ᐊᐅᓚᕐᖃᔭᑦᓯᐊᖏᑦᑐᐃᑦ ᐃᑲᔪᕐᑎᖃᕐᓂᖏᑦ

ᐊᑦᑕᓇᕐᑐᒦᑎᑦᓯᑌᓕᒋᐊᖃᕐᓂᕗᑦ ᖃᓄᐃᖕᖏᓯᐊᕆᐊᖃᕐᓂᖓᓗ ᐅᓯᕙᑦᑕᑕ ᐱᒻᒪᕆᓪᓚᕆᐅᒻᒪᑦ. ᓱᕐᕋᑕᐅᒍᑎᐅᒍᓐᓇᑐᓂᒃ ᖁᓄᓪᓕᕈᑎᐅᒍᓐᓇᑐᓂᒃ ᐃᓘᓐᓇᖏᓐᓂᒃ ᓄᖑᑎᑦᓯᒍᓐᓇᖏᒃᑲᓗᐊᕐᓱᑕ, ᐃᑭᑦᑑᒍᓐᓇᕕᓕᒫᖏᓐᓄᑦ ᐃᑭᓪᓕᑎᕆᓯᒪᒐᓱᐊᕈᓐᓇᑐᒍᑦ.

ᖃᖓᑦᑕᔫᑉ ᐃᓗᐊᖓ ᓴᓗᒪᑎᑦᓯᐊᕋᓱᐊᓲᕆᒐᓗᐊᕐᓱᒍ, ᓱᕐᕋᕈᑎᐅᒍᓐᓇᑐᑦ ᖁᓄᓪᓕᕈᑎᐅᒍᓐᓇᑐᑦ ᐱᑕᖃᖏᓐᓇᓲᑦ ᖃᖓᑦᑕᔫᒥ ᐊᓯᖏᓐᓄᓗᓐᓃᑦ ᐊᐅᓪᓚᑐᓄᑦ ᓇᑦᓴᑕᐅᑦᓱᑎᒃ.

ᐅᑯᐊ ᐋᕐᕿᑕᐅᓯᒪᔪᖅ ᓱᕐᕃᓗᐊᕇᒃᑯᑎᑦᓴᐅᓱᑎᒃ:

• ᐃᓂᖃᕐᑎᑕᐅᒍᒪᒍᓐᓇᑐᑎᑦ ᓱᓇᑕᖃᖕᖏᑐᒥᒃ: ᐃᑦᓯᕙᐅᑕᕐᑖᕈᒪᓗᑎᑦ ᐆᒪᔪᕐᑕᖃᖕᖏᑐᒥᒃ ᐴᓯᓂᒃ ᕿᒻᒥᓂᓪᓘᓃᑦ ᓱᕐᕋᑕᐅᒍᑎᖃᓲᖑᒍᕕᑦ ᖁᓄᓪᓕᕈᑎᖃᓲᖑᒍᕕᑦ. ᐃᓂᖓ ᐊᑦᔨᒌᖕᖏᑐᖅ ᒪᓕᑦᓱᒍ ᖃᖓᑦᑕᔫᑉ ᐊᖏᓂᖓ.
• ᖃᖓᑦᑕᔫᒥ ᑐᓴᕐᑎᓯᒍᑏᑦ: ᖃᖓᑦᑕᔫᒦᑦᑐᑦ ᐅᖃᐅᑎᔭᐅᒍᓐᓇᑐᑦ ᓂᕿᓂᒃ ᓱᕐᕋᑕᕈᑎᐅᓲᓂᒃ ᖁᓄᓪᓕᒍᑎᐅᓲᓂ ᓂᕆᑦᑌᓕᖁᔭᐅᓗᑎᒃ (ᐆᑦᑐᕋᐅᑎᒋᓗᒍ ᖃᖁᐊᒉᑦ) ᓱᕐᕋᑕᐅᒻᒪᕆᒍᑎᐅᓲᖑᒋᐊᖏᑦ ᖃᖓᑦᑕᔫᒦᑦᑐᒧᑦ ᖃᐅᔨᑎᑕᐅᓯᒪᒍᑦᑕ.
• ᓯᕗᓪᓕᐅᓗᑎᒃ ᐃᑭᑎᑕᐅᒍᓐᓇᑐᑦ: ᐊᐅᓪᓚᕋᓱᑦᑐᑦ ᓱᕐᕋᑕᕈᑎᖃᓲᑦ ᖁᓄᓪᓕᖃᑦᑕᕈᑎᖃᓲᑦ ᓯᕗᓪᓕᐅᓗᑎᒃ ᐃᑭᑎᑕᐅᒍᓐᓇᑐᑦ ᐃᓂᒋᓂᐊᕐᑕᒥᓂᒃ ᐃᓂᓪᓚᑎᑦᓯᐊᓂᐊᕐᒪᑕ.

ᓱᕐᕋᑕᐅᑦᑕᕈᑎᖃᓲᓄᑦ ᖁᓂᓪᓕᕈᑎᖃᓲᓄᑦ ᐊᐅᓪᓚᑐᓄᑦ ᐊᑐᕐᑕᐅᔪᑦᓭᑦ:

• ᓇᒻᒥᓂᖅ ᓂᕆᓂᐊᕐᑕᑎᓐᓂᒃ ᓇᑦᓴᓯᓗᑎᑦ ᐅᖁᒻᒥᓗᒐᑦᓴᑎᓐᓂᓗ.
• ᐋᓐᓂᐊᓯᐅᑎᑎᑦ ᐊᑐᐃᓐᓇᐅᑎᓪᓗᒋᑦ (ᑲᐴᑎ) ᑎᒍᑐᐃᓐᓇᕆᐊᓕᒻᒦᓗᓂ.
• ᐃᑦᓯᕙᐅᑕᕆᓚᒐᔦᑦ ᐊᓪᓚᑎᕐᓗᒍ, ᓵᕆᓚᖓᔦᑦ, ᐃᑦᓯᕙᐅᑕᕐᐱᓗ ᑕᓕᖃᐅᑎᒋᒃ ᖁᐱᕐᕈᐃᔭᕈᑎᒧᑦ.
• ᐃᕐᕈᑑᑎᒥᒃ ᓇᑦᓴᓯᓗᑎᑦ.
• 30 ᒥᓇᑦᓰᑦ ᐃᑭᕕᐅᒋᐊᓕᐅᑉ ᓯᕗᓂᖓᒍᑦ ᐃᑭᒋᐊᕐᑐᓴᐅᑎᒋᓗᑎᑦ ᐃᓂᓪᓚᑎᑦᓯᐊᕈᓐᓇᓯᓂᐊᕋᕕᑦ.

ᐱᐊᕃᑦ ᐅᕕᒃᑫᓗ ᖁᓄᓪᓕᕈᑎᖃᓲᖅ ᓱᕐᕋᑕᐅᒍᑎᖃᓲᑦ:

• ᐱᐊᕃᑦ ᐅᑭᐅᓖᑦ 5-ᒥᑦ 11-ᒧᑦ ᐊᖓᔪᕐᖄᒥᓂᒃ ᐁᑉᐸᖃᕆᐊᖃᕐᑐᑦ, ᑲᒪᔨᒥᓂᒃ ᐃᓄᒻᒪᕆᒻᒥᓗᓐᓃᑦ 16 ᐅᖓᑖᓂ ᐅᑭᐅᓕᒻᒥᒃ.
• ᐅᕕᒃᑫᑦ ᐅᑭᐅᓖᑦ 12-ᒥᑦ 18-ᒧᑦ ᐁᑉᐸᖃᕆᐊᖃᕐᒥᔪᑦ ᐊᐅᓪᓚᓕᕈᑎᒃ ᓇᒻᒥᓂᖅ ᐋᓐᓂᐊᓯᐅᑎᒥᓂᑦ ᐊᑐᕈᓐᓇᖏᑐᐊᕈᑎᒃ.

ᐃᓄᐃᑦ ᖃᖓᑦᑕᔫᖏᑦ ᐃᓄᓐᓂᒃ ᐃᓗᓯᕐᓘᑎᓕᓐᓂᒃ ᐃᓱᐊᕆᓂᕐᐹᖓᓄᑦ ᐃᓂᓪᓚᖓᑎᑦᓯᒐᓱᐊᓲᑦ. ᐊᐅᓪᓚᓂᕐᓂ ᐃᑲᔪᕐᑎᖃᕆᐊᖃᕈᕕᑦ, ᖃᓄᐃᓐᓃᑦ ᒪᓕᓪᓗᒍ, ᐱᒍᑦᔨᔨᑦᑎᓄᑦ ᖃᐅᔨᒋᐊᕈᓐᓇᑐᑎᑦ ᐅᕙᓂ airinuit.info@airinuit.com ᐱᓇᓱᐊᖃᑎᒌᑦᓯᐊᓂᐊᕋᑦᑕ ᐃᓱᕐᕆᕈᑎᑦᓴᑎᓐᓂᒃ ᐊᑦᑕᓇᕐᑐᒦᒌᒃᑯᑎᑦᓴᑎᓐᓂᓗ.

ᐃᓚᖏᑦ ᖃᖓᑦᑕᔫᑦ ᐱᒪᔨᓄᑦ ᑭᓯᐊᓂ ᐱᒍᑦᔭᐅᓲᖑᒻᒪᑕ, ᐃᑲᔪᕐᑕᐅᒍᑎᑎᑦ ᐅᑯᓄᖓ ᐊᑑᑎᒐᔭᕐᑐᑦ:

• ᓂᕆᑎᑕᐅᓗᑎᑦ
• ᐋᓐᓂᐊᓯᐅᑎᑐᕐᑎᑕᐅᓗᑎᑦ
• ᖁᕐᕕᓕᐊᕐᑎᑕᐅᓗᑎᑦ
• ᐅᐃᒪᓇᕐᑐᖃᕐᓂᐸᑦ ᐃᑲᔪᕐᑕᐅᓗᑎᑦ, ᐊᓂᓵᕆᐊᖃᕐᓂᕈᕕᑦ ᐊᓂᓂᕐᓴᖓᓗᓐᓃᑦ ᐃᓱᐃᓪᓕᓂᕐᐸᑦ

ᐃᑲᔪᕐᑕᐅᒋᐊᖃᕈᕕᑦ, ᐱᐅᓂᕐᐸᐅᒐᔭᕐᑐᖅ ᐃᑲᔪᕐᑎᑭᕈᕕᑦ ᐃᓱᕐᕆᓂᕐᓴᐅᒐᔭᕋᕕᑦ ᖃᖓᑦᑕᔫᕐᓂᓂ. ᐃᑲᔪᕐᓯᒪᒐᔭᕋᓗᐊᕐᑐᒍᑦ ᒪᑯᑎᒎᓇ:

• ᐃᑭᒐᓱᐊᕐᓂᓂ
• ᐊᐅᓪᓚᓂᕐᓂ ᑎᑭᓐᓂᓂᓪᓗ ᐃᑦᓯᕙᐅᑕᕐᓂᑦ ᐃᖏᑎᑕᐅᓗᑎᑦ ᐊᓂᑎᑕᐅᓗᑎᓪᓗ
• ᓇᓂᓐᓃᓂᒃ ᖃᐅᔨᒪᑎᑕᐅᓗᑎᑦ ᑐᓴᐅᒪᔭᐅᒋᐊᓕᓐᓂᓗ ᑐᓴᐅᒪᑎᑕᐅᓗᑎᑦ
• ᐱᐅᓕᓂᐊᒐᑎᑦ ᓴᓂᕐᕙᑕᐅᓗᑎᒃ ᐊᓂᓯᒍᕕᓪᓗ ᙯᑕᐅᓗᑎᑦ
• ᖃᖓᑦᑕᔫᑉ ᖃᓄᐃᓕᖓᓂᖓᓂᒃ ᑐᑭᓯᑎᑕᐅᓗᑎᑦ ᖃᖓᑕᔫᒦᑦᑐᓂᓪᓗ ᓱᓇᐅᓂᖏᓐᓂᒃ

ᐱᒍᑦᔨᔨᑦᑎᓄᑦ ᐅᖃᕐᓯᒪᒍᕕᑦ ᐱᕕᑦᓴᖃᑦᓯᐊᓗᑎᑦ, ᐃᓄᐃᑦ ᖃᖓᑦᑕᔫᖏᑦ ᐃᑦᓯᕙᐅᑕᓂᒃ ᓴᓂᕐᕓᓯᒪᒐᔭᕐᑐᑦ ᐃᑲᔪᕐᑏᓗ ᓴᓂᓪᓕᕇᓂᒃ ᐃᑦᓯᕙᐅᑕᖃᕋᔭᕋᑦᑎᒃ

ᐊᐅᓪᓚᑐᖅ ᐃᓗᓯᕐᓘᑎᖃᕐᓗᓂ ᑐᑦᓯᕋᐅᑎᓕᐅᕐᓯᒪᑉᐸᑦ, ᐃᓄᐃᑦ ᖃᖓᑦᑕᔫᖏᑦ ᐊᖏᕐᓯᒪᒍᓐᓇᑐᖅ ᕿᖕᒥᒥᒃ ᖃᖓᑦᑕᔫᖃᑎᐅᑎᓪᓗᒍ. ᕿᖕᒥᖅ ᐃᓕᓐᓂᐊᑎᑕᐅᓯᒪᒋᐊᖃᕐᑐᖅ ᐃᑲᔪᕐᑎᐅᓂᕐᒥᒃ, ᑕᕐᕿᖃᕐᓗᓂ ᐱᖓᓲᔪᕐᑐᓂᒃ. ᐃᓗᓯᕐᓗᑎᓐᓂᓗ ᐃᑲᔪᕐᓯᒪᒍᑎᖃᕈᓐᓇᓗᓂ.

ᐊᐅᓪᓚᓚᐅᕐᓇᒃ :

• ᐊᐅᓪᓚᑐᖅ ᐃᓗᓯᕐᓘᑎᖃᕐᓱᓂ ᕿᖕᒥᖃᕐᓱᓂ ᐃᑲᔪᕐᑎᒥᓂᒃ ᐃᓂᓕᐅᕐᕕᑎᓐᓄᑦ ᐅᖃᕐᓯᒪᑦᓴᐅᑎᒋᒋᐊᖃᕐᑐᖅ ᖃᒻᒥᐅᒍᓐᓇᕕᓕᒫᖓᒍᑦ, ᐃᓂᓕᐅᓚᐅᕐᓇᒃ ᐃᓂᓕᐅᓕᕈᕕᓗᓐᓃᑦ. ᑫᕙᓪᓚᒍᓯᕐᓂᒃ 48-ᓂᒃ ᐱᕕᖃᕐᑎᑕᐅᒍᒪᔪᒍᑦ ᖃᐅᔨᓴᑦᓯᐊᓂᐊᕋᑦᑕ ᑭᖕᖒᒪᒋᔭᑎᓐᓂᒃ ᐃᓂᓪᓚᑎᑦᓯᐊᕋᔭᕋᑦᑕ. ᐃᑲᔪᑦᓯᐊᕈᓐᓇᕕᓕᒫᑦᑎᓄᑦ ᐃᓱᕐᕆᑎᑦᓯᒐᓱᐊᕋᔭᕐᖁᒍᑦ ᐱᕕᑦᓴᕗᑦ ᐊᑐᕐᓗᒍ.

• ᓇᓗᓀᕐᑕᐅᒍᑎᑎᓐᓂᒃ ᓯᒃᑭᑖᐱᖃᑦᓯᓗᑎᑦ ᐊᓯᖏᓐᓂᓗᓐᓃᑦ ᕿᖕᒥᓂᒃ ᐃᓕᓐᓂᐊᑎᑦᓯᓲᓂᑦ ᐊᓪᓚᖁᑎᑖᕆᓯᒪᔭᑎᓐᓂᒃ, ᐃᓗᓯᕐᓘᑎᓕᒻᒥᒃ ᑐᑭᓯᔭᐅᑎᑦᓯᓗᑎᒃ ᐊᒻᒪᓗ ᕿᖕᒥᖓᓂᒃ ᓱᓇᔨᐅᓂᖓᓂᒃ.

ᖃᖓᑦᑕᔫᒦᓕᕈᕕᑦ :

• ᕿᖕᒦᑦ ᐃᑲᔪᕐᑏᑦ ᐅᖁᒣᓐᓂᓖᑦ 12 kg-ᓂᒃ ᖃᖓᑦᑕᔫᑉ ᐃᓗᐊᓃᖃᑎᐅᒍᓐᓇᑐᑦ ᐃᑎᒐᑎᓐᓃᓗᑎᒃ ᓴᕐᓕᐊᓗᒍᓗᓐᓃᑦ. ᕿᖕᒦᑦ ᐅᖁᒣᓐᓂᓭᑦ 12 kg-ᓂᒃ, ᐃᓄᐃᑦ ᖃᖓᑦᑕᔫᖏᓐᓄᑦ ᐃᓂᓕᐅᕐᑕᐅᒐᔭᕐᑐᑦ ᓴᓂᓐᓂ ᑌᒣᒋᐊᖃᑐᐊᕐᐸᑦ, ᖃᓄᐃᖕᖏᓯᐊᕐᓂᒧᑦ ᖃᓄᐃᖕᖏᓯᐊᕐᓂᓄᓪᓗ. ᖃᐅᔨᒪᔭᐅᒋᐊᓕᒃ ᕿᖕᒦᑦ ᐃᑲᔪᕐᑏᑦ ᐃᑦᓯᕙᖃᑎᐅᒍᓐᓇᖏᑦᑐᑦ ᐅᐃᒪᓇᕐᑐᓯᐅᕐᕕᒥ, ᐃᑦᓯᕙᐅᑕᖃᕈᓐᓇᕋᑎᓪᓗ ᐃᓄᑕᖃᖕᖏᑐᒥ. ᓇᑎᕐᒥ ᐃᓂᒋᒋᐊᓕᖓᓂ ᐃᓂᖃᕐᑎᑕᐅᒋᐊᖃᕐᑐᑦ, ᐊᕝᕕᐊᕈᓐᓀᓗᑎᒃ ᐃᓱᕝᕕᒥᒃ ᐃᑦᓯᕙᐅᑕᓂᓪᓗ ᖃᓂᑕᖏᓐᓂᒃ.

• ᕿᑉᒦᑦ ᐃᑲᔪᕐᑏᑦ ᑌᒪᖕᖓᓕᒫᖅ ᑲᒪᒋᒋᐊᓖᑦ, ᖁᖓᓯᕈᓯᔭᕐᓗᓂ ᑕᓯᒍᐊᕈᓯᔭᕐᓗᓂᓗ ᖃᖓᑦᑕᓂᓕᒫᕐᓂ.

• ᕿᖕᒥᐱᑦ ᖃᓄᐃᖕᖏᓯᐊᕐᓂᕆᒋᐊᓕᖓᓂᒃ ᑲᒪᖏᓐᓇᕆᐊᖃᕐᑐᑎᑦ.

ᐆᒪᔪᐃᑦ ᐃᑉᐱᓂᐊᕐᓂᖓᓂᒃ ᐃᓅᑉ ᐃᑲᔪᕐᑏᑦ ᖃᖓᑦᑕᔫᒦᒍᓐᓇᖏᑦᑐᑦ.

ᐱᐅᓕᓂᐊᒐᖃᕈᓇᐅᑎᑎᓐᓄᑦ ᐃᓚᒋᔭᐅᑎᓪᓗᒍ ᖃᖓᑦᑕᔫᑉ ᐃᓗᐊᓂ, ᐊᑐᓂᑦ ᐊᐅᓪᓚᑐᑦ ᐃᓗᓯᕐᓗᓂᕐᒥᓄᑦ ᑭᖕᖒᒪᒋᔭᒥᓂᒃ ᓇᑦᓴᓯᒍᓐᓇᑐᑦ ᐊᑭᖃᕆᐊᓪᓚᒍᓐᓀᑎᓪᓗᒍ. 

ᒪᑯᐊ ᓇᑦᓴᑕᐅᒍᓐᓇᑐᑦ, ᐊᔭᐅᑉᐱᐊᖅ, ᐊᔭᐅᑉᐱᐊᒃ ᐊᒻᒪᓗ ᐱᓱᒍᑎᒃ ᐱᐅᓕᓂᐊᒐᕐᓄᑦ ᓇᑦᓴᑕᐅᔪᓄᑦ ᐃᓚᒋᔭᐅᒍᓐᓇᑐᑦ.

ᐃᓄᐃᑦ ᖃᖓᑦᑕᔫᖏᑦ ᐃᑦᓯᕙᐅᑕᓂᒃ ᐅᓯᒐᔭᕐᑐᑦ ᐃᑦᓯᕙᐅᑕᓂᒃ ᐊᑦᓴᓗᐊᓕᓐᓂ ᐊᒻᒪᓗ ᐃᑦᓯᕙᐅᑕᓂᒃ ᐊᑦᓴᓗᐊᓂᓐᓂᒃ ᐃᑯᒪᐅᑎᒨᕐᑐᓂᒃ, ᓯᕗᓪᓕᐸᐅᑦᔨᓗᒋᑦ ᐊᑭᖃᖕᖏᑑᑎᓪᓗᒋᑦ. ᐸᕐᓇᓯᒪᑦᓯᐊᓂᐊᕋᕕᑦ ᐅᓯᔭᐅᑦᓯᐊᖁᓪᓗᒍ ᐃᑦᓯᕙᐅᑌᑦ, ᖃᐅᔨᒪᑎᑦᓯᒋᐊᖃᕐᑐᑎᑦ ᐃᓂᓕᐅᕐᕕᑎᓐᓂᒃ 48 ᑫᕙᓪᓚᒍᓰᑦ ᓯᕗᓂᖓᒍᑦ ᐅᕗᖓ ᐅᖄᓚᓗᑎᑦ 1-800-361-2965 ᐃᓂᓕᐅᕈᑎᑎᓐᓂ ᐃᓚᐅᓂᐊᕐᒪᑕ. ᐱᒍᑦᔨᔨᑦᑎᓄᑦ ᐊᓪᓚᒍᓐᓇᒥᔪᑎᑦ ᐅᕗᖓ airinuit.info@airinuit.com ᐸᕐᓇᖃᑎᒋᓂᐊᕋᑦᑎᒋᑦ. ᒥᕝᕕᓄᑦ ᐅᐸᓐᓂᐊᑕᓕᒫᑦᑎᓄᑦ ᑐᓴᐅᒪᑎᑦᓯᒐᔭᕐᑐᒍᑦ. ᖃᐅᔨᒪᑲᐱᓐᓂᖏᑐᐊᕈᑦᑕ, ᐱᑦᓯᐊᕈᓐᓇᕕᓕᒫᑦᑎᓄᑦ ᐃᑲᔪᕋᓱᐊᕋᔭᕐᑐᒍᑦ ᐱᒍᑦᔭᐅᒍᑎᒋᒍᒪᔭᑎᓐᓂᒃ.

ᐸᕐᓇᖃᑎᒋᓂᐊᕋᑦᑎᒋᑦ. ᒥᕝᕕᓄᑦ ᐅᐸᓐᓂᐊᑕᓕᒫᑦᑎᓄᑦ ᑐᓴᐅᒪᑎᑦᓯᒐᔭᕐᑐᒍᑦ. ᖃᐅᔨᒪᑲᐱᓐᓂᖏᑐᐊᕈᑦᑕ, ᐱᑦᓯᐊᕈᓐᓇᕕᓕᒫᑦᑎᓄᑦ ᐃᑲᔪᕋᓱᐊᕋᔭᕐᑐᒍᑦ ᐱᒍᑦᔭᐅᒍᑎᒋᒍᒪᔭᑎᓐᓂᒃ.

• ᖃᖓᑦᑕᔫᖅ ᒪᕐᕉᓂᒃ ᑫᕙᓪᓚᒍᓰᓐᓂᒃ ᑎᑭᓚᐅᕐᑎᓇᒍ ᐃᑭᒍᑎᑦᓴᑎᓐᓂᒃ ᐋᕐᕿᓱᐃᓯᒪᒋᐊᖃᕐᑐᑎᑦ ᐱᕕᑦᓴᖃᑦᓯᐊᓂᐊᕋᑦᑕ ᐃᑦᓯᕙᐅᑕᕐᓂᒃ ᐸᕐᓇᓯᐊᕐᓗᑕ.
• ᐃᑦᓯᕙᐅᑌᑦ ᐊᑦᒪᓗᐊᓖᑦ ᐊᒻᒪᓗ ᐊᓯᖏᑦ ᐃᑯᒪᐅᑎᒨᕐᑐᑦ ᒪᓕᒍᓐᓇᑐᑦ ᐃᑦᓯᕕᖃᐅᑎᒦᓪᓗᑎᒃ ᐃᒣᓕᖓᓗᑎᒃ:
  
  • ᐃᑯᒪᐅᑎᖓ ᑲᑉᐱᔮᕐᓗᒍ;
  • ᒥᕝᕕᒦᓐᓂᓂ ᐃᑯᒪᐅᑎᑐᕐᑌᓕᓗᑎᑦ ᖁᑦᓴᓚᑦᓴᕈᐊᕐᒪᑕ;
  • ᐃᑯᒪᐅᑎᖓ ᐃᑦᓯᕙᐅᑕᒧᑦ ᐊᑕᑦᓯᐊᓗᓂ ᐱᓱᒍᑎᓄᓪᓘᓃᑦ.
• ᐃᑯᒪᐅᑏᑦ ᐃᕐᖓᕈᑎᒃ ᓯᖁᒥᓯᒪᒍᑎᓪᓘᓃᑦ ᐃᑭᑎᑕᐅᒍᓐᓇᖏᑦᑐᑦ.

ᐃᑯᒪᐅᑎᒨᕐᑐᑦ ᐃᑦᓯᕙᐅᑌᑦ ᐱᓱᒍᑎᓪᓘᓃᑦ ᓇᐸᑎᓪᓗᒋᑦ ᐃᑭᑎᑕᐅᒋᐊᖃᕐᒪᑕ, ᑕᑭᓂᖓ ᓈᒻᒪᓈᕆᐊᓕᒃ ᐃᑦᓯᕕᖃᐅᑎᒧᑦ ᓯᓕᓐᓂᖓᓗ ᓈᒻᒪᓯᐊᕐᓗᓂ ᐅᑯᐊᒧᑦ. ᐃᓘᓐᓇᑲᓴᑦᓯᐊᖏᑦ ᐃᑦᓯᕙᐅᑌᑦ ᐊᑦᓴᓗᐊᓖᑦ ᐃᑭᒍᓐᓇᓲᖑᒐᓗᐊᕐᑎᓗᒋᑦ, ᐅᖁᒣᓐᓂᖓ ᒪᓕᒐᔭᕐᑐᖅ ᖃᖓᑦᑕᔫᑉ ᐅᓯᒍᓐᓇᑕᖏᓐᓂᒃ. ᐃᑦᓯᕕᖃᐅᑎᐅᑉ ᐊᖏᓂᖓᓂᒃ ᖃᐅᔨᒐᓱᐊᕈᓐᓇᑐᑎᑦ ᖃᖓᑦᑕᔫᖁᑎᑦᑎᓂ ᐅᕙᓂ ᓴᕐᕿᔮᕐᑎᑕᐅᔪᓂᒃ Fleet .

ᖃᐅᔨᒪᒋᑦᓯ ᐃᓄᐃᑦ ᖃᖓᑦᑕᔫᖏᑦ ᐃᓚᖏᓐᓂᒃ ᐃᑯᒪᐅᑎᒨᕐᑐᓂᒃ ᐅᓯᒍᓐᓇᖏᒻᒪᑕ ᐃᖏᕐᕋᐅᑎᓂᒃ ᒥᑭᔫᑦᓱᑎᒃ ᐃᖏᕐᕋᐅᑎᓂᒃ ᐃᑯᒪᐅᑎᒨᕐᑐᓂᒃ, ᐊᕐᖁᑎᒃᑰᕈᑎᐅᓲᓂᒃ ᐃᖏᕐᕋᐅᑎᓂᒃ ᐱᖓᓱᓂᓪᓗ ᐊᑦᓴᓗᐊᓕᓐᓂᒃ.

ᐊᑦᑕᓇᕈᓐᓇᑐᓂᒃ ᐃᓄᑦᑕᐅᑎᒃᑯᑦ ᐊᐅᓪᓚᕈᓐᓇᖏᑦᑐᓂᒃ ᖃᐅᔨᒋᐊᕈᓐᓇᑐᑎᑦ ᐊᑕᐅᑦᓯᑰᕐᑎᓯᔨᑦᑎᓄᑦ ᐅᕗᖓ 1 800 361-5933 ᖃᕆᑕᐅᔭᒃᑯᓗᓐᓃᑦ ᐊᓪᓚᕕᒋᓗᒍ e-mail ᑐᑭᓯᒋᐊᑦᓯᐊᕈᒪᒍᕕᑦ ᓱᓀᑦ ᐃᑯᒪᐅᑎᓖᑦ ᖃᖓᑦᑕᔫᒧᑦ ᐃᑭᑎᑕᐅᒍᓐᓇᒪᖔᑕ.

ᐊᐅᓪᓇᑐᖅ ᒪᕐᕉᓂᒃ ᐃᑦᓯᕙᐅᑖᓐᓂᒃ ᐊᑐᕆᐊᖃᕈᓂ ᐃᓗᓯᕐᓘᑎᒥᓂᒃ ᐱᑦᔪᑎᖃᕐᓗᓂ ᐃᓂᓕᐅᕐᓂᒥᓂ ᖃᐅᔨᒪᑎᑦᓯᒋᐊᓕᒃ. ᑕᑦᓯᖓᑕ ᐅᐃᒍᒍᑎᑦᓴᖓᓂᒃ ᐊᑐᐃᓐᓇᖃᕐᑎᑕᐅᒐᔭᕐᑐᖅ, ᐱᒪᔨᓄᓪᓗ ᐃᑲᔪᕐᑕᐅᒐᔭᕐᓱᓂ ᐃᑭᒐᓱᐊᕐᓂᒥᓂ. ᖃᐅᔨᒪᒋᐊᖃᕐᑐᑎᑦ ᑕᑦᓰᑦ ᐅᐃᒍᖏᑦ ᐃᑦᓯᕙᐅᑕᓕᒫᓂ ᐱᑕᖃᓲᖑᖕᖏᒪᑕ ᐃᓚᖏᓐᓂᓗ ᑕᓕᖃᐅᑎᖏᑦ ᓇᑉᐸᕈᓐᓇᕋᑎᒃ.

ᐊᐅᓪᓚᑐᖅ ᐃᓗᓯᕐᓘᑎᖃᕐᓱᓂ ᐱᓪᓗᑯᒋᐊᓕᑦᑎᒍᑦ ᐱᒍᑦᔭᐅᒍᑎᖃᕈᒪᒍᓂ (ᐃᑲᔪᕐᑕᐅᒍᑎᐅᓲᑦ ᐊᓯᖏᑎᒍᑦ), ᐃᓄᐃᑦ ᖃᖓᑦᑕᔫᖏᓐᓄᑦ ᑐᑭᓯᒪᑎᑦᓯᖁᔭᐅᒐᔭᕐᑐᖅ ᐊᓪᓚᖁᑎᖃᕐᓗᓂᓗᓐᓃᑦ, ᐃᓚᐅᑎᓪᓗᒍ ᐋᓐᓂᐊᕕᒻᒥ ᐊᓪᓚᖁᑎᑖᕕᓂᖏᑦ ᐊᓪᓚᑕᐅᓯᒪᔪᓪᓘᓃᑦ, ᑭᖕᖒᒪᒋᔭᖏᑦ ᐊᐅᓪᓚᑑᑉ ᐃᓄᑑᓗᓂ ᐃᑲᔪᕐᑎᖃᕐᓗᓂᓗᓐᓃᑦ ᖃᐅᔨᓴᕐᑕᐅᓯᒪᑦᓯᐊᓂᐊᕐᒪᑕ, ᖃᓄᐃᓕᖓᐅᓯᕆᒋᐊᓕᖏᓪᓗ. ᑐᑭᓯᒪᑎᑕᐅᖕᖏᑐᐊᕈᑦᑕ 48 ᑫᕙᓪᓚᒍᓰᑦ ᓯᕗᓂᖓᒍᑦ, ᐱᒍᓐᓇᕕᓕᒫᑦᑎᓄᑦ ᐊᓪᓚᖁᑎᓂᒃ ᕿᒥᕐᕈᒐᔭᕐᑐᒍᑦ ᐱᒍᑦᔭᐅᒍᑎᐅᒍᒪᔪᓂᓪᓗ ᐱᒐᓱᐊᕐᓗᑕ.