ᓯᖁᑦᑎᓯᒪᔪᖅ ᐅᕝᕙᓘᓐᓃᑦ ᑎᑭᖕᖏᑐᑦ ᐃᑦᓯᕖᑦ

ᐃᑦᓯᕖᑦ/ᐃᕐᓯᕖᑦ ᑎᑭᓐᓂᖏᑉᐸᑦ ᐅᕝᕙᓘᓐᓃᑦ ᓯᖁᒥᑕᐅᓐᓂᐸᑦ, ᑐᓴᕐᑕᐅᑎᑦᓴᐅᑎᒋᒋᐊᓖᑦ ᐃᓄᐃᑦ ᖃᖓᑦᑕᔫᕐᓂᐊᑎᖓᓄᑦ ᐅᐸᑦᑕᓄᑦ ᑎᑭᐅᑎᑦᓴᑐᐊᕈᕕᑦ. ᐃᑦᓯᕖᑦ/ᐃᕐᓯᕖᑦ ᓯᖁᒥᑕᐅᓐᓂᐸᑦ ᑐᓴᕐᑕᐅᑎᑦᓴᐅᑎᒋᒋᐊᓕᒃ ᑕᕝᕓᓇᕐᓗ ᐊᒃᓚᒍᑎᒋᑦᓴᐅᑎᒋᓗᒍ.

ᐃᑦᓯᕕᒃ/ᐃᕐᓯᕕᒃ ᑎᑭᖕᖏᑐᖅ:

• ᑕᕝᕓᓇᖅ ᖃᐅᔨᑎᑦᓯᒍᒋᑦ ᐃᓄᐃᑦᑯᑦ ᐱᓇᓱᑦᑎᖓᓂᒃ ᐊᒃᓚᓯᒪᔪᖕᖑᐃᓂᖃᑦᓴᐅᑎᒋᓗᑎᒃᓗ ᐃᑦᓯᕕᕐᓯᓂᕋᕈᑎᒥᒃ/ᓯᖁᒥᑕᐅᔨᐊᖃᕐᓂᕋᕐᓗᑎᓪᓗ ᑐᓴᕐᑕᐅᑎᑦᓯᒍᑎᓂᒃ.
• ᐅᐸᑦᑕᓅᕕᑦ ᑎᑭᓪᓗᑎᑦ ᐃᑦᓯᕕᑎᑦ ᑎᑭᖃᑕᐅᖕᖏᐸ ᐊᒃᓚᓯᒪᔪᖕᖑᐃᒍᑎᒋᒍᓐᓇᓯᔭᕕᓂᕆᓇᒋᓪᓗ ᐃᑦᓯᕖᕐᓯᓂᕋᕈᑎᒥᒃ/ᓯᖁᒥᑕᐅᔨᐊᖃᕐᓂᕋᕐᓂᒥᓪᓗ ᑐᓴᕐᑕᐅᑎᑦᓯᒍᑎᒥ, ᑖᒃᑯᓄᖕᖓᓕᖓᔪᓂᒃ ᑐᓴᕐᑕᐅᑎᑦᓯᒍᑎᖃᕆᐊᖃᕐᖁᑎᑦ ᑫᕙᓪᓚᒍᓰᑦ/ᐃᑲᐅᕐᓃᑦ 24 ᐊᓂᒍᓚᐅᕐᑎᓇᒋᑦ ᐅᐸᑦᑕᓄᑦ ᑎᑭᕝᕕᒋᓚᐅᕐᑕᓂᑦ ᖃᐅᔨᔭᐅᑎᓗᒋᑦ ᓂᐅᕕᕐᐸᑐᓂ ᐱᑦᔪᔨᕕᑦᑎᓂ ᐱᓇᓱᑦᑎᓂᒃ ᐅᕙᓂ ᐊᒃᓚᓯᒪᔪᖕᖑᐃᕕᒋᓗᒋᑦ airinuit.info@airinuit.com ᑐᓴᕐᑕᐅᑎᑦᓴᐅᑎᒋᒻᒥᓗᒋᓪᓗ ᐊᐅᓪᓚᑎᕐᕕᓂᑦ ᑎᑭᕝᕕᓂᓪᓗ ᖃᖓᑦᑕᔫᕐᓂᐊᕕᒻᒥ (ᑕᑯᒋᐊᕐᓗᒋᑦ ᒪᑉᐱᕌᕐᒦᑐᑦ ᑌᔭᐅᒍᑎᖃᕐᓱᑎᒃ Contact Us-ᓚᔪᓂᒃ ᐊᒃᓚᓯᒪᔪᖕᖑᐃᒍᑎᐅᒋᐊᓖᑦ ᐊᒃᓚᑕᐅᓯᒪᔪᖏᑦ ᑕᑯᓂᐊᕋᕕᒋᑦ).
• ᐃᑦᓯᕖᑦ/ᐃᕐᓯᕖᑦ ᐅᐸᑦᑕᓄᑦ ᑎᑭᖕᖏᑐᕐᐸᑦ, ᓇᓂᔭᐅᓗᓂᓗ ᑎᑭᓚᐅᔪᒐᕕᓂᑦ ᐅᒃᓗᐃᑦ 21 ᐊᓂᒍᓚᐅᕐᑎᓇᒋᑦ, ᐃᓄᐃᑦ ᖃᖓᑦᑕᐅᓯᕐᑕᐅᒍᑎᓐᓂᒃ ᐊᑭᓖᒐᔭᕐᑐᖅ ᐅᓯᔭᐅᒍᑎᖏᓐᓂᒃ ᐃᓕᓐᓄᑦ ᑎᑭᐅᑎᑎᓪᓗᒍᓗ.
• ᐃᑦᓯᕖᑦ ᓇᕝᕙᑕᐅᖕᖏᑐᐊᕐᐸᑦ ᐅᒃᓗᐃᑦ 21 ᐊᓂᒍᓚᐅᕐᑎᓇᒋᑦ, ᒪᓕᓪᓗᒋᑦᖃᖓᑦᑕᔫᒃᑯᑦ ᐊᐅᓪᓚᑐᑦ ᓴᐳᑦᔭᐅᒪᒍᑎᖏᑕ ᒪᓕᒐᖏᑦ/Air Passenger Protection Regulations, ᐱᑎᑕᐅᒍᑎᑖᑐᐃᓐᓇᕆᐊᖃᕐᑐᓴᐅᕗᑎᑦ ᑮᓇᐅᔭᓂᒃ ᐅᑎᕐᕕᐅᓂᕐᒥᒃ ᐅᓄᕐᓂᖏᑦ ᑎᑭᐅᑎᑎᓪᓗᒋᑦ 1288-ᓄᑦ Special Drawing Rights (SDR). ᑐᓴᕐᓴᕉᑎᕕᒋᒃᑭᑦ ᐃᖏᕐᕋᑎᑦᓯᓂᕐᓂᒃ ᓴᐳᑦᔨᓯᒪᓂᕐᒥᒃ ᐱᓇᓱᖃᑎᒌᑦᑐᖁᑎᕗᑦ ᐅᒃᓗᓄᑦ 21-ᓄᑦ ᐊᓂᒍᕈᑦᔭᐅᒍᕕᑦ ᑭᓯᐊᓂ ᐊᒃᓚᓯᒪᔪᖕᖑᐃᒍᑎᓕᐅᕐᓗᑎᒃ ᐃᑦᓯᕖᕐᓯᓂᕋᕈᑎᓂᒃ ᐅᕗᖓᓗ ᐊᐅᓪᓚᑎᒃᓗᒋᑦ support.operations@airinuit.com.

ᐃᑦᓯᕖᑦ/ᐃᕐᓯᕖᑦ ᓯᖁᒥᑕᐅᓐᓂᐸᑦ:

• ᐃᑦᓯᕖᑦ/ᐃᕐᓯᕖᑦ ᓯᖁᒥᑕᐅᓐᓂᐸᑦ, ᐊᒃᓚᓯᒪᔪᖕᖑᐃᒍᑎᒋᒋᐊᖃᕐᐯᑦ ᐅᒃᓗᐃᑦ 7 ᐊᓂᒍᓚᐅᕐᑎᓇᒋᑦ ᓯᖁᑦᑎᓯᒪᑦᓱᓂ ᑎᑭᓚᐅᕐᑎᓗᒍᓂᑦ ᑐᖕᖓᕕᒋᓗᒋᑦ ᑲᖓᑦᑕᔫᑎᒍᑦ ᐊᐅᓚᔪᑦ ᓴᐳᑦᔭᐅᒪᒍᑎᖏᓐᓄᑦ ᒪᓕᒐᖃᑎᕐᓯᒍᑏᑦ, ᑮᓇᐅᔭᓂᒃ ᐅᑎᕐᑎᓯᕕᐅᒍᑎᖃᑐᐃᓐᓇᕆᐊᖃᕋᔭᕐᑐᑎᑦ ᑎᑭᐅᑎᔪᓂᒃ ᑎᑭᐅᑎᔪᓂᒃ 1288-ᓄᑦ ᐱᓪᓗᑯᒋᐊᓕᑎᒍᑦ ᐊᑭᓕᕐᑕᐅᓂᕐᒥᒃ ᐱᒍᓐᓇᐅᑎᑦ ᑐᖕᖓᕕᐅᑎᓪᓗᒋᑦ (SDR).

ᐱᒻᒪᕆᐅᕗᖅ! ᑐᓴᕐᑕᐅᑎᑦᓯᖏᓐᓂᖅ ᐊᓯᐅᔪᒥᒃ ᐅᕝᕙᓘᓐᓃᑦ ᓯᖁᒥᑕᐅᔪᕕᓂᕐᒥᒃ ᐃᑦᓯᕕᒻᒥ/ᐃᕐᓯᕕᒻᒥ ᑐᓴᕐᑕᐅᑎᑦᓯᕕᑦᓴᐅᓂᕋᕐᑕᐅᔪᑦ ᐅᒃᓗᐃᑦ ᐊᓂᒍᓚᐅᕐᑎᓇᒋᑦ ᐃᓄᐃᑦᑯᓂᒃ ᓵᑦᓯᒍᓐᓇᓂᖅ ᓴᒃᑯᑕᐅᕗᖅ ᐊᑭᓕᕐᑕᐅᒍᑎᐅᒐᓱᒍᓐᓇᕈᓐᓀᓱᓂᓗ, ᐊᒃᓚᓯᒪᔪᖕᖑᐃᒍᑎᓕᒃ ᐃᓄᐃᑦᑯᑦ ᓈᒻᒪᒋᔭᖏᓐᓂᒃ ᐊᒃᓚᓯᒪᔪᖕᖑᐃᒍᑎᓕᐅᖕᖏᑐᐊᕐᐸᑦ ᐃᓄᐃᑦᑯᓄᑦ ᐅᖃᕐᓗᓂ ᑐᓴᕐᑕᐅᑎᑦᓯᓂᕐᒥᒃ ᐱᒍᓐᓇᕕᖃᓚᐅᖕᖏᒋᐊᒥᒃ.

ᑐᓴᕐᑕᐅᑎᑦᓯᕕᒻᒧᑦ ᐃᑦᓯᕕᓐᓂᒃ/ᐃᕐᓯᕕᓐᓂᒃ ᐱᑦᔪᑎᖃᕐᓗᑦ ᐅᖃᓚᕕᐅᒍᓐᓇᑐᓄᑦ ᐅᖃᓕᒪᒍᓐᓇᖁᑎᑦ ᐅᕗᖓ ᐅᖄᓚᕕᒋᓗᒋᑦ ᖃᕆᑕᐅᔭᒃᑯᑦ ᐊᒃᓚᕕᒋᓗᒋᑦ.

ᖃᐅᔨᒪᓂᐊᕋᑦᓯ! ᑌᒪᓕ ᐃᑦᓯᕕᑦᓯᓂᒃ/ᐃᕐᓯᕕᑦᓯᓂᒃ ᑲᒪᑦᓯᐊᕋᓱᒃᑲᓗᐊᕐᓗᑕ, ᐃᓄᐃᑦ ᓵᑕᐅᑦᔪᑎᖃᕈᓐᓇᖏᓪᓚᑦ ᐃᑦᓯᕕᒃ/ᐃᕐᓯᕕᒃ ᑭᓚᑦᑕᐅᑲᓪᓚᓂᕐᐸᑦ, ᕿᑦᓱᑲᓐᓂᑖᕐᓂᐸᑦ, ᓂᕈᒥᐅᑌᕐᑕᐅᓂᕐᐸᑦ, ᓯᖁᑦᑎᑕᐅᓐᓂᐸᑕ ᑎᒍᓕᖏᑦ ᓯᑦᑕᑐᖏᓪᓗ, ᐊᑦᓴᓗᐊᖏᑦ/ᐊᓴᓗᐊᖏᑦ ᓱᒃᑯᑕᐅᓐᓂᐸᑕ, ᓴᓗᒣᓪᓕᔭᐅᓐᓂᐸᑦ, ᓴᓇᔨᕕᓂᖏᑕ ᓴᓇᒪᑦᓯᐊᖏᓐᓂᖏᑦ, ᐃᓗᓕᖃᓗᐊᒧᓪᓗ ᓱᒃᑯᑎᕐᑕᐅᒍᖃᓚᕿᓐᓂᐸᑦ ᐅᖃᕐᑕᐅᔪᓪᓗ ᐊᓯᐊᒍᑦ ᓱᒃᑯᑕᐅᓐᓂᐸᑦ ᐅᕝᕙᓘᓐᓃᑦ ᓄᑕᐅᖕᖏᑐᓗᐊᒧᑦ ᐊᓕᑦᑐᑲᓪᓚᓂᕐᐸᑦ ᑕᒪᒃᑯᐊ ᐃᓄᐃᑦ ᓵᑕᐅᑦᔪᑎᒋᒍᓐᓇᖏᑦᑕᖏᑦ.

ᐃᓘᓐᓈᒍᑦ ᑐᑭᓯᒍᒪᒍᕕᑦ ᐱᑦᔪᑎᖃᕐᓗᑎᑦ ᑲᖓᑦᑕᔫᑎᒍᑦ ᐊᐅᓚᔪᑦ ᓴᐳᑦᔭᐅᒪᒍᑎᖏᓐᓄᑦ ᒪᓕᒐᖃᑎᕐᓯᒍᑎᓂᒃ ᐱᑦᔪᑎᖃᕐᓗᑎᑦ ᐊᓯᐅᔪᒥᒃ ᐅᕝᕙᓘᓐᓃᑦ ᓯᖁᑦᑎᓯᒪᔪᒥᒃ ᐃᑦᓯᕕᓐᓂᒃ/ᐃᕐᓯᕕᓐᓂᒃ, ᑕᑯᒋᐊᕈᓐᓇᖁᑎᑦ ᖃᕆᑕᐅᔭᒃᑯᑦ ᑕᑯᓇᓱᑦᑕᐅᕕᖏᓐᓂᒃ.