕᖏᑐᒍᑦ ᑐᑭᓯᑎᑦᓯᐅᑎᓂ ᖃᕆᑕᔭᒃᑯᑦ ᕿᒥᕐᕈᑕᕕᓂᑎᓐᓂ.
ᓴ) ᐅᖃᖃᑎᒋᓐᓂᑦ, ᖃᕆᑕᐅᔭᒃᑯᑦ ᐅᕝᕙᓗ ᐅᖃᓚᐅᑎᒃᑯᑦ:
ᐅᖃᖃᑎᖃᕈᕕᑦ ᖃᕆᑕᐅᔭᒃᑯᑦ ᐅᖃᖃᑎᖃᓕᕈᕕᑦ ᐊᓪᓚᓂᒃᑯᑦ ᐅᕝᕙᓗ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᓄ, ᑎᒍᒥᐊᓱᕗᑦ ᐅᖃᖃᑎᒋᒍᑎᕕᓂᑦ, ᓂᐱᓕᐅᕆᑐᐃᓐᓇᕆᐊᖃᕐᒥᔪᒍᑦ ᐅᖃᓚᐅᑎᒃᑯᑦ ᐱᒍᑦᔨᓂᕗᑦ ᓇᒻᒪᓇᑦᓯᐊᒪᖓᑦ ᐃᑉᐱᒋᑦᓱᒍ ᐅᕝᕙᓗ ᑭᓪᓕᒍᑎᑦᓴᕆᓗᒍ ᐅᕝᕙᓗ ᐅᐃᕕᓴᕐᑕᐅᑕᐃᓕᒍᑎᒋᑦᓱᒍ. ᐅᖃᖃᑎᖃᕐᓂᑎᑦ, ᒪᑯᓂᖓ ᐃᓚᐅᒍᑎᒥ ᓂᐅᕕᕐᓂᖅ ᐅᕝᕙᓗ ᐃᓚᐅᒍᒪᐃᕈᓂ ᑐᓴᕐᑎᓯᒍᑎᑦᑎᓄᑦ, ᓂᐱᓕᐊᖑᕙᒻᒥᔪᑦ.
ᓚ) ᑐᑭᓯᑎᑦᓯᐅᑎᑦ ᖃᐃᒍᒪᔭᑎᑦ ᐊᕕᖃᑎᖃᕐᓗᑎᑦ ᐅᕙᑦᑎᓂ:
ᑲᔪᓯᑎᓱᕆᒻᒥᔭᕗᑦ ᑐᑭᓯᑎᑦᓯᐅᑎᑦ ᐅᕙᑦᑎᓄᑦ ᐊᕕᖃᑎᒋᒍᒪᔭᑎᑦ, ᐅᑦᑐᑎᒋᓗᒍ ᐊᕕᖃᑎᖃᕈᕕᑦ ᐱᒍᒪᔭᑎᓐᓂᑦ ᐊᒻᒪᓗ ᖃᓄᐃᓗᕈᒪᓂᑎᓐᓂ ᐊᕐᕿᓯᒪᔭᕗᓐᓂ ᖃᕆᑕᐅᔭᒃᑯᑦ ᕿᒥᕐᕈᕋᑦᓴᐃᑦ, ᐅᖃᐅᓯᑦᓴᑎᓐᓂᑦ ᐊᓪᓚᒍᓐᓇᖁᑎᑦ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖃᑎᒋᒍᑎᒃᑯᑦ ᐅᕝᕙᓗ ᖃᕆᑕᐅᔭᒃᑯᑦ ᕿᒥᕐᕈᕕᑦᑎᓄᑦ.
ᔭ) ᐃᑉᐱᒋᔭᐅᑲᐱᒋᐊᓕᑦ ᑐᑭᓯᑎᑦᓯᐅᑎᑦ :
ᓄᐊᑦᓯᑐᐃᓐᓇᕆᐊᖃᕐᑐᒍᑦ ᑐᑭᓯᑎᑦᓯᐅᑎᓂᑦ ᐃᑉᐱᒋᔭᐅᑲᐱᒋᐊᓕᓐᓂ ᖃᐅᔨᒪᔭᐅᒋᐊᖃᖕᖏᑐᕐᑎᒍᑦ ᒪᓕᒐᓕᓐᓄᑦ,ᐃᒪᐃᑦᑐᓂᑦ ᐃᑲᔪᕐᑕᐅᒍᑎᖃᓪᓗᑯᒋᐊᓕᑦ ᐅᕝᕙᓗ ᓂᕿᑦ ᐱᔭᐅᒋᐊᖃᖕᖏᑐᑦ ᐊᓐᓂᐊᔪᓄᑦ ᐅᕝᕙᓗ ᐅᑉᐱᓂᕐᒥᓄᑦ ᐱᑦᔪᑎᓕᓐᓄᑦ. ᑐᑭᓯᑎᑦᓯᐅᑎ ᓄᐊᑕᐅᓱᖅ ᑐᑦᓯᕋᐅᑎᓕᐅᕐᓯᒪᒍᕕᑦ ᐊᒻᒪᓗ ᐊᑐᕐᑕᐅᒋᐊᖃᓪᓚᕆᑦᓱᓂᑎᑦ ᐃᓱᒪᓗᑎᑎᑦ ᐱᒍᑦᔭᐅᓕᕈᕕᑦ ᐊᐅᓚᓂᕐᓂ.
ᕙ) ᓄᐊᑦᓯᓂᖅ ᑐᑭᓯᑎᑦᓯᐅᑎᓂᑦ ᐅᑭᐅᑭᑦᑐᓄᓕᖓᔪᓄᑦ :
ᓄᐊᑕᑐᐊᕆᓱᕗᑦ ᐊᒻᒪᓗ ᑲᔪᓯᑎᑦᓱᒋᑦ ᓇᒻᒥᓂᖅ ᐊᓪᓚᓯᒪᔪᖃᐅᑎᓐᓄᑦ ᐅᑭᐅᑭᑦᑐᑐᐊᕐᒪᑕ 14−ᐊᑕᓂ ᐅᑭᐅᓕᑦ ᐊᖏᕐᓯᒪᐅᑎᖓᑕ ᐊᖓᔪᕐᖃᖓᑕ ᑲᒪᔨᖓᓗᓐᓂᑦ ᒪᓕᑦᓱᒍ. ᓄᐊᑕᕕᓂᐅᑉᐸᑕ ᐅᑭᐅᑭᑦᑐᑉ ᐊᓪᓚᓯᒪᐅᑎᖏᑦ ᐊᖓᔪᕐᖃᒐ ᐅᕝᕙᓗ ᑲᒪᔨᖓ ᐊᖏᕐᓯᒪᑎᓐᓇᒍ, ᐊᖓᔪᕐᖃᖓ ᐅᕝᕙᓗ ᑲᒪᔨᖓ ᑲᔪᓯᑎᑕᐅᖁᔨᖕᖏᐸᑦ ᐊᐅᑲᕈᓐᓇᕕᓕᑦ ᐅᕝᕙᓗ ᐊᓪᓚᓯᒪᔪᖃᐅᑎᒥ ᐱᕐᑕᐅᓗᑎᑦ.
ᐊ) ᓄᐊᑦᓯᓱᖑᔪᒍᑦ ᐃᓄᑉ ᑐᑭᓯᑎᑦᓯᐅᑎᒐᓂᑦ ᓇᒻᒥᓂᖅ ᑕᑐᕋᐃᓐᓇᑐᒥᑦ ᖃᐃᑕᐅᔪᓂᑦ.
ᐅᑦᑐᑎᒋᓗᒋᑦ ᐃᓄᑉ ᑐᑭᓯᑎᑦᓯᐅᑎᖏᓐᓂᑦ ᓄᐊᑦᓯᓱᖑᔪᒍᑦ ᐃᓂᓕᐅᕆᓕᕋᑦᑕ ᖃᖓᑦᑕᔪᑦᑎᓂ,ᐊᑭᓕᒍᑎᕕᓂᕐᓂ,ᒥᕝᕕᒥᓐᓂᖓ,ᐊᓪᓚᖃᐅᑎᓕᐅᑐᐊᕐᒪᑕ ᖃᕆᑕᐅᔭᒃᑯᑦ,ᐃᓚᐅᓯᒻᒪᑕᓗ ᓄᐃᑎᓯᒪᔭᕗᓐᓄᑦ,ᐊᐅᓪᓚᑐᑦᓴᓕᐅᕐᓂᖅ ᐃᑦᓯᕕᒻᒥ,ᐊᑦᑕᑐᐊᓕᑦ ᖃᖓᑦᑕᔪᒥ,ᑐᑦᓯᕋᐅᑎᑦ ᐅᕝᕙᓗ ᐱᖃᕐᓂᕋᐃᒍᑎᑦ,ᓇᒻᒪᓇᕐᑐᓂ ᐊᐱᕐᓱᔭᕐᓂᖅ,ᐅᖃᐅᓯᑦᓴᖃᕈᕕᑦ ᖃᕆᑕᔭᒃᑯᑦ ᐱᑐᑦᓯᒪᖃᑎᒋᓐᓂᑯᑦ ᐊᓪᓚᒍᓐᓇᐳᑎᑦ,ᑐᕋᐃᓐᓇᓗᑎᑦ ᓂᐅᕕᕐᑎᓂᑦ ᐱᒍᑦᔨᔨᑦᑎᓄᑦ,ᐃᓚᐅᒋᑦ ᐊᓪᓚᑕᕐᓂᑯᑦ ᖃᕆᑕᐅᔭᒃᑯᑦ ᐅᕝᕙᓗ ᐃᓚᐅᒐᓱᒋᑦ ᓱᖃᑦᓯᓂᑦᑎᓄᑦ ᓇᓪᓕᖏᓐᓄᑦ,ᐱᓕᐅᑎᓂᑦᑎᓄᑦ ᐅᕝᕙᓗ ᓂᐅᕐᕈᓯᐊᑦᑎᓄᑦ ᐱᒍᒪᔭᓪᓗᑯᓐᓂ.
ᐸ) ᑎᑭᑕᐅᓱᖑᒻᒥᔪᒍᑦ ᐃᓄᑉ ᑐᑭᓯᑎᑦᓯᐅᑎᖏᓐᓄᑦ ᐅᖃᖃᑎᖃᕐᓂᕕᓂᑦ ᒪᓕᑦᓱᒍ ᐅᕝᕙᓗ ᖃᖓᑦᑕᐅᑎᓕᕆᔨᒧᑦ,ᐱᓇᓱᐊᖃᑎᑦᑎᓄᑦ ᖃᖓᑦᑕᔪᕐᓂᐊᓂᕐᒥ ᐅᕝᕙᓗ ᐊᓯᖏᓐᓂ ᑎᒥᐅᔪᓂ ᐊᐅᓚᑕᑦᑎᓄᑦ ᐃᓚᐅᔪᓂᑦ ᑎᒥᐅᔪᖁᑎᖓᑕ ᐊᐅᓚᑦᓯᔪᑉ ᐊᐅᓚᒍᑎᑎᓐᓂ.
ᑎᑭᑕᐅᓱᖑᔪᒍᑦ ᑐᑭᓯᑎᑦᓯᐅᑎᑎᓐᓂ ᐱᓇᓱᐊᖃᑎᑦᑎᓂ ᐃᓂᓕᐅᕆᓂᒃᑯᑦ ᐱᑐᑦᓯᒪᐅᑎᒃᑯᑦ (e.g ᓄᓇᕐᔪᐊᒥ ᐱᑐᑦᓯᒪᐅᑎᖃᑎᒋᑦ System/GDS ᐅᕝᕙᓗ ᐊᓯᒐᓚᖏᑦ ᖃᕆᑕᐅᔭᒃᑯᕈᑎᒃᑯᑐᑦ) ᐱᒍᑦᔨᒍᓐᓇᖁᓪᓗᑕ ᐃᓕᓐᓂᑦ. ᐅᑦᑐᑎᒋᓗᒍ, ᐃᓂᓕᐅᕐᓂᕈᕕᑦ ᖃᖓᑦᑕᐅᑎᓕᕆᔨᑦ ᐊᑐᕐᓗᒍ ᐅᕝᕙᓗ ᖃᕆᑕᐅᔭᒃᑯᑦ ᐃᓂᓕᐅᕆᓐᓂᕈᕕᑦ, ᑎᑭᑕᐅᓱᖑᔪᒍᑦ ᑐᑭᓯᑎᑦᓯᐅᑎᓕᒪᓂ ᐃᓂᓪᓚᑎᕆᒍᑎᑦᓴᑎᓐᓂ ᐊᒻᒪᓗ ᐊᐅᓚᓚᕿᑦᓱᑎᑦ. ᑎᒥᐅᔪᖅ ᑕᒪᒃᑯᓂᖓ ᐊᕐᕿᓱᐃᔪᖅ ᐃᓂᓪᓚᑎᕆᑦᓱᓂᓗ ᐊᐅᓪᓚᕈᑎᑦᓴᓂᑦ ᑭᓇᐅᓂ3ᐱᑦ ᑐᑭᓯᑎᑦᓯᐅᑎᖏᓐᓂᑦᓂ ᑲᒪᖃᑕᐅᒻᒥᔪᖅ ᐱᕙᓪᓕᐊᔭᐅᓂᖓᓄᑦ. ᑕᑯᒐᔭᕐᒥᔪᑎᑦ ᖃᓄᖅ ᑐᑭᓯᑎᑦᓯᐅᑎᓂ ᐊᐅᓚᑦᓯᓱᖑᒻᒪᖓᑕ ᐃᓄᑉ ᑐᑭᓯᑎᑦᓯᐅᑎᖓᓂᑦ ᑕᐃᑯᓇ ᖃᐅᔨᔭᐅᑭᑕᒋᐊᖃᖕᖏᑐᑦ ᒪᓕᒐᖏᓐᓂ.
ᑕ) ᖃᕆᑕᐅᔭᒃᑯᑦ ᕿᒥᕐᕈᓂᕕᓂᑦᑎᓂ ᐊᑐᑐᐊᕈᕕᑦ,ᓄᐊᑦᓯᓱᖑᔪᒍᑦ ᑐᑭᓯᑎᑦᓯᐅᑎᓂ ᐅᑎᕐᑕᕕᒻᒥ ᖃᕆᑕᐅᔭᒃᑯᑦ ᐊᒻᒪᓗ ᐊᑦᔨᒐᓚᖏᓐᓂᑦ ᐱᑐᑦᓯᒪᐅᑎᓂ ᖃᕆᑕᐅᔭᒃᑯᑦ.
ᖃᖓᑦᑕᔪᖏᑦ ᓇᒻᒥᓂ ᖃᕆᑕᐅᔭᒃᑯᑦ ᐅᑎᕐᑕᕕᒻᒥᓂ ᐊᑐᓱᑦ ᐊᒻᒪᓗ ᐱᓇᓱᖃᑎᒥᑕ ᖃᕆᑕᐅᔭᒃᑯᑦ ᐅᑎᕐᑕᕕᖏᓐᓂ,ᐅᕝᕙᓗ ᐱᑐᑦᓯᒪᐅᑎᓂ ᖃᕆᑕᐅᔭᒃᑯᑦ,ᓱᕐᖁᐃᓯᐊᕐᓂᐊᕋᑦᑕ ᕿᒥᕐᕈᓕᕈᕕᑦ ᓇᒻᒪᓴᖁᓪᓗᑎᑦ.ᐅᑎᕐᑕᕕᑦ ᒥᑭᔪᐊᐱᐅᑦᓱᑎᑦ ᓄᐃᑕᓱᑦ ᐊᒻᒪᐃᓕᕋᕕᑦ ᓯᓚᑎᖓᓂ ᖃᕆᑕᐅᔭᕈᑎᐅᑉ,ᐊᑐᕐᑕᐅᒐᓪᓕᓱᑦ ᖃᕆᑕᐅᔭᓕᕈᕕᑦ ᐱᔭᕆᐊᑭᑦᑐᑎᑦᓯᓱᖑᒻᒪᑕ ᐊᒻᒪᓗ ᒪᓂᒪᑎᑦᓯᒍᑎᐅᑦᓱᑎᑦ ᑐᑭᓯᑎᑦᓯᐅᑎᓂ ᓇᒻᒥᓂᓕᓐᓄᑦ ᖃᕆᑕᐅᔭᐅᑉ ᕿᒥᕐᕈᕕᖓᓄᑦ.ᐊᑐᑐᐃᓐᓇᕆᐊᓕᕗᑦ ᑕᒪᖏᒃ ᐅᑎᕐᑕᕕᒃ ᐅᕝᕙᓗ ᐊᑕᐃᓐᓇᑐᖅ ᐅᑎᕐᑕᕕᒃ. ᐅᑦᑐᑎᒋᓗᒍ, ᐅᖃᐅᓯᖅ ᐊᑐᕈᒪᔭᖓ,ᐊᒻᒪᓗ ᐳᓚᕐᑎ ᖃᕆᑕᐅᔭᒃᑯᑦ ᐊᑐᖕᖏᑲᓗᐊᕐᒪᖓᒃ ᐱᓇᓱᑦᑎᐅᑉ ᖃᕆᑕᐅᔭᕈᑎᖓᓄᑦ. ᑲᔪᓯᒍᕕᑦ ᕿᒥᕐᕈᓗᒍ ᐅᕝᕙᓗ ᐊᑐᕐᓗᒍ ᕿᒥᕐᕈᕕᕗᑦ ᖃᕆᑕᐅᔭᒃᑯᑦ,ᐊᖏᖃᑎᖃᕐᖁᑎᑦ ᐊᑐᕈᒪᓗᑎᑦ ᖃᕆᑕᐅᔭᒃᑯᑦ ᐅᑎᕐᑕᕕᒃᑎᓄᑦ ᐊᒻᒪᓗ ᐊᑦᔨᐸᓱᖏᓐᓂᑦ ᖃᕆᑕᐅᔭᐅᑉ ᐱᑐᑦᓯᒪᒍᑎᖏᓐᓄᑦ ᐱᑦᔪᑎᒋᑦᓱᒋᑦ ᒪᓕᒐᓕᐊᕆᔭᐅᓯᒪᔪᓂ ᑎᒥᐅᔪᒧᑦ.ᖃᖓᓕᒪᖅ ᐊᓯᑦᔨᑐᕈᓐᓇᑕᑎᑦ ᐅᑎᕐᑕᕕᓕᐊᕕᓂᑦ ᖃᖓᓕᒪᖅ ᒪᓕᓪᓗᒍ ᐊᐅᓚᑦᓯᔪᑦ ᐱᓇᓱᐊᖃᑎᕗᑦ ᐅᑎᕐᑕᕕᑦᑎᓂ ᖃᕆᑕᐅᔭᒃᑯᑦ RPRP-DPO@airinuit.com ᒪᓐᓇᓯᐅᑎᓂ ᑭᓇᒃᑯᓂᖏᑦᑕ ᐱᓇᓱᐊᖃᑎᕗᑦ ᐅᑎᕐᑕᕕᓐᓂ ᖃᕆᑕᐅᔭᒃᑯᑦ ᒪᓂᒪᑎᑦᓯᔪᓂ ᐊᑐᓱᖑᔪᒍᑦ ᐊᒻᒪᓗ ᑐᑭᓯᓇᕆᐊᓪᓚᒍᑎᓂᑦ.
ᐃᓄᑉ ᑐᑭᓯᑎᑦᓯᐅᑎᖓᓂᑦ ᖃᐅᔨᔭᐅᑎᑦᓯᓚᐅᕐᓇᑕ ᑯᐸᐃᒃ ᓯᓚᑕᓄᑦ,ᐃᓄᐃᑦ ᖃᖓᑦᑕᔪᖏᑦ ᐸᓯᒐᑦᓴᐅᕗᑦ ᒪᓂᒪᑎᑦᓯᓂᕐᒥᑦ ᖃᐅᔨᔭᐅᓗᑭᒋᐊᖃᖕᖏᑐᑦ ᐱᓇᓱᐊᖃᑎᒋᑦᑐᑦ ᕿᒥᕐᕈᔭᐅᒍᑎᖏᓐᓂ (PIA)ᐊᓪᓚᖁᑎᖏᓐᓄᓕᖓᔪᓂᑦ:
- ᑲᒪᒋᔭᐅᑲᐱᒋᐊᓕᑦ ᑐᑭᓯᑎᑦᓯᐅᑎᑦ
- ᓱᓇᒥᑦ ᐃᑦᔪᑎᖃᕐᓗᓂ ᐊᑐᕐᑕᐅᓚᖓᕙ
- ᓴᐳᒻᒥᔭᐅᒍᑎᑦᓴᖏᑦ ᐊᑐᕐᑕᐅᒐᔭᕐᑐᑦ,ᐃᓚᒋᔭᐅᑎᓪᓗᒋᑦ ᐱᓇᓱᓱᐊᖃᑎᑦᑕ ᓴᐳᒻᒥᔭᐅᒍᑎᖏᑦ, ᐊᒻᒪᓗ
- ᐊᑐᕐᑕᐅᒍᓐᓇᐸᑦ ᐃᕐᖃᑐᐃᕕᒃᑯᑎᑦᓯᒍᓐᓇᓂᖏᑦ ᐱᒍᑦᔨᖃᑎᒋᓐᓂᑕ ᐱᒍᓐᓇᐅᑎᖏᓐᓂᑦ ᐃᕐᖃᑐᐃᕕᒃᑯᑦ ᑐᑭᓯᑎᑦᓯᐅᑎᑦ ᒪᓂᒪᓂᖏᑦ, ᐃᓚᒋᔭᐅᑎᓪᓗᒋᑦ ᐃᕐᖃᑐᐃᕕᒃᑯᑎᑦᓯᒍᓐᓇᓂᖏᑦ ᐱᒍᑦᔨᖃᑎᒋᓐᓂᕗᑦ ᐊᑕᐃᓐᓇᓕᒪᕐᒪᑦ ᑯᐸᐃᒃ ᖃᐅᔨᔭᐅᓗᑭᒋᐊᖃᖕᖏᑐᑦ ᒪᓕᒐᖏᑦᑕ ᐊᑕᒍᑦ
ᐃᓄᑉ ᑐᑭᓯᑎᑦᓯᐅᑎᖓ ᓄᑕᐅᕗᖅ ᑯᐸᐃᒃ ᓯᓚᑕᓄᑦ ᐊᕐᕿᑕᐅᒪᓂᖓ ᐱᕙᓪᓕᖁᑎᑦᓴᖓᓄᓕᖓᔪᓂᑦ ᓴᐳᒻᒥᔭᐅᑦᓯᐊᓕᕐᐸᑦ.
ᐊᐅᓚᑦᓯᔨᐅᓂᒃᑯᑦ, ᐃᓄᐃᑦ ᖃᖓᑦᑕᔪᖏᑦ ᐊᑐᓱᑦ ᓴᐳᒻᒥᔭᐅᒍᓐᓇᕕᓕᒪᖓᒍᑦ ᐊᒻᒪᓗ ᖃᐅᔨᒪᔭᐅᒋᐊᖃᖕᖏᓂᖓ ᐃᓄᑉ ᑐᑭᓯᑎᑦᓯᐅᑎᖓᑕ. ᓯᖁᒥᑦᓯᑕᐃᓕᓂᒃᑯᑦ ᐃᓕᑕᕆᔭᐅᖕᖏᑐᑦ ᐊᑐᕈᓐᓇᐅᑎᒥᓂ,ᐊᑐᕐᓂᓗᓚᖓᑉᐸᑕᓗ ᑐᑭᓯᑎᑦᓯᐅᑎᓂᑦ. ᐊᓪᓚᖁᑎᖓᓂᑦᑐᑦ ᑲᒪᒋᔭᐅᑲᐱᒋᐊᓕᑦ ᑐᑭᓯᑎᑦᓯᐅᑎᑦ ᐊᒻᒪᓗ ᐃᓚᒋᔭᐅᑦᓱᓂ ᐊᐃᑦᑐᐃᔪᖅ ᖃᓄᐃᑦᑐᓂᐊᕋᓗᐊᕐᐸᑦ ᑐᑭᓯᑎᑦᓯᐅᑎᐅᑉ ᐱᕙᓪᓕᐊᔭᐅᓂᖓ.
ᐃᓄᐃᑦ ᖃᖓᑦᑕᔪᖏᑦᑕ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖏᑦ ᐊᕐᕿᑕᐅᒪᓱᖑᕗᑦ ᐊᓪᓚᓯᒪᔪᖃᐅᑎᐅᑉ ᓴᐳᒻᒥᔭᐅᓂᖓᑕ. ᐃᒪᐃᓕᖓᕗᖅ ᐊᑐᓂ ᑐᑭᓯᑎᑦᓯᐅᑎᑦ ᖃᐃᑕᐅᔪᑦ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᒃᑯᑦ,ᖃᕆᑕᔭᒃᑯᑐᑦ ᓴᐳᒻᒥᔭᐅᕗᑦ Secure Snocket Layer-ᒧᑦ(SSL) ᖃᕆᑕᐅᔭᓕᕆᓂᒃᑯᑦ ᐊᑦᑕᓇᐃᑦᑐᓯᐊᕐᒪᖓᑦ ᓄᑕᐅᓂᖓ,ᐃᓚᒋᐊᕈᑎ,ᖃᓄᐃᑦᑐᑐᐃᓐᓇᐃᑦ ᐃᓄᑉ ᑐᑭᓯᑎᑦᓯᐅᑎᒋᑦ ᖃᕆᑕᐅᔭᒥᑦᑐᑦ ᓴᐳᒻᒥᔭᐅᕕᒻᒥᓱᑦ ᖃᕆᑕᐅᔭᒃᑯᑦ ᐱᑐᑦᓯᒪᔪᑦ ᓴᐳᒻᒥᔭᐅᕕᖓᓂᑦ. ᐊᑐᕈᓐᓇᑐᑐᐊᑦ ᐃᓕᑕᕆᔭᐅᒍᑎᓕᑦ ᐃᓄᐃᑦ ᖃᖓᑦᑕᔪᖏᓐᓄᑦ ᐊᖏᕐᑕᐅᒪᔪᑦ. ᖃᕆᑕᐅᔭᓕᕆᕕᕗᑦᑕ ᓇᔪᒐᖓ ᐃᓪᓗᖅ ᓯᕗᓪᓕᐅᔭᐅᓱᖅ ᓴᐳᒻᒥᔭᐅᑦᓯᐊᕆᕗᖅ, ᐊᒻᒪᓗ ᐃᓪᓗᑉ ᓇᔪᒐᖓ ᐃᑉᐱᒋᑦᓯᐊᓱᕗᑦ ᓴᐳᒻᒥᔭᐅᑦᓯᐊᓱᑎᓗ ᐃᓗᓕᖏᑦ. ᑕᐃᒪᐃᒻᒪᑦ, ᑲᒪᒋᑦᓯᐊᓱᕗᑦ ᑐᑭᓯᑎᑦᓯᐅᑎ ᓄᐊᑕᐅᕕᖏᓐᓄᑦ ᓴᐳᒻᒥᔭᐅᑦᓯᐊᕆᐊᖃᓱᑦ ᑐᑭᓯᑎᑦᓯᐅᑎᑦ,ᐱᒍᓐᓇᐅᑎᓕᓐᓄᑦ ᑭᓯᐊᓂ ᐊᒻᒪᓗ ᓴᐳᒻᒥᔭᐅᑦᓱᑎᑦ.
ᐱᓇᓱᑦᑎᓕᒪᕗᑦ, ᐊᒻᒪᓗ ᑭᓇᑐᐃᓐᓇᖅ ᐃᓚᒋᔭᐅᔪᖅ ᐊᕐᕿᓱᕐᑕᐅᓂᖓᓄᑦ ᑐᑭᓯᑎᑦᓯᐅᑎᐅᑉ,ᐃᑉᐱᒋᔭᐅᑦᓯᐊᒪᕆᑦᑐᑯᑦ ᒪᓕᒐᕐᑎᒍᑦᓯᐊᒪᖓᑕ ᐊᓪᓚᓯᒪᔪᖃᐅᑎᑦ ᓄᐊᑕᐅᕕᖓᑕ ᒪᓕᒐᖏᑦᑎᒍᑦᓯᐊᒪᖓᑕ ᐊᒻᒪᓗ ᖃᐅᔨᔭᐅᓗᑭᒋᐊᖃᖕᖏᑐᑎᑦᓯᐊᓗᒍ ᐊᕐᕿᓱᕐᑕᓂᖓᑕ ᑐᑭᓯᑎᑦᓯᐅᑎᐅᑉ. ᐊᕐᕿᓯᒪᓱᖑᒻᒥᔪᒍᑦ ᐊᖏᖃᑎᒋᓐᓂᒥ ᖃᐅᔨᔭᐅᓗᑭᒋᐊᖃᖕᖏᑐᓄᓕᖓᔪᓂᑦ ᐊᖏᖃᑎᒋᓯᒪᔭᕗᓪᓗ ᐊᒻᒪᓗ ᐱᓇᓱᐊᖃᑎᕗᑦ ᒪᓕᑦᓯᐊᓕᕐᒪᖓᑕ ᒪᓕᒐᓕᐊᕕᓂᑦᑎᓂ ᖃᐅᔨᒪᔭᐅᒋᐊᖃᖕᖏᑐᕐᑎᒍᑦ. ᑐᒐᕋᖃᕐᓱᕐᑕ ᓱᕐᖁᐃᑐᒥᑦ ᖃᐅᔨᔭᐅᓗᑭᓚᖓᖕᖏᑐᓂᑦ, ᐅᑉᐱᕆᔭᐅᑦᓯᐊᓂᒃᑯᑦ,ᒪᓂᒪᐃᓐᓇᓂᒃᑯᑦ ᐊᒻᒪᓗ ᑐᑭᓯᑎᑦᓯᐅᑎᐅᑉ ᐱᔪᓐᓇᓯᐊᕐᓂᖓᓂᑦ, ᓇᒻᒪᓇᑦᓯᐊᑎᓐᓇᕋᓱᑦᓱᒋᓪᓗ ᓴᐳᒻᒥᔭᐅᒍᑎᒋᒋᐊᓕᖏ ᐊᕐᕿᓱᕐᑕᐅᓂᖓᑕ..
ᐊᓪᓚᓯᒪᔪᖃᐅᑎᕗᓐᓂᓱᑦ ᐊᑐᕐᑕᐅᓂᖏᑦ ᐊᕐᕿᑕᐅᒪᓱᑦ ᖃᓄᑎᒋᕐᓂᖏᑦ ᒪᓕᒐᕐᑎᒍᕐᑐᓂ ᐱᔪᓐᓇᐅᑎᕗᑦ ᐊᕐᕿᑕᐅᒪᓱᖅ 7−ᓂᑦ ᐊᕐᕋᒍᕐᓂ ᐅᑯᐊ (ᐊ−ᒥ)ᑕ)ᑲ) ᐱᑦᔪᑎᖏᑦᑕ ᑎᒍᒥᐊᕐᑐᑦ ᐃᓄᑉ ᑐᑭᓯᑎᑦᓯᐅᑎᖓᓂᑦ)ᐊᕐᕿᓱᕐᑕᐅᓂᕕᓂᖓᑕ ᐃᓄᑉ ᑐᑭᓯᑎᑦᓯᐅᑎᖏᓐᓂ ᐊᓪᓚᓯᒪᔪᕐᑎᒍᑦ (ᐸ−ᒥ)ᒪ−ᒥᑦᑐᓗ) ᐃᓄᑉ ᑐᑭᓯᑎᑦᓯᐅᑎᖏᑦᑕ ᖃᓄᐃᓗᕐᑕᐅᓂᖏᑦ ᑲᔪᓯᑎᑦᓯᐅᑎᒥ) ᖃᓄᑎᒋᕐᓂᖏᑦ ᐊᓯᑦᔨᑐᐃᓐᓇᕆᐊᓕᑦ ᑐᑦᓯᕋᐅᑎᓕᐅᕐᑐᖃᕐᓂᐸᑦ ᐱᕐᑕᐅᖁᔨᓗᑎ ᑐᑭᓯᑎᑦᓯᐅᑎᑎᓐᓂ,ᐃᓚᖏᑦ ᑐᑭᓯᑎᑦᓯᐅᑎᑦ ᑎᒍᒥᐊᑯᑕᑐᐃᓐᓇᕆᐊᓕᕗᑦ ᒪᓕᒐᕐᑎᒍᕐᑐᑯᑦ ᐅᕝᕙᓗ ᐊᓯᖏᑎᒍᑦ ᐱᑦᔪᑎᓄᑦ.
ᑭᖕᖑᒪᒋᒍᓐᓇᐃᕋᑦᑎᒋ,ᐃᓄᑉ ᑐᑭᓯᑎᑦᓯᐅᑎᖏᑦ ᓯᖁᑦᑎᑕᐅᓱᑦ,ᓂᐸᕐᑎᓱᒋᑦ ᐅᕝᕙᓗ ᖃᕆᑕᐅᔭᒃᑯᑐᑦ ᐃᒋᑦᓯᕕᖓᓄᑦ ᐊᑦᑕᓇᐃᑦᑐᑯᑦ.ᐊᐱᕐᓱᑎᑦᓴᖃᕈᕕᑦ ᖃᓄᑎᒋ ᑎᒍᒥᐊᕐᑕᐅᓚᖓᓂᖓᓂᑦ ᐃᓄᑉ ᑐᑭᓯᑎᑦᓯᐅᑎᖓᑕ,ᖃᐅᔨᒋᐊᕆᑦ ᓴᐳᒻᒥᔨᑦᑎᓄᑦ ᐊᓪᓚᓯᒪᔪᖃᐅᑎᑦᑕ ᓴᐳᒻᒥᔨᓕᕆᔨᖓᓄᑦ ᐅᕗᖓ. RPRP-DPO@airinuit.com.
ᒪᓕᒐᕐᑎᒍᕐᑐᑯᑦ, ᐱᒍᓐᓇᐅᑎᖃᑦᓯᐊᑐᑎᑦ (ᐊ) ᐃᓕᒍᓐᓇᑐᖅ (ᐸ) ᐱᒋᐊᑦᓯᐊᓂᑦ (ᑕ) ᐱᕐᑕᖅ (ᑲ) ᑎᑭᑦᑕᕕᖓ ᐊᓪᓚᓯᒪᔪᖃᐅᑎᑉᐱᑦ (ᒐ) ᓇᑦᓴᑕᐅᒍᓐᓇᓂᖓ ᐊᓪᓚᓯᒪᔪᖃᐅᑎᑉᐱᑦ (ᒪ) ᐊᖏᕐᓯᒪᖕᖏᓂᑎᑦ ᐊᓪᓚᓯᒪᔪᖃᐅᓐᓂ.
ᐊ) ᐱᔪᓐᓇᐅᑎᑎᑦ ᐃᓕᒍᓐᓇᐅᑎᓄᑦ
ᓇᓗᓇᐃᒃᑯᑕᖓᓂᑦ ᐊᕐᕿᓱᕐᑕᕗᑦᑕ ᓇᒻᒥᓂᖅ ᐊᓪᓚᓯᒪᔪᖃᐅᑎᓐᓂ ᐊᒻᒪᓗ,ᑕᐃᒪᐃᑉᐸᑦ,ᐊᑦᔨᖓᓂᑦ ᐊᓪᓚᓯᒪᔪᕐᑕᓯᐊᕐᓗᑎᑦ. ᑐᑦᓯᕋᐅᑎᒥ ᑭᐅᒋᐊᖃᑐᐊᕋᑦᑕ ᐱᔪᓐᓇᐅᑎᑎᓐᓂᑦ ᐃᓕᒍᓐᓇᐅᑎᒃᑯᑦ, ᖃᐃᑦᓯᓱᖑᒻᒥᔪᒍᑦ ᐃᓚᒋᐊᕈᑎᓂᑦ ᑐᑭᓯᑎᑦᓯᐅᑎᓂᑦ ᒪᑯᓂᖓ ᑲᔪᓯᑎᑕᐅᓂᖓᓂᑦ ᐃᓱᒪᓗᑎᑎᑦ, ᐊᕕᑦᑐᓯᒪᔪᑦ ᐃᓄᑉ ᑐᑭᓯᑎᑦᓯᐅᑎᖏᑦ ᐊᒻᒪᓗ ᐊᓯᒋᐊᓪᓚᖏᑦ ᑐᑭᓯᑎᑦᓯᐅᑎᑦ ᐱᑐᑦᓯᒪᔪᑦ ᐊᕐᕿᓱᕐᑕᐅᓂᖓᓄᑦ.
ᐸ) ᐱᔪᓐᓇᐅᑎᑎᑦ ᐊᕐᕿᒋᐊᕈᑎᓄᑦ
ᐱᒍᓐᓇᐅᑎᖃᑦᓯᐊᑐᑎᑦ ᑐᑦᓯᕋᐅᑎᒥᑦ ᐊᕐᕿᒋᐊᖁᔨᒍᕕᑦ ᓇᒻᒥᓂᖅ ᐊᓪᓚᓯᒪᔪᖃᑎᓐᓂᑐᒥᑦ ᓇᒻᒪᓇᑦᓯᐊᖏᑦᑐᔪᕆᒍᕕᐅᒃ, ᐃᒪᐃᓗᕐᓗᑎᓗ,ᑕᑯᓐᓇᓗᒍ ᖃᓄᐃᓕᖓᓂᖓ ᐃᑦᔪᑎᖓ ᐊᕐᕿᓱᕐᑕᓂᖓᓄᑦ ᐃᓱᒪᓗᑎᑉᐱᑦ, ᑐᑦᓯᕋᐅᑎ ᐊᕐᕿᒋᐊᕆᐊᖃᕐᒪᖓᑦ, ᐃᓚᕐᑐᑐᐃᓐᓇᕆᐊᓕᒃ ᓱᓇᐅᓂᖓ ᑐᑭᓯᑎᑦᓯᐅᑎᐅᑉ ᐃᓚᒋᐊᕈᑎᖓ.
ᑕ) ᐱᔪᓐᓇᐅᑎᑦ ᐱᔭᕐᑕᐅᖁᔨᒍᕕᑦ
ᑐᑦᓯᕋᕈᓐᓇᑐᑎᑦ ᐱᕐᑕᐅᖁᔨᒍᕕᑦ ᓇᒻᒥᓂᖅ ᑐᑭᓯᑎᑦᓯᐅᑎᑎᓐᓂ. ᐊᑐᑎᔭᐅᒍᓐᓇᑐᖅ ᐃᓚᐃᓐᓇᖏᓐᓄᑦ ᐊᓯᑦᔨᕈᓐᓇᑐᓄᑦ. ᐅᑦᑐᑎᒋᓗᒍ, ᓇᒻᒥᓂᖅ ᐊᓪᓚᓯᒪᔪᖃᐅᑎ ᐊᑐᕈᓐᓇᐃᑐᐃᓐᓇᕆᐊᓕᒃ ᐱᑦᔪᑎᕕᓂᖓᓄᑦ ᓄᐊᑕᐅᓂᖓᑕ. ᐅᕝᕙᓗ ᐊᕐᕿᓱᕐᑕᐅᒪᑉᐸᑦ ᒪᓕᒐᒃᑯᓂᖕᖏᑐᒃᑯᑦ. ᐱᒋᐅᕐᓴᕈᕕᐅᒃ ᐱᔪᓐᓇᐅᑎᑦ, ᐊᒻᒪᓗ ᓇᓪᓕᖓ ᑭᖕᖑᒪᒋᔭᐅᑉᐸᑦ ᑐᑦᓯᕋᐅᑎᑎᓐᓄᑦ, ᐱᑦᓴᐅᑎᒋᐊᐱᒐᔭᕐᑕᕗᑦ ᓇᒻᒥᓂᖅ ᐊᓪᓚᓯᒪᔪᖃᐅᑎᑦ.
ᑲ) ᐱᔪᓐᓇᐅᑎ ᑎᒍᒥᐊᕈᓐᓇᓂᖓᓄᑦ ᐃᓄᑉ ᑐᑭᓯᑎᑦᓯᐅᑎᖏᓐᓂᑦ
ᐱᔪᓐᓇᐅᑎᖃᕐᑐᑎᑦ ᑐᑦᓯᕋᕈᓐᓇᐅᑎᒥ ᐊᕕᑦᑐᓯᒪᔪᕐᑎᒍᑦ ᓇᒻᒥᓂᖅ ᑐᑭᓯᑎᑦᓯᐅᑎᖏᓐᓂᑦ ᑐᕋᐃᓐᓇᑐᒥ ᐅᖃᖃᑎᕕᓂᕐᓄᑦ ᓴᓇᔭᐅᓂᖓᓂ, ᐊᑐᕐᑕᑭᑕᓱᖅ ᐊᒻᒪᓗ ᐃᖕᖏᕐᕋᔪᕐᑎᒍᑦ ᐊᓪᓚᓂᐊᒐᑦᓴᔭᕐᓂ. ᓇᒻᒪᓇᑦᓯᐊᑐᒃᑯᑦ ᐊᒻᒪᓗ ᖃᕆᑕᐅᔭᒃᑯᑦ ᐱᔭᕆᐊᑭᑦᑐᓂᑦ, ᑐᑦᓯᕋᕈᓐᓇᒥᑦᓱᑎᑦ ᓄᑕᐅᖁᒍᕕᐅᒃ ᑐᑭᓯᑎᑦᓯᐅᑎ ᐊᓯᖏᓐᓄᑦ ᐊᐅᓚᑦᓯᔪᓄᑦ ᐊᓪᓚᓯᒪᔪᖃᐅᑎᒥ.
ᒐ) ᓇᐃᓇᕐᑐᓂᑦ ᐃᓗᓐᓇᒍᖕᖏᑐᖅ ᑲᔪᓯᑎᑦᓯᓂᖅ ᐃᓄᑉ ᑐᑭᓯᑎᑦᓯᐅᑎᖓᓂᑦ
ᐱᔪᓐᓇᐅᑎᖃᕐᑐᑎᑦ ᓇᐃᓇᕐᑐᓂᑦ ᐃᓗᓐᓇᒍᖕᖏᑐᖅ ᑲᔪᓯᑎᑕᐅᓂᖓᓂᑦ ᓇᒻᒥᓂᖅ ᐊᓪᓚᓯᒪᔪᖃᐅᑎᓐᓂ. ᐃᒪᐃᓕᖓᔪᒥᒃ ᓇᓗᓇᐃᒃᑯᑕᓕᐅᕋᔭᕐᑕᕗᑦ ᐊᓪᓚᓯᒪᔪᖃᐅᑎᓐᓂ, ᑎᒍᒥᐊᕈᑦᑎᒍ, ᑕᑯᓐᓇᕋᔭᕐᑕᕗᑦ ᓄᕐᖃᖓᑎᑲᐃᓐᓇᓗᒍᓗ ᑲᔪᓯᑎᑕᐅᓂᖓ. ᑕᓐᓇ ᐱᔪᓐᓇᐅᑎᖃᖕᖏᑐᖅ ᓂᐸᕐᑎᕆᓂᕐᒥᑦ, ᐊᒻᒪᓗ ᖃᐅᔨᑎᑦᓯᒍᓐᓇᓯᐊᕐᓱᑕ ᑭᐅᒪᐅᑎᖃᑎᖕᖏᓂᑦᑎᓂ ᐅᖃᖃᑎᒋᓐᓂᑯᑦ ᑕᒪᒃᑯᐊ ᑲᔪᓯᑎᑕᐅᒋᒃᑯᑎᖏᑦ ᐱᕐᑕᐅᐸᑕ.
ᒪ) ᐱᔪᓐᓇᐅᑎ ᐊᐅᑲᕈᒪᒍᓂ
ᓄᕐᖃᑎᑕᐅᖁᒍᕕᐅ ᑲᔪᓯᑎᑕᐅᓂᖓ ᐊᓪᓚᓯᒪᔪᖃᐅᑎᑉᐱᑦ, ᐅᑦᑐᑎᒋᓗᒍ, ᖃᖓᓕᒪᖅ ᐊᐅᑲᕈᓐᓇᑐᑎᑦ ᐊᒻᒪᓗ ᐊᑭᖃᖕᖏᑐᒥ ᐊᕐᕿᓱᕐᑕᐅᓂᖓᓄᑦ ᓇᒻᒥᓂᖅ ᐊᓪᓚᓯᒪᔪᖃᐅᑎᓐᓄᓕᖓᔪᓂ ᑭᓇᐅᔭᓕᐅᕋᓱᐊᕐᓂᑯᑦ ᐃᓚᒋᔭᐅᑎᓪᓗᒋᑦ ᓄᐃᑕᑎᑦᓯᓂᑦ ᑭᓇᐅᓂᖏᓐᓂ ᓇᐅᓕᒪᓄᑦ ᑭᓇᐅᔭᓕᐅᕋᓱᑦᑐᓄᑦ, ᐱᒋᐅᕐᓴᕈᕕᐅ ᐱᔪᓐᓇᐅᑎᑦ, ᑲᔪᓯᑎᒐᔭᖕᖏᑕᕗᑦ ᐊᕐᕿᓱᕐᑕᐅᓂᖓ ᐊᓪᓚᓯᒪᔪᖃᐅᑎᑉᐱᑦ ᑕᒃᑯᐊ ᐱᑦᔪᑎᒋᓗᒋᑦ. ᐃᒪᐃᓗᕈᓐᓇᒥᔪᑎᑦ, ᐱᑐᑦᓯᒪᒍᕕᑦ ᓂᐅᕕᕐᑎᓕᕆᔨᑦᑎᓄᑦ ᐱᒍᑦᔨᕕᑦᑎᓄᑦ ᐅᖃᓚᐅᑎᒃᑯᑦ ᓂᐱᓕᐊᕆᔭᐅᓂᕐᓂ, ᐅᖃᓚᒍᒪᐃᕈᕕᑦ ᒪᑐᒍᒪᒍᓐᓇᓯᐊᕐᑐᑎᑦ.
ᓇ) ᐱᕐᓯᒍᒪᒍᕕᑦ ᐊᖏᕈᑎᕕᓂᑎᓐᓂ
ᓇᓂ ᐱᔪᓐᓇᐅᑎᖃᕆᐊᓕᒃ ᐃᕐᖃᑐᐃᕕᐅᑉ ᒪᓕᖓᖏᑎᒍᑦ ᐃᓚᖏᑦ ᑲᔪᓯᑎᑕᐅᒋᐊᓕᑦᓴᒪᑦ,ᑐᑭᓯᑎᑦᓯᐅᑎᑦ ᐊᑐᕋᔭᕐᑕᕗᑦ ᐊᖏᕐᓯᒪᐅᑎᒋᒋᐊᓕᑎᓐᓂᑦ ᑭᓯᐊᓂ ᑎᒍᒥᐊᓕᕈᑦᑕ.ᐱᕐᓯᒍᓐᓇᑐᑎᑦ ᖃᖓᓕᒪᖅ ᒪᓕᓪᓗᒋᑦ ᓱᓇᒧᓪᓗᑯᓕᖓᓂᖏᑦ ᐃᓱᒪᓗᑎᓐᓄᓕᖓᔪᓂᑦ ᑲᔪᓯᑎᑕᐅᓂᖓᓄᑦ. ᐅᑦᑐᑎᒋᓗᒍ ᐱᕈᓐᓇᑕᐃᑦ ᐊᖏᕈᑎᕕᓂᑦ ᓂᓂᕐᓗᒍ ᐃᓚᐅᒍᒪᐃᕐᑐᑉ ᐱᑐᕝᕕᖓ ᐊᓪᓚᑕᕕᓂᑎᓐᓂ ᖃᕆᑕᐅᔭᒃᑯᑦ ᐃᓚᒋᔭᐅᒐᔭᕐᑐᖅ (e.g ᐃᓄᐃᑦᖃᖓᑦᑕᔪᖏᑦᑕ ᑐᓴᕋᑦᓴᖏᓐᓂ) ᐅᕝᕙᓗ ᐊᓯᑦᔨᒍᒪᓐᓂᕈᕕᑦ ᐅᖃᖃᑎᒋᖃᑦᑕᓚᖓᓂᑦᑎᓂ ᓇᓪᓕᐊᒍᑦ ᑐᑭᑕᕕᓂᑦᓯᓂ ᑕᐃᒪᐃᓕᒍᓐᓇᕕᖃᕐᐸᑦ. ᑐᑭᓯᒋᐊᓪᓚᒍᒪᒍᕕᑦ ᖃᓄᖅ ᐱᕐᓯᒍᒪᒍᕕᑦ ᖃᕆᑕᔭᐅᑉ ᐱᑐᑦᑕᕕᖓᓂᑦ ᑐᕋᐃᓐᓇᕈᑎᒥ ᐊᒻᒪᓗ ᐊᑦᔨᐸᓱᖏᓐᓂᑦ ᐊᑐᓱᕐᑕ ᐱᑐᑦᓯᒪᒍᑎᓂ ᖃᕆᑕᐅᔭᕐᓄᑦ ᑕᑯᒋᐊᕐᕕᑎᓐᓂ ᐃᓄᐃ ᖃᖓᑦᑕᔪᖏᑦᑕ ᓂᕕᖕᖓᓯᒪᔭᕗᓐᓂᑦ ᖃᕆᑕᐅᔭᒃᑯᑦ ᐅᕝᕙᓗ ᐊᑐᕈᑦᑕ ᓇᓂᓕᒪᖅ ᐱᑐᑦᓯᒪᐅᑎᓂ, ᑕᑯᒋᐊᕈ ᐊᕕᑦᑐᓯᒪᐅᑎ 6)ᑕ) ᑕᑦᓱᒪ ᒪᓕᑦᑕᐅᒋᐊᓕᐅᑉ ᑐᑭᓯᑎᑦᓯᐅᑎᖓ.
ᓴ) ᐅᓐᓂᓗᒪᐅᑎᑦ ᐃᑉᐱᒍᓱᒐᓱᐊᕐᑎᑯᓐᓄᑦ ᐱᒍᓐᓇᐅᑎᓕᓐᓄᑦ
ᐃᓗᒃᑯᓇᕐᑎᑐᑦ ᐃᒪᓕᖓᒐᔭᕐᑐᖅ, ᐱᕐᑕᐅᓚᕆᒋᐊᖃᕐᑐᕆᔭᒥᓂ ᐊᑐᑎᔭᐅᒋᐊᓕᑦᑎᒍᑦ, ᐅᖃᓚᔪᕕᓂᐅᑉᐸᑕᓗᐊᖕᖑᐊᖅ ᐅᓐᓂᓗᒪᐅᑎᖓ ᐃᓕᔭᐅᑉᐸᑦ ᓄᐊᑦᓯᒍᓐᓇᐅᑎᓕᓐᓄᑦ ᐃᓄᑉ ᑐᑭᓯᑎᑦᓯᐅᑎᖏᓐᓂᑦ ᓴᐳᒻᒥᔭᐅᒍᑎᓕᓐᓂ ᐅᒪᐅᑉ ᐊᑕᒍᑦ (Commission,d’Acces a l’information pour le Quebec)
ᓚ) ᐊᐅᑲᕐᓂᖅ ᐃᓚᖏᓐᓂᑦ ᑐᑦᓯᕋᐅᑎᓂ
ᐱᔪᓐᓇᐅᑎᑦ ᐅᖃᔭᐅᔪᑦ ᖁᓚᓂ ᐃᓗᓐᓇᑎᑦ ᐊᑐᕐᑕᖏᑦᑐᓱᖑᒻᒥᔪᑦ ᒪᓕᑦᑕᐅᒋᐊᓕᓐᓂ, ᐱᑦᔪᑎᒋᑦᓱᒋᑦ, ᐃᒪᐃᓗᕈᓐᓇᒥᔪᒍᑦ ᐊᐅᑲᕈᓐᓇᑐᒍᑦ ᑐᑦᓯᕋᐅᑎᓂ ᐃᓚᖏᓐᓂ, ᐊᑐᓂ ᑐᑦᓯᕋᐅᑎᑦ, ᐃᑉᐱᒋᑦᓯᐊᓱᒋᑦ ᐊᕐᕿᑕᐅᒪᓂᓕᒪᖓ ᓂᕆᐅᒍᑦᑕ ᑕᐃᒪᐃᑦᑐᓂ ᐊᒻᒪᓗ ᖃᐅᔨᑎᑦᓯᐅᑎᒋᑦᓱᒍᑦ ᐃᓕᓐᓄᑦ. ᐃᒪᐃᓗᑐᐃᓐᓇᕆᐊᖃᕐᑐᒍᑦ, ᐅᑦᑐᑎᒋᓗᒍ, ᐊᐅᑲᕐᓗᒍ ᑐᑦᓯᕋᐅᑎᑦ ᐃᓚᐅᒍᓐᓇᓂᕐᓄᑦ ᓴᐳᒻᒥᓚᕆᒋᐊᖃᓯᒍᑦᑕ ᐱᔪᓐᓇᐅᑎᒥ ᐊᒻᒪᓗ ᐱᒍᓐᓇᐅᑎᖃᕐᒥᔪᑦ ᐃᒻᒥᒍᓇᕐᑎᑐᑦ ᐊᓯᖏᒍᑦ, ᐅᕝᕙᓗ ᐱᕐᓯᒍᒪᖕᖏᑐᒍᓐᓇᒥᑦᓱᑕ ᐃᓄᑉ ᑐᑭᓯᑎᑦᓯᐅᑎᖏᓐᓂ ᐊᕐᕿᓱᕐᑕᐅᓂᖓ ᑐᑭᓯᑎᑦᓯᐅᑎᐅᑉ ᐊᑐᓪᖢᑐᕆᐊᖃᕐᐸᑦ ᐃᕐᖃᑐᐃᕕᒃᑯᕈᑎᑦᓴᔭᓄᑦ.
ᔭ) ᖃᐅᔨᒋᐊᕐᕕᓴᐃᑦ ᐱᒋᐅᕐᓴᕈᒪᒍᕕᑦ ᐱᔪᓐᓇᐅᑎᑎᓐᓂ.
ᐱᒋᐅᕐᓴᕈᒪᒍᕕᑦ ᐱᔪᓐᓇᐅᑎᑎᓐᓂ, ᐅᖃᐅᑎᑎᒍᑦ:
ᐊᓪᓚᑕᕐᕕᑯᑦ :
Air Inuit Ltd. ᐃᓄᐃᑦ ᖃᖓᑦᑕᔪᖏᑦ
Care of Data Protection Officer – Maria Godoy
6005 Côte-Vertu Blvd.
Montréal (Québec) H4S 0B1
ᖃᕆᑕᐅᔭᒃᑯᑦ ᐱᑐᑦᓯᒪᐅᑎᒃᑯᑦ ᐊᓪᓚᓗᑎ ᒪᐅᖓ