ᐊᑐᐊᕐᓗᒋᑦ ᐃᓘᓐᓇᑎᒃ ᖃᐅᔨᑎᑦᓯᒍᑏᑦ

ᐱᐊᕋᓕᔭᕐᓱᑎᒃ/ᑲᒃᑲᓛᓕᔭᕐᓱᑎᒃ ᐊᐅᓚᔪᐃᑦ

ᐱᐊᕋᓕᔭᕐᓱᓂ/ᑲᒃᑲᓛᓕᔭᕐᓱᑎᒃ ᐊᐅᓚᒐᒋᐊᒥᒃ ᐊᕐᓱᕈᓐᓇᑐᑲᓪᓚᐅᕗᖅ. ᐃᐊ ᐃᓄᐃᑦ ᐃᑲᔪᕐᓯᒪᒍᓐᓇᓲᑦ ᐱᐊᕋᓕᔭᕐᓱᑎᒃ/ᑲᒃᑲᓛᓕᔭᕐᓱᑎᒃ ᐅᕝᕙᓘᓐᓃᑦ ᓄᑕᕋᓕᔭᕐᑐᓂᒃ ᐊᒻᒪᓗ ᐱᐊᕋᑦᓴᓕᓐᓂᒃ/ᓄᑕᕋᑦᓴᓕᓐᓂᒃ ᐃᑲᔪᕐᓯᒪᓲᒍᒻᒥᓱᑎᒃ.

ᐱᐊᕋᐃᑦ/ᑲᒃᑲᓛᑦ ᒪᕐᕉᓂᒃ ᐅᑭᐅᖃᕋᑕᖕᖏᑐᐃᑦ ᐃᐊ ᐃᓄᐃᒃᑯᑎᒍᑦ ᐊᐅᓚᔪᐃᑦ ᐊᑭᖃᓲᖕᖏᑐᑦ. ᑭᓯᐊᓂ, ᖃᐅᔨᒪᔭᐅᒋᐊᓕᒃ, ᓄᑕᕋᐃᑦ ᓴᕐᓕᐊᑕᐅᒋᐊᖃᕐᒪᑕ ᖃᖓᑕᓂᓕᒫᑦᓯᓂ, ᖃᖓᑦᑕᔫᖅ/ᑎᒻᒥᔫᖅ ᓄᓇᒃᑯᑦ ᐃᖏᕐᕋᓱᓂ ᖃᖓᑦᑕᒋᐊᕐᑐᓯᑐᐊᕐᐸᑦ, ᖃᖓᑦᑕᓯᑐᐊᑉᐸᓗ ᐊᒻᒪᓗ ᒥᒐᓱᐊᓯᑐᐊᕐᐸᑦ.

ᓂᕆᒐᑦᓴᖏᓐᓂᒃ ᑕᖁᐊᖃᑦᓯᐊᓗᓯ, ᓇᖏᖃᕐᑎᓯᑦᓯᐊᓗᓯ/ᖁᐃᖏᓕᑕᖃᕐᑎᓯᑦᓯᐊᓗᓯ ᐊᒻᒪᓗ ᑭᖕᖒᒪᒐᔭᕐᑕᓕᒫᖏᓐᓂᒃ ᐱᐊᕋᐅᑉ/ᑲᒃᑲᓛᑉ ᓇᑦᓴᓯᑦᓯᐊᓗᓯ.

ᓄᑕᕋᕐᑖᖑᕐᖃᒻᒥᖅ ᐃᓅᓕᕐᑐᕕᓂᐅᓗᓂ ᐅᓪᓗᓂ 7-ᓂ ᐅᓪᓗᖃᕋᑕᕐᑎᓇᒍ ᐊᐅᓪᓚᕆᐊᖃᑐᐊᕐᐸᑦ, ᐃᓄᐃᑦᑯᑦ ᐱᑎᑕᐅᒪᒋᐊᖃᕐᐳᑦ ᐋᓐᓂᐊᓯᐅᕐᑎᒪᕆᐅᑉ ᐊᓪᓚᓯᒪᔪᑎᒍᑦ ᐱᔪᓐᓇᓂᕃᒍᑎᖏᓐᓂᒃ ᐅᖃᕐᓯᒪᔪᓂᒃ ᓄᑕᕋᕐᓗ ᐊᓈᓇᖓᓗ ᖃᖓᑦᑕᔫᒃᑯᑦ ᐊᐅᓪᓚᕋᓗᐊᕈᑎᒃ ᖃᓄᐃᖕᖏᒋᐊᖏᒃ ᐊᐅᓚᓂᖃᓚᖓᒋᐊᖓ (ᓄᓇᓕᒻᒥᑦ) (ᓄᓇᓕᒻᒧᑦ) ᐅᕙᓂ (ᐅᓪᓗᖓᓂ) ᐋᓐᓂᐊᓯᐅᕐᑎᒪᕆᐅᑉ ᐊᓪᓚᓯᒪᔪᓕᐊᕕᓂᖓᑕ ᐊᑦᔨᖓ ᖃᖓᑦᑕᐅᑎᑕᕐᕕᒧᑦ ᐁᑦᑐᑎᒋᒋᐊᓕᒃ ᐊᐅᓪᓚᕆᐊᕐᑐᓕᕐᐸᑎᒃ.

ᐱᐊᕋᐃᑦ/ᑲᒃᑲᓛᑦ ᒪᕐᕉᒃ ᐅᖓᑖᓄᑦ ᐅᑭᐅᓖᑦ ᓇᒻᒥᓂᖅ ᖃᖓᑦᑕᔫᒥ/ᑎᒻᒥᔫᒥ ᐃᑦᓯᕙᐅᑕᖃᒋᐊᓖᑦ ᐊᑦᑕᓀᑦᑐᒦᒋᐊᖃᕐᓂᑯᖏᓐᓄᑦ ᐊᒻᒪᓗ ᐃᓄᒻᒪᕆᒥᒃ ᒪᓕᑦᑎᖃᕆᐊᖃᕐᓱᑎᒃ 16 ᐅᖓᑖᓄᑦ ᐅᑭᐅᓕᒻᒥᒃ.

ᐱᐊᕋᖅ/ᑲᒃᑲᓛᖅ ᐊᑦᑕᓀᑦᑐᒦᒋᐊᖃᕐᒪᑦ ᖃᖓᑕᓂᖓᓂ ᖃᖓᑦᑕᔫᖅ/ᑎᒻᒥᔫᖅ, ᑲᕙᒪᑐᖃᑦᑯᑦ ᑲᕙᒪᒃᑯᖏᑦ ᓄᑕᕋᕐᓂᒃ ᐃᑦᓯᕙᐅᑕᒦᒋᐊᖃᕐᓂᖏᓐᓂᒃ ᒪᓕᒐᕐᑎᒍᑦ ᐋᕐᕿᓱᕐᓯᒪᐅᑎᖃᕐᒪᑕ ᐃᑦᓯᕙᐅᑌᑦ ᓄᑕᕋᕐᓄᑦ ᐊᑐᕐᑕᐅᒍᓐᓇᑐᑦ ᐊᑭᖃᖕᖏᑑᑎᓪᓗᒋᑦ ᖃᖓᑕᓚᖓᔪᓄᑦ ᐅᕝᕙᓘᓐᓃᑦ ᓄᓇᒃᑯᔫᒥ ᓄᑕᕋᕐᓄᑦ ᐃᑦᓯᕙᐅᑕᕆᔭᐅᓲᑦ ᐊᑐᕐᑕᐅᒋᐊᓖ.

ᐱᐊᕋᕐᓂᒃ/ᑲᒃᑲᓛᓂᒃ 14 ᒥᑦᓯᑎᒍᑦ ᐅᑭᐅᓕᓐᓂᒃ ᐱᕕᓕᒫᑎᒍᑦ ᐊᖓᔪᕐᖄᒥᑕ, ᑲᒪᕕᒥᑕᓘᓐᓃᑦ ᐅᕝᕙᓘᓐᓃᑦ ᐃᑉᐱᒋᔨᒥᑕ ᖃᓂᑦᑕᕆᔭᖓᓂ ᐃᓯᕙᐅᑕᖃᕐᑎᓯᒐᓱᐊᓲᒍᕗᒍᑦ ᐊᑭᓕᕆᐊᓪᓚᑐᒋᐊᑐᖕᖏᑐᓂᒃ.

ᐃᑭᑎᑕᐅᕐᖄᒋᐊᖃᓲᒍᒻᒪᑕ ᐃᑭᑎᑕᐅᕐᖄᒋᐊᓖᑦ ᑌᒣᒐᓱᐊᖁᔨᓪᓚᕆᑉᐳᒍᑦ ᖃᓂᑦᑕᕆᓪᓗᓯ ᐃᑦᓯᕙᖃᑎᒌᒍᒪᑐᐊᕈᑦᓯ, ᐊᒥᓲᓂᕐᓭᑦ ᖃᖓᑦᑕᔫᖁᑎᕗᑦ/ᑎᒻᒥᔫᖁᑎᕗᑦ ᓇᓪᓕᐊᓂᑐᐃᓐᓇᖅ ᐃᑦᓯᕙᐅᑕᖃᕐᑎᓯᓲᒍᒻᒪᑕ ᐃᑦᓯᕙᕕᒋᒍᒪᔭᒥᓂᒃ.

ᕿᑐᕐᙰᑦ ᐃᓄᑑᓗᓂ ᐊᐅᓪᓚᓚᖓᑐᐊᕐᐸᑦ, ᐃᐊ ᐃᓄᐃᒃᑯᑦ ᐱᓇᓱᑦᑎᖓᓄᑦ ᐃᑉᐱᒋᔭᐅᒍᓐᓇᑐᖅ ᑎᒻᒥᔪᕐᓂᐊᕕᒻᒥ, ᖃᖓᑦᑕᔫᒥ/ᑎᒻᒥᔫᒥ ᐊᒻᒪᓗ ᐊᓯᐊᓄᑦ ᖃᖓᑦᑕᔫᒧᑦ/ᑎᒻᒥᔫᒧᑦ ᐃᑭᒋᐊᕐᑐᓂᖓᓂ, ᐱᕕᖃᑐᐊᕐᐸᑦ, ᕿᑐᕐᙰᑦ ᐊᑦᑕᓇᖕᖏᑐᒦᓯᐊᒐᓱᐊᕐᓗᒍ ᐃᓱᐊᕐᑑᒍᓐᓇᕕᓕᒫᖓᑎᒍᑦ ᐊᐅᓚᓂᕐᒥᓂ ᑌᒣᑎᒐᓱᐊᒋᐊᓕᓯ.

  • ᐱᐊᕋᐃᑦ/ᑲᒃᑲᓛᑦ 5-ᓂᑦ 11-ᒧᑦ ᐅᑭᐅᓖᑦ ᐃᓄᑑᓗᑎᒃ ᐊᐅᓚᓚᖓᑐᐊᕈᑎᒃ ᓇᓗᓀᕐᑕᐅᓯᒪᑦᓯᐊᒋᐊᓖᑦ ᒪᓕᑦᑎᖃᓚᖓᖕᖏᑐᐊᕐᐸᑕ ᐅᑭᐅᑦᑐᐃᑦ. ᐃᓂᑦᓴᓕᐅᕐᑕᐅᓕᑐᖃᕈᑎᒃ ᓇᓗᓀᕐᑕᐅᓴᐅᑎᒋᒋᐊᓖᑦ ᒪᓕᑦᑎᖃᓛᖕᖏᑐᐊᕐᐸᑕ ᐊᒻᒪᓗ ᐃᑉᐱᔭᐅᒋᐊᖃᓚᖓᑐᐊᕋᒥᒃ $52.50-ᒥᑦ $57.49-ᒧᑦ ᑎᑭᑦᓱᒍ (ᑖᒃᓯᖏᑦ ᐃᓚᐅᒋᕐᑎᓗᒋᑦ) ᐊᑭᓖᒋᐊᓪᓚᒍᑕᐅᒋᐊᖃᓲᑦ ᐃᑭᒍᑎᖏᑦᑕ ᐊᓯᐊᒍᑦ.
  • ᒪᓕᑦᑎᖃᖕᖏᑐᐃᑦ ᐅᑭᐅᑭᑦᑑᓱᑎᒃ ᐃᑉᐱᒋᔭᐅᓲᑦ ᖃᖓᑦᑕᔫᒧᑦ/ᑎᒻᒥᔫᒧᑦ ᐃᑭᒋᐊᕐᑐᓯᑐᐊᕐᒪᑕ ᑎᑭᐅᑎᖕᖏᓂᓕᒫᖏᓐᓂ ᐅᐸᑦᑕᒥᓄᑦ ᐊᒻᒪᓗ ᓂᐅᕕᐅᑎᒋᑦᓱᒍ ᐅᑕᕐᕿᔪᒧᑦ ᑎᑭᖕᖏᓂᓕᒫᖏᓐᓂ.

ᒪᓕᑦᑎᖃᓚᖓᖕᖏᑐᐃᑦ ᐊᐅᓚᒍᑎᑦᓴᖏᓐᓂᒃ ᐃᓂᑦᓴᓕᐅᕐᕕᒧᑦ ᐅᖄᓚᒍᓐᓇᑐᓯ, ᐃᐊ ᐃᓄᐃᒃᑯᑦ ᐃᓂᑦᓴᓕᐅᕐᕕᒃ.

ᑕᑯᖕᖏᓚᑏᑦ ᐱᒍᒪᔭᕐᓂᒃ?

ᑕᑯᒋᐊᕐᓗᒋᑦ ᐃᑲᔪᕐᑕᐅᓂᕐᒨᓕᖓᔪᑦ ᒪᑉᐱᕋᖓᑦ!

ᐃᑲᔪᕐᑕᐅᓂᖅ