ᓇᐅᓕᒫᓄᑦ ᖃᐅᔨᒪᔭᐅᒋᐊᖃᖕᖏᑐᐃᑦ ᐱᓪᓗᒋᑦ ᒪᓕᒐᖅ - Air Inuit

ᐃᓄᐃᑦ ᖃᖓᑦᑕᔫᖏᑦ ᐃᓕᓐᓅᓕᖓᔪᓂᒃ ᓇᐅᓕᒫᓄᑦ ᖃᐅᔨᒪᔭᐅᑎᑦᓯᓂᐅᔭᖕᖏᓂᕐᒥᓂᒃ ᓴᑑᑎᖃᕐᑎᓯᑦᓯᐊᐳᑦ ᓴᐳᒻᒥᔭᐅᑎᑦᓯᓯᐊᕐᓱᑎᓪᓗ ᖃᐅᔨᔭᐅᒋᐊᖃᖕᖏᑐᓂᒃ ᑐᓂᔭᕕᓂᑎᓐᓂᒃ ᑖᒃᑯᓄᖓ ᖃᕆᑕᐅᔭᒥᑦᑎᐊᑎᓐᓄᑦ. ᓱᓇᑐᐃᓐᓀᑦ ᐊᓪᓚᓯᒪᔪᐃᓪᓘᓃᑦ ᑐᓂᔭᕕᓂᑎᑦ ᐅᕙᑦᑎᓄᑦ ᖃᐅᔨᔭᐅᑎᑕᐅᓂᐅᔭᖕᖏᒪᕆᑦᑐᑦ ᐊᒻᒪᓗ ᐱᑦᔪᔨᔭᑦᑎᓅᓕᖓᔪᓂᒃ ᑲᑎᕐᓱᐃᕕᒻᒥ ᑭᓯᐊᓂ ᐊᑐᕋᑦᓴᒫᒍᖃᑦᑕᓚᖓᑦᓱᑎᒃ ᐱᒍᒪᔭᐅᑎᑦᓯᒐᓱᐊᕈᑎᑦᓴᓂᒃ ᓄᐃᑦᓯᒐᓱᐊᕈᑎᐅᓗᑎᒃ ᐊᒻᒪᓗ ᐱᒍᒪᔭᐅᑎᑦᓯᒐᓱᐊᕈᑎᐅᓗᑎᒃ ᐱᒍᑦᔨᒍᑎᑦᑎᓄᑦ ᑭᓯᐊᓂ ᐊᑐᕐᑕᐅᒐᔭᕐᓗᑎᒃ ᐱᑦᔪᔨᕙᑦᑕᑕ ᑭᖕᖒᒪᒋᔭᖏᑦᑎᒍᑦ ᐃᓄᑑᓈᕐᑎᑐᓄᑦ.

ᐃᓄᐃᑦ ᖃᖓᑦᑕᔫᖏᑦ ᐊᑐᕆᐊᕐᓂᐅᔭᒐᓛᖕᖏᑐᑦ ᖃᐅᔨᔭᐅᑎᑦᓯᓂᐅᔭᕋᑎᓪᓗ ᐃᓅᑉ ᓇᒻᒥᓂᖏᓐᓅᓕᖓᑦᓱᑎᒃ ᓄᐊᑕᐅᓯᒪᑦᓱᑎᒃ ᖃᕆᑕᐅᔭᒥᑦᑎᐊᓂᒃ ᐊᖏᕐᑕᐅᓯᒪᕐᖄᕈᑎᒃ ᑭᓯᐊᓂ ᐱᑦᔪᔨᔭᒥᓄᑦ ᐅᕝᕙᓘᓐᓃᑦ ᐱᒍᓐᓇᕕᖃᕐᑎᑕᐅᒍᑎᒃ ᐱᖁᔭᑎᒍᑦ.

ᐃᓄᐃᑦ ᖃᖓᑦᑕᔫᖏᑦᑕ ᖃᕆᑕᐅᔭᑎᒍᑦ ᐋᕐᕿᓱᕐᓯᒪᐅᑎᖏᑦ ᓇᓗᓀᒃᑯᓯᕐᓯᒪᑎᓪᓗᒋᑦ ᑭᓯᐊᓂ ᑲᑎᕐᓱᐊᖑᓲᖑᕗᑦ ᖃᕆᑕᐅᔭᒨᕐᖃᑐᐃᑦ, ᓇᐅᑐᐃᓐᓇᓄᑦ ᖃᐅᔨᔭᐅᒋᒃᑯᓯᕐᓯᒪᑦᓱᑎᒃ. ᑕᒪᓐᓇ ᐃᒫᒃ ᑐᑭᓕᒃ; ᓇᐅᑐᐃᓐᓇᖅ ᖃᕆᑕᐅᔭᒥᑦᑎᐊᑎᓐᓂᒃ ᐊᑐᕐᓱᑎᒃ ᓇᒻᒥᓂᖏᓐᓅᓕᖓᔪᓂᒃ ᐊᓪᓚᓯᒪᔪᓂᒃ ᑐᓂᔨᑐᐊᕈᑎᒃ ᖃᕆᑕᐅᔭᒥᑦᑎᐊᑎᒍᑦ, ᓇᒧᑐᐃᓐᓈᖃᔭᖕᖏᑎᑦᓯᔨᓄᑦ Secure Socket Layer (SSL)-ᓄᑦ ᐅᖑᒪᔭᐅᓯᓲᑦ ᑐᕌᕐᑕᒥᓄᑦ ᑭᓯᐊᓂ ᑐᕌᕐᑎᓯᒍᑎᖏᑦᑎᒎᕐᓱᑎᒃ ᖃᕆᑕᐅᔭᒥᑦᑎᐊᑎᓐᓄᑦ. ᐊᒻᒪᓗᒋᐊᓪᓚᒃ, ᐃᓅᑉ ᓇᒻᒥᓂᖏᓐᓅᓕᖓᔪᐃᑦ ᖃᓄᐃᑦᑐᑐᐃᓐᓇᐅᒐᓗᐊᕐᐸᑕ ᑲᑎᕐᓱᐃᕕᒻᒪᕆᒥᑦᑎᑕᐅᓲᑦ ᐊᑦᑕᓇᖕᖏᑐᒥᑦᑎᓯᒍᑎᓂ. ᓇᑐᐃᓐᓇᓄᑦ ᑕᒪᒃᑯᐊ ᑲᑎᕐᓱᐃᕕᒻᒦᑦᑎᐊᑦ ᑕᑯᒐᓱᐊᕐᑕᐅᑐᐃᓐᓇᖃᔭᖕᖏᑐᑦ ᐃᓄᐃᑦ ᖃᖓᑦᑕᔫᖏᑦᑕ ᐱᓇᓱᑦᑎᖏᓐᓄᑦ ᑭᓯᐊᓂ ᐊᖏᕐᑕᐅᓯᒪᔪᓄᑦ ᑕᑯᒐᓱᐊᕐᑕᐅᒍᓐᓇᓱᑎᒃ.

ᐊᐱᕐᓲᑎᑦᓴᖃᕈᕕᑦ ᐅᕝᕙᓘᓐᓃᑦ ᐃᓱᒫᓗᒋᔭᖃᑐᐊᕈᕕᒃ ᖃᓄᑐᐃᓐᓇᖅ ᓇᐅᓕᒫᓄᑦ ᖃᐅᔨᒪᔭᐅᒋᐊᖃᖕᖏᑐᐃᑦ ᐱᓪᓗᒋᑦ ᒪᓕᒐᐅᑉ ᒥᑦᓵᓄᑦ, ᖃᐅᔨᒋᐊᕐᕕᖃᕈᓐᓇᖁᑎᑦ ᐅᕙᑦᑎᓂᒃ ᖃᐅᔨᒋᐊᕐᕕᒃ ᑕᑯᒋᐊᕐᕕᒋᓗᒍ.