ᐊᒥᓱᓄᑦ ᓄᓇᓕᓐᓄᑦ
ᐃᓄᑐᖃᖅ ᐅᑎᕐᕕᒋᓗᒋᑦ ᐃᓄᒻᒪᕇᑦ, ᑲᒃᑲᓛᔭᐱᐊᕃᑦ ᓄᑕᕋᓛᓪᓗ X
ᕐᑲᕆᑕᐅᔭᒃᑯᑦ ᑐᑦᑕᕕᒃ

ᖃᖓᑕᓗᓯ ᐃᓄᐃᑦ ᖃᖓᑦᑕᔫᖏᓐᓄᑦ

ᐊᓪᓕᖏᓱᖓᕐᑐᓂ, ᐁᕆᓕ 28-ᒥ, 40 ᖃᖓᑦᑕᔫᓂ ᐅᓇᑕᕐᑎᓵᐲᑦ ᐱᓯᒪᔪᑦ 690 ᓓᒃᓱᐊᒥ ᐅᓇᑕᕐᑎᓴᓂᒃ, ᒪᓐᑐᔨᐊᓪᒥ ᓯᕿᓂᐅᑉ ᓂᐱᕝᕕᐊᒍᑦ ᕿᑭᕐᑕᖓᓂ ᐊᑦᔨᐅᖏᓪᓚᕆᑦᑐᒥᒃ ᓱᖏᐅᓴᐅᑎᒥᒃ ᖃᖓᑦᑕᔫᕐᑎᑕᐅᓚᐅᔪᔪᑦ ᐃᑭᒪᑎᑕᐅᑦᓱᑎᒃ ᑖᔅ-8-ᒥ ᐃᓄᐃᑦᑯᑦ ᖃᖓᑦᑕᔫᖓᓂ.

ᑕᒪᑐᒪ ᐱᒋᐊᕐᑎᑕᐅᓂᖓ ᓯᕗᓕᕐᑕᐅᓚᐅᔪᔪᖅ ᒪᕐᕉᓄᑦ ᐃᓄᐃᑦᑯᑦ ᐱᓇᓱᑦᑎᖏᓐᓄᑦ ᐱᕕᖃᕐᓂᒥᓂᒃ ᑐᓂᕐᕈᑎᖃᓲᓐᓄᑦ ᖃᖓᑦᑕᔫᓂ ᐅᓇᑕᕐᑎᓵᐱᓐᓄᑦ, ᖃᖓᑦᑕᔫᕐᑎᒧᑦ ᔮᓐ ᑰᓇᓐ ᐊᒻᒪᓗ ᖃᖓᑦᑕᔫᕐᑎᐅᑉ ᐁᑉᐸᖓᓄᑦ ᒫᒃ-ᐋᓐᑕᕇ ᑯᕋᑑᓐ, ᑖᓐᓇ ᑭᖑᓪᓕᖅ ᐅᓇᑕᕐᑎᐅᒐᓂ ᐃᓕᓐᓂᐊᑎᑦᓯᔨᐅᑎᓪᓗᒍ 690-ᒥ ᐅᓇᑕᕐᑐᓵᐱᓐᓂᒃ ᐊᕐᕌᒍᓂᒃ ᖁᓕᓂᒃ ᐊᓂᒍᐃᓕᕐᓱᓂ. ᖃᖓᑦᑕᔫᕐᑎᐅᑉ ᐁᑉᐸᖓ ᑯᕋᑑᓐ, ᖃᖓᑦᑕᔫᕐᑎᐅᓂᕐᒥᒃ ᐱᔪᓐᓇᐅᑎᑖᕐᓯᒪᔪᖅ ᖃᖓᑦᑕᔫᓂ ᐅᓇᑕᕐᑐᓵᐲᑦ ᑲᑐᑦᔨᖃᑎᒌᖓᑎᒍᑦ 16-ᓂᒃ ᐅᑭᐅᖃᕐᓱᓂ ᐃᒣᓕᕗᖅ: “ᐊᓕᐊᓐᓂᕋ ᖃᖓᑦᑕᔫᕐᓂᒥᒃ ᐱᒋᐊᓚᐅᕐᓯᒪᕗᖅ ᐅᓇᑕᕐᑐᓵᐱᐅᓂᕋᓂ ᐊᒻᒪᓗ ᑌᒃᑯᐊ ᐱᑕᖃᒃᑯᐊᓗᒻᒪᑕ ᐊᐅᓚᔫᖃᖕᖏᑐᒧᑦ ᖃᖓᑦᑕᔫᕐᓂᒥᒃ ᐊᒻᒪᓗ ᐃᒥᓂᕐᓱᕈᓐᓇᐅᑎᒥᒃ ᖃᖓᑦᑕᔫᓄᑦ ᐱᔪᓐᓇᐅᑎᑖᕈᓐᓇᓯᒪᕗᖓ. ᑕᒐ ᐅᓪᓗᒥ ᐱᓇᓱᑦᑎᐅᓕᕐᑐᖓ ᐃᓄᐃᑦ ᖃᖓᑦᑕᔫᖏᓐᓄᑦ. ᐃᓱᒪᓇᕐᑐᕋᑕᖅ ᐃᒫᒃ ᐃᒻᒪᖄ ᓯᕗᓂᕐᒥ ᐱᓇᓱᖃᑎᒋᓛᕐᑕᑲ ᐃᑭᒪᔪᑦᓴᐅᓂᖓᓂᒃ ᐅᓪᓗᒥ ᓱᖏᐅᓴᕈᑎᒋᑦᓱᒍ ᖃᖓᑕᒍᑎᒥ.”

ᐊᕙᑎᑦ ᒪᕐᕈᐃᑦ ᖁᖓᑦᓴᖑᐊᕐᑐᑦ ᐅᓇᑕᕐᑎᓵᐲᑦ ᐳᓛᕈᓐᓇᑎᑕᐅᓚᐅᔪᔪᑦ ᐃᓄᐃᑦᑯᑦ ᐱᓇᓱᕝᕕᖏᓐᓂᒃ ᒪᓐᑐᔨᐊᓪ-ᐱᐊ ᐃᐊᓕᐊᑦ ᑐᕈᑑ ᓄᓇᕐᔪᐊᓕᒫᓄᑦ ᒥᕝᕕᖓᓂ, ᐃᓕᑦᓯᔫᒥᑦᓱᑎᓪᓗ ᑎᒥᐅᑉ ᖃᖓᑦᑕᔫᖁᑎᖏᑦᑕ ᒥᑦᓵᓄᑦ, ᐊᒻᒪᓗ ᖃᖓᑕᑎᑕᐅᒻᒥᓱᑎᒃ ᑫᕙᓪᓚᒍᓯᓕᒫᒥᒃ ᒪᓐᑐᔨᐊᓪ ᕿᑭᕐᑕᖓᑕ ᖁᓛᒍᑦ. ᖃᖓᑦᑕᔫᖅ ᐊᑐᕐᑕᖓᑦ ᐹᒻᐸᑎᐊ ᑖᔅ8 ᐅᓯᓂᒃ ᐃᓄᓐᓂᓗ ᐅᓯᒍᑕᐅᓲᖅ ᐃᓄᒃᑭᕈᓐᓇᓱᓂ 45-ᓂᒃ.

ᓯᕗᓕᕐᑐᒧᑦ ᖃᖓᑦᑕᔫᓂ ᐅᓇᑕᕐᑎᓵᐱᒻᒧᑦ (LAC) ᕕᓂᓴᔅ ᕕᐊᕋ-ᓖᒪ ᖃᖓᑦᑕᔫᒥᒃ ᐃᑭᒪᒋᐅᕐᑐᒧᑦ ᐅᖃᐅᑎᔭᐅᕗᖓ: “ᖃᖓᑦᑕᔫᕐᓂᕗᑦ ᐊᓕᐊᓇᕐᑐᓗᑐᐊᓘᑫᓐᓇᑐᖅ! ᐊᓕᐊᓪᓗᑐᑦᓯᐊᑫᓐᓇᑐᖓ ᒪᓐᑐᔨᐊᓪ ᑕᑯᑦᓱᒍ ᖁᓛᓂᒃ. ᐱᐅᔪᓪᓗᑐᐊᓘᑫᓐᓇᑐᖅ.”

ᐅᓇᑕᕐᑐᓵᐱᒃ ᑲᒪᔨᐅᑦᓱᓂ ᑐᖓᓕᐊᓂᒃ ᐳᕐᑐᓂᓕᒃ ᓴᐳᕇᓇ ᐱᑖᑦ-ᑎᐊᕆᔫ, ᐊᐅᓚᔪᖃᖕᖏᑐᒧᑦ ᖃᖓᑦᑕᔫᕐᑎ, ᐅᐱᒋᔭᖃᑦᓴᖑᐊᕐᓂᒥᔪᖅ ᖃᖓᑕᑎᑕᐅᓂᕐᒥᓂᒃ ᐅᖃᕐᓱᓂᓗ ᐃᒫᒃ: “ᓱᖏᐅᑎᓴᐅᑎᑦᓯᐊᒪᕆᐊᓗᒻᒥᒃ ᖃᖓᑕᑎᑕᐅᕗᒍᑦ! ᐃᑭᒪᒋᐅᑫᓐᓇᖁᖓ ᖃᖓᑦᑕᔫᒥ ᑮᓇᐅᓕᐅᕈᑕᐅᔪᒥ. ᐊᑯᓂᐅᑦᓴᓕᕐᓇᒥᓕ ᐅᐱᕐᖔᖅ ᐃᒻᒥᓂᒃ ᐊᖁᖃᑦᑕᓯᓂᑦᓴᕋᓂ ᐊᑕᐅᓯᓕᒻᒥᒃ ᖃᖓᑦᑕᔫᒥᒃ.” ᐱᑖᑦ-ᑎᐊᕆᔫ ᐃᓕᓐᓂᐊᕈᑎᑦᓴᑖᕐᓯᒪᔪᖅ ᐊᑕᓂᐅᑉ ᑳᓇᑕᒥ ᖃᖓᑦᑕᔫᓄᑦ ᐅᓇᑕᕐᑎᓵᐱᖏᓐᓂᒃ ᐱᔭᕇᕈᓐᓇᖁᑦᓱᒍ ᐃᒻᒥᓂᕐᓱᕈᑎᒥᒃ ᖃᖓᑦᑕᔫᕐᑎᐅᑉ ᐱᔪᓐᓇᐅᑎᖓᓂᒃ.

ᑳᑉᑕᓐ ᐋᓕᒃᓵᓐᑕᕋ ᐅᐊᓕᐊᑦ-ᔮᓐᑐᕉᓐ, ᐊᖓᔪᕐᖄᕆᔭᐅᔪᖅ 690 ᓓᒃᓱᐊᒥ ᐅᓇᑕᕐᑎᓵᐱᓐᓄᑦ ᐊᒻᒪᓗ ᐃᓚᐅᔪᖅ ᐅᓇᑕᕐᑎᓵᐱᓐᓂᒃ ᐃᓕᓐᓂᐊᑎᑦᓯᔨᐅᖃᑎᒌᓄᑦ, ᓇᑯᕐᒦᕈᒪᓗᐊᖕᖑᐊᑐᖅ ᐃᓄᐃᑦ ᖃᖓᑦᑕᔫᖏᓐᓂᒃ, ᑕᒪᑐᒥᖓ ᖃᖓᑕᒍᑎᒥᒃ ᒪᓂᔨᔪᕕᓂᐅᒻᒪᑕ: “ᐃᑲᔪᕐᑕᐅᑯᐊᓗᒃᑲᑕ ᑎᒥᓄᑦ ᐃᓄᐃᑦᑯᑦ ᐆᑦᑑᑎᒋᓗᒋᑦ ᐃᓅᓱᑦᑐᖁᑎᕗᑦ ᐃᓚᐅᒍᓐᓇᓚᕿᓲᖑᕗᑦ ᑕᒪᒃᑯᓄᖓ ᖃᐅᑦᔨᓴᐅᑎᑦᓯᐊᒪᕆᐊᓗᓐᓄᑦ ᖃᐅᔨᒍᑎᒋᓲᖏᓐᓄᑦ ᖃᖓᑦᑕᔫᕐᓂᐅᑉ ᓯᓚᕐᔪᐊᖓᑕ ᒥᑦᓵᓄᑦ. ᑕᒪᓐᓇ ᐱᓇᓱᐊᑦᓴᖅ ᐱᔭᐅᑦᓯᐊᓴᖕᖑᐊᐳᖅ ᐊᓱᐃᓛᒃ ᐃᑲᔪᕐᑕᐅᓂᑯᑦᑎᓄᑦ ᑎᒥᒧᑦ ᓄᓇᓕᓐᓂᒃ ᑲᖐᓱᑦᑐᒧᑦ.”

ᓄᓇᕐᔪᐊᑉ ᐅᓇᑕᕐᑎᖏᑦ ᐊᑯᓂᐊᓗᒃ ᐊᒻᒪᓗ ᐱᔪᕆᐅᑎᒋᑦᓱᒍ ᓴᐳᒻᒥᓕᕐᑐᑦ ᑳᓇᑕᒥᐅᑦ ᐃᓅᓱᑦᑐᖏᓐᓂᒃ ᐊᕐᖁᑎᖃᕐᑎᓗᒍ ᐅᓇᑕᕐᑐᓵᐲᑦ ᐊᒻᒪᓗ ᓄᑲᕐᓰᑦ ᑳᓇᑕᒥ ᐅᓇᑕᕐᑐᓭᑦ ᐱᓂᐊᕐᓂᑕᖏᓐᓂᒃ.

ᐊᑕᓂᐅᑉ ᑳᓇᑕᒥ ᖃᖓᑦᑕᔫᓄᑦ ᐅᓇᑕᕐᑎᓵᐱᖏᑦ, ᐱᖃᑎᖃᕐᓱᑎᒃ ᐅᓇᑕᕐᑎᓵᐲᑦ ᑲᑐᑦᔨᖃᑎᒌᖓᓂᒃ, ᐱᒋᐅᕐᓴᑎᑦᓯᓯᒪᕗᑦ ᑕᐅᓴᑦᑎᒐᓵᓗᓐᓂᒃ ᐃᓅᓱᑦᑐᓂᒃ ᐊᕐᕌᒍᐃᑦ 75 ᐅᖓᑖᓄᑦ. ᐅᓇᑕᕐᑐᓵᐲᑦ ᐱᓂᐊᕐᓂᖓ ᐊᖏᓂᕐᐸᐅᕗᖅ ᐊᑭᖃᕋᓂ ᑲᕙᒪᒃᑯᓄᑦ ᐱᓂᐊᕐᓂᖃᕈᑕᐅᔪᓂ ᑳᓇᑕᒥ ᐊᒻᒪᓗ ᐃᓚᐅᑎᑦᓯᕗᖅ 425,000-ᓂᒃ ᐃᓅᓱᑦᑐᓂᒃ ᑖᒃᑯᐊ ᖃᓗᓯᑎᓪᓗᒋᑦ 5000-ᓂᒃ ᑯᐯᒻᒦᑐᓂᒃ. ᖃᖓᑦᑕᔫᓂ ᐅᓇᑕᕐᑎᓵᐲᑦ ᐱᒍᒪᓲᖑᕗᑦ ᐃᓅᓱᑦᑐᓂᒃ ᐅᑭᐅᓕᓐᓂᒃ 12 ᐊᒻᒪᓗ 19 ᐊᑯᓐᓂᖓᓂ ᐱᕙᓪᓕᐊᒍᒪᔪᓂᒃ ᓯᕗᓕᕆᐅᕐᓂᐅᒍᑎᒥᓂᒃ, ᓄᓇᓯᒪᖃᑎᑦᓯᐊᖑᓂᕐᒥᓂᒃ ᐊᒻᒪᓗ ᖃᓄᐃᖕᖏᓯᐊᕐᑐᓂᒃ ᑎᒥᒥᒍᑦ.

ᒣᔾᔭ ᕆᓵ ᑯᕋᑑᓐ