ᒪᓕᑦᑕᐅᖁᔭᐅᔪᐃᑦ ᐊᑐᕐᑕᐅᒋᐊᖃᕐᓂᖏᑦ - Air Inuit

ᐃᓄᐃᑦ ᖃᖓᑦᑕᔫᖏᑦᑕ ᖃᕆᑕᐅᔭᒥᑦᑎᐊᖏᓐᓂᒃ ᒪᓕᑦᑕᐅᖁᔭᐅᔪᐃᑦ ᐊᑐᕐᑕᐅᒋᐊᖃᕐᓂᖏᑦ ᐊᒻᒪᓗ ᐱᖁᔭᕐᓅᓕᖓᔪᓂᒃ ᓯᓚᕐᖁᒋᒃᑯᑏᑦ

ᑐᑭᓯᔭᐅᒋᐊᓕᒃ - ᐊᑐᐊᕐᑕᐅᖁᔭᕗᑦ/ᐊᓪᓚᓂᐊᕐᑕᐅᖁᔭᕗᑦ ᒪᓕᑦᑕᐅᖁᔭᐅᔪᐃᑦ ᑐᑭᓯᒐᓱᐊᑦᓯᐊᓗᒋᑦ ᑖᒃᑯᐊ ᖃᕆᑕᐅᔭᒥᑦᑎᐊᑦ ᐊᑐᕆᐊᓯᓚᐅᕐᓇᒋᑦ. ᑖᒃᑯᓂᖓ ᖃᕆᑕᐅᔭᒥᑦᑐᓂᒃ ᐊᑐᓯᒍᕕᑦ ᑌᒪ ᒪᓕᑦᑕᐅᖁᔭᐅᔪᓂᒃ ᒪᓕᓚᖓᕗᖔᕐᓂᕋᕐᑕᐅᓚᖓᕗᑎᑦ. ᐊᖏᖕᖏᑯᕕᒃᑭᑦ ᑖᒃᑯᐊ ᒪᓕᑦᑕᐅᖁᔭᐅᔪᐃᑦ (ᒪᓕᑦᑕᐅᒋᐊᓖᑦ), ᑖᒃᑯᓂᖓ ᖃᕆᑕᐅᔭᒥᑦᑐᓂᒃ ᐊᑐᖕᖏᑑᒍᓐᓇᕆᕗᑎᑦ.

ᖃᕆᑕᐅᔭᒥᑦᑐᓂᒃ ᐊᑐᕐᓃᑦ

ᐃᓄᐃᑦ ᖃᖓᑦᑕᔫᖏᑦ ᐊᖏᕈᑎᖃᕐᐳᑦ ᕿᒥᕐᕈᒍᓐᓇᓂᐊᕐᑎᓗᒋᑦ ᐊᒻᒪᓗ ᖃᕆᑕᐅᔭᕐᓅᕕᕐᓯᒍᓐᓇᖃᑦᑕᓂᐊᕐᑎᓗᑎᑦ ᓇᓪᓕᐊᓂᑐᐃᓐᓇᖅ ᖃᕆᑕᔭᒥᑦᑎᐊᖏᓐᓂᒃ (“ᖃᕆᑕᔭᒥᑦᑎᑕᖏᓐᓂᒃ”) ᓇᒻᒥᓂᖅ ᑭᓯᐊᓂ ᐊᑐᓚᖓᑐᐊᕈᕕᒃᑭᑦ, ᑮᓇᐅᔭᓕᐅᕋᓱᐊᕈᑎᒋᔭᕐᓄᑦ ᐊᑐᓚᖓᒍᓐᓀᓗᒋᑦ, ᐊᑦᔨᓕᐅᕈᓐᓇᓚᖓᑎᓪᓗᑎᑦ ᐊᖏᕐᑕᐅᓯᒪᒍᓐᓀᓗᑎᑦ ᐊᒻᒪᓗ ᐊᓯᖏᓐᓂᒃ ᓇᒻᒥᓂᖁᑎᖃᖕᖏᑐᑦ ᖃᕆᑕᐅᔭᒥᑦᑎᐊᓂᒃ ᐊᑦᔨᓕᐅᕈᓐᓇᔭᖏᒻᒥᔪᑦ. ᖃᕆᑕᐅᔭᒥᑦᑎᐊᑦ ᐋᕐᕿᒋᐊᕐᑕᐅᒍᓐᓇᔭᖏᑦᑐᑦ ᖃᓄᑐᐃᓐᓇᖅ ᐅᕝᕙᓘᓐᓃᑦ ᓄᐃᑕᐅᒋᐊᓪᓚᖃᔭᕋᑎᒃ ᐅᕝᕙᓘᓐᓃᑦ ᓇᐅᓕᒫᓄᑦ ᑕᑯᕕᐅᒍᓐᓇᑐᓅᕐᑕᐅᖃᔭᕋᑎᒃ, ᐊᑐᕐᑕᐅᖃᔭᕋᑎᒃ, ᐅᕝᕙᓘᓐᓃᑦ ᐁᑦᑐᑑᑎᐅᒍᓐᓇᕋᑎᒃ ᐅᕝᕙᓘᓐᓃᑦ ᐊᑐᕐᑕᐅᒍᓐᓇᕋᑎᒃ ᓇᐅᓕᒫᓄᑦ ᑐᓴᕐᑎᓯᒍᑎᒋᓗᒋᑦ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᕈᑎᒋᓗᒋᑦ ᐊᑐᕐᑕᐅᒍᓐᓇᕋᑎᒃ. ᑕᒪᒃᑯᐊ ᐊᑐᕐᑕᐅᒋᐊᖃᖕᖏᓂᖏᑦ ᒪᓕᒐᖃᕐᕕᐅᒪᑕ ᑕᒪᒃᑯᓂᖓ ᐊᑐᕐᑕᐅᒋᐊᖃᖕᖏᓚᕆᑦᑐᑦ ᓇᓪᓕᐊᒍᑐᐃᓐᓇᖅ ᖃᕆᑕᐅᔭᒥᑦᑎᐊᑦ ᐅᕝᕙᓘᓐᓃᑦ ᖃᕆᑕᐅᔦᑦ ᐱᑐᑦᓯᒪᐅᑎᖃᑎᖏᓐᓅᑕᐅᒋᐊᖃᕋᑎᒃ. ᖃᕆᑕᐅᔭᒥᑦᑎᐊᑦ ᐊᑦᔨᓕᐅᕐᑕᐅᒋᒃᑯᓯᔭᐅᓯᒪᔪᑦ, ᐃᑦᔪᐊᑕᐅᒋᒃᑯᓯᕐᑕᐅᓯᒪᑦᓱᑎᓪᓗ ᐊᒻᒪᓗ ᐊᖏᕐᑕᐅᓯᒪᖕᖏᑐᓄᑦ ᐊᑐᕐᑕᐅᒋᒃᑯᓯᑦᑕᐅᓯᒪᑦᓱᑎᓪᓗ ᓇᓪᓕᑐᐃᓐᓇᖏᑦ ᖃᕆᑕᐅᔭᒥᑦᑎᐊᑦ ᐊᑐᕐᑕᕕᓂᐅᑐᐊᕐᐸᑕ ᐱᖁᔭᓂᒃ ᐊᑦᔨᓕᐅᕆᒃᑯᓯᕐᓯᒪᐅᑎᓂᒃ, ᐃᑦᔪᐊᑕᐅᒋᒃᑯᓯᕐᑕᐅᓯᒪᐅᑎᓂᓪᓗ ᐊᒻᒪᓗ ᐊᓯᖏᓐᓂᒃ ᐱᖁᔭᓂᒃ ᓯᖁᑦᑎᕆᒍᑎᐅᒐᔭᕐᑐᑦ ᐊᖏᕐᑕᐅᓯᒪᒐᑎᒃ ᐊᑐᕐᑐᓄᑦ. ᒪᓕᑦᑕᐅᖁᔭᐅᔪᓂᒃ ᓇᓪᓕᑐᐃᓐᓇᖏᓐᓂᒃ ᓯᖁᑦᑎᕆᔪᑦ, ᖃᕆᑕᐅᔭᒥᑦᑎᐊᑎᓐᓂᒃ ᐊᑐᕈᓐᓇᖏᕐᑎᑕᐅᑦᓴᐅᑎᒋᐊᐱᓚᖓᔪᑦ ᐊᒻᒪᓗ ᖃᕆᑕᐅᔭᕐᓅᕕᕐᑕᕕᓂᑎᑦ ᖃᕆᑕᐅᔭᒥᑦᑎᐊᑎᓐᓂᒃ ᐱᓯᒪᔪᐃᑦ ᓱᒃᑯᑕᐅᑦᓴᐅᑎᒋᐊᐱᒋᐊᖃᕐᓱᑎᒃ ᐅᕝᕙᓘᓐᓃᑦ ᐊᑦᔨᓕᐊᕆᔭᐅᑎᑕᕕᓂᑎᑦ ᓱᒃᑯᑕᐅᑦᓴᐅᑎᒋᐊᐱᐊᖃᕐᒥᔪᑦ.

ᖃᕆᑕᐅᔦᑦ ᐱᔪᓐᓇᐅᑎᖏᓐᓂᒃ ᐊᑐᕐᓃᑦ

ᖃᕆᑕᐅᔦᑦ ᐱᔪᓐᓇᐅᑎᒋᑦᓱᓂᖏᑦ ᖃᕆᑕᐅᔭᕐᑎᓯᒍᓐᓇᐅᑎᖏᓐᓂᒃ ᖃᕆᑕᐅᔭᒥᑦᑎᐊᑎᓐᓂᒃ ᖃᕆᑕᐅᔭᕐᓅᕕᑦᑎᓯᒍᕕᑦ (ᐱᔪᓐᓇᐅᑎᓂᒃ), ᐱᒍᓐᓇᐅᑎᓕᓐᓄᑦ ᑭᓯᐊᓂ ᐊᑐᕐᑕᐅᒍᓐᓇᑎᑕᐅᓲᑦ ᖃᕆᑕᐅᔦᑦ ᐱᔪᓐᓇᐅᑎᖏᓐᓂᒃ ᐊᖏᖃᑎᒌᑦᓯᒪᐅᑎᑎᒍᑦ ᒪᓕᑦᑕᐅᒋᐊᓖᑦ ᒪᓕᓪᓗᒋᑦ ᑭᓯᐊᓂ ᐱᔪᓐᓇᐅᑎᑖᕈᑎᐅᒍᓐᓇᑐᑦ ᐅᕝᕙᓘᓐᓃᑦ ᖃᕆᑕᐅᔭᓄᑦ ᐱᔪᓐᓇᐅᑎᒥᒃ ᐱᑖᕐᑎᑕᐅᓯᒪᓗᓂ ᐊᑐᕐᑕᐅᒍᓐᓇᑐᑦ. ᖃᕆᑕᐅᔭᕐᓅᕕᑦ ᐃᓕᔨᒍᓐᓇᔭᖏᓪᓚᑎᑦ ᐅᕝᕙᓘᓐᓃᑦ ᖃᕆᑕᐅᔦᑦ ᐱᔪᓐᓇᐅᑎᖓᓂᒃ ᐊᑐᐊᕐᓯᓯᒪᕐᖄᕈᓐᓀᓗᑎᑦ ᐊᒻᒪᓗ ᒪᓕᒐᑦᓴᓕᐊᒍᓯᒪᔪᓂᒃ ᐊᖏᕈᑎᖃᕐᖄᓯᒪᖕᖏᑯᕕᑦ ᖃᕆᑕᐅᔦᑦ ᐱᔪᓐᓇᐅᑎᖏᓐᓂᒃ ᐊᖏᖃᑎᒌᑦᓯᒪᐅᑎᒥ ᒪᓕᒐᑦᓴᓕᐊᒍᓯᒪᔪᓂᒃ.

ᐊᑐᓚᖓᔪᓄᑦ ᐊᖏᕐᓯᒪᐅᑎᐅᒋᐊᓖᑦ

ᖃᓄᐃᑦᑑᒐᓗᐊᕈᑎᒃ ᓱᓇᑐᐃᓐᓀᑦ, ᖃᐅᔨᑎᑦᓯᒍᑎᐅᒐᓱᐊᕈᑎᐅᒐᓗᐊᕈᑎᒃ ᐅᕝᕙᓘᓐᓃᑦ ᑐᑭᓯᒪᑎᑦᓯᒐᓱᐊᕈᑎᐅᒐᓗᐊᕈᑎᒃ ᑐᓂᑐᐊᕈᕕᒃᑭᑦ ᖃᕆᑕᐅᔭᑎᒍᑦ ᐅᕝᕙᓘᓐᓃᑦ ᓇᐅᓕᒫᓄᑦ ᑕᑯᑦᓴᐅᓚᖓᓕᕐᑎᓗᒋᑦ ᑕᕝᕘᖓ ᖃᕆᑕᐅᔭᒥᑦᑎᐊᓄᑦ ᓇᐅᑐᐃᓐᓇᓄᑦ ᖃᐅᔨᔭᐅᒐᓗᐊᕈᑎᒃ ᖃᓄᐃᖕᖏᑑᓂᕋᕐᑕᐅᖃᑦᑕᓚᖓᔪᑦ ᐊᒻᒪᓗ ᓇᒻᒥᓂᖁᑎᒋᔭᐅᕙᓪᓛᔭᖏᓐᓇᒥᒃ ᑭᓯᐊᓂ ᓄᐃᑎᑕᐅᒋᐊᖏᑦ ᐃᓱᒪᒋᔭᐅᖃᑦᑕᓚᖓᔪᑦ (ᑐᓴᐅᒪᖃᑎᒌᑦᑎᓯᒐᓱᐊᕈᑏᑦ). ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐃᓱᒫᓗᒋᔭᖃᕋᓱᐊᕐᑎᐅᓂᐊᖕᖏᓚᑦ ᑐᓴᐅᒪᖃᑎᒌᑦᑎᓯᒐᓱᐊᕈᑎᐅᔪᓂᒃ. ᐃᓄᐃᑦ ᖃᖓᑦᑕᔫᖏᑦ ᐊᒻᒪᓗ ᓄᐃᑦᓯᒍᑦᔨᔨᖏᑦ ᐊᑭᖃᖕᖏᑐᓂᒃ ᐱᑖᕈᓐᓇᖃᑦᑕᓚᖓᔪᑦ ᓄᐃᑕᐅᔪᕕᓂᕐᓂᒃ, ᖃᐅᔨᑎᑕᐅᖃᑦᑕᓗᑎᒃ, ᐁᑦᑐᑕᐅᖃᑦᑕᓗᑎᒃ, ᐊᑐᕈᓐᓇᖃᑦᑕᓂᐊᕐᓗᑎᒃ ᑐᓴᐅᒪᖃᑎᒌᑦᑎᓯᒐᓱᐊᕈᑎᒋᓗᒋᑦ ᖃᓄᑐᐃᓐᓇᖅ ᐊᒻᒪᓗ ᓄᐊᑕᐅᓯᒪᔪᓕᒫᑦ, ᐊᑦᔨᖑᐊᑦ, ᓂᐲᑦ/ᓱᕐᕓᑦ, ᐊᓪᓚᓯᒪᔪᐃᑦ ᐊᒻᒪᓗ ᐊᓯᖏᓐᓂᒃ ᑕᒪᒃᑯᓄᖓ ᓇᓪᓕᐊᓄᑐᐃᓐᓇᖅ ᐃᓕᖓᔪᐃᑦ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᐅᓚᖓᒐᓗᐊᕐᐸᑕ ᖏᒃᑲᓗᐊᕐᐸᑕᓘᓐᓃᑦ.

ᖃᕆᑕᐅᔭᑎᒍᑦ ᐊᓪᓚᖃᑦᑕᐅᑎᒍᑏᑦ ᐊᑐᕐᑕᐅᓂᖏᑦ

ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐃᑉᐱᒍᓱᒐᓱᐊᕈᓐᓇᑐᑦ ᐅᕝᕙᓘᓐᓃᑦ ᕿᒥᕐᕈᒋᐊᕈᓐᓇᓱᑎᒃ ᖃᓄᖅ ᖃᕆᑕᐅᔭᒥᑦᑎᐊᑦ ᐊᑐᕐᑕᐅᓕᕐᒪᖔᑕ ᐅᕝᕙᓘᓐᓃᑦ ᑐᑭᓯᒪᖃᑦᑕᐅᑎᒐᓱᐊᕈᑏᑦ ᖃᓄᖅ ᓄᐃᑕᐅᖃᑦᑕᒪᖔᑕ ᐅᕝᕙᓘᓐᓃᑦ ᑐᑭᓯᖃᑦᑕᐅᑎᒌᒐᓱᐊᕈᑎᑐᐃᓐᓇᐅᒪᖔᑕ, ᐃᑉᐱᒍᓱᒐᓱᐊᕈᓐᓇᑐᑦ, ᓗᑐᐊᓗᒋᐊᖃᖕᖏᒃᑲᓗᐊᕐᓱᑎᒃ, ᑕᑯᒐᓱᐊᖃᑦᑕᕈᓐᓇᒥᔭᖏᓐᓄᑦ ᐅᑯᐊ ᐃᓚᒋᔭᐅᔪᐃᑦ; ᖃᕆᑕᐅᔭᑎᒍᑦ ᐊᓪᓚᖃᑦᑕᐅᑎᒍᑎᑎᒍᑦ ᐊᓪᓚᖃᑦᑕᐅᑎᒍᑎᐅᓯᒪᔪᓂᒃ, ᑐᓴᕋᑦᓴᓂᒃ ᓂᕕᖕᙰᕕᒻᒦᑐᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᖃᓄᑐᐃᓐᓇᖅ ᐊᑐᕐᑕᐅᓲᓂᒃ, ᐊᒻᒪᓗ ᖃᓄᖅ ᐅᖃᐅᓯᕐᑕᖃᕋᓗᐊᕐᒪᖔᑕ ᑐᑭᓯᒪᑎᑦᓯᒐᓱᐊᕈᑎᐅᔪᐃᑦ. ᐃᓄᐃᑦ ᖃᖓᑦᑕᔫᖏᑦ, ᐱᖁᔭᑎᒍᑦ ᓵᑕᑦᓴᖑᕈᓐᓇᔭᖏᑦᑐᑦ ᑐᑭᓯᒪᑎᑦᓯᒐᓱᐊᕈᑎᐅᔪᐃᑦ ᐃᓗᓕᖏᓐᓂᒃ ᐅᖃᐅᓯᕐᑕᖏᓐᓂᒃ, ᐱᖁᔭᓂᒃ ᓯᖁᑦᑎᕆᓕᕋᓗᐊᕐᒪᖔᑕ ᐊᑦᔨᓕᐅᕐᑕᐅᒋᒃᑯᓯᓯᒪᔪᓂᒃ, ᓱᓕᑦᔭᒐᑎᒃ ᐊᓪᓚᓯᒪᔪᓂᒃ, ᓇᒧᑐᐃᓐᓇᖅ ᑐᓴᕐᑕᐅᑎᑕᐅᒋᐊᖃᖕᖏᑐᓂᒃ, ᓱᒐᓗᓗᐊᕐᓱᑎᒃ ᐅᖃᓯᕐᓗᑎᓂᒃ/ᐃᓄᕐᓘᕕᖃᕐᑐᓂᒃ ᐊᓯᐊᒍᓪᓘᓃᑦ.

ᐊᓯᑦᑕ ᖃᕆᑕᐅᔭᒥᑦᑎᐊᖏᓐᓄᑦ ᐱᑐᑦᓯᒪᕕᕗᑦ

ᐊᓯᑦᑕ ᖃᕆᑕᐅᔭᒥᑦᑎᐊᖏᓐᓄᑦ ᖃᕆᑕᐅᔭᒥᑦᑎᐊᑕ ᐱᑐᑦᓯᒪᓂᖓ ᑌᒣᓕᖓᑎᑕᐅᕗᖅ ᐃᓱᕐᕆᓂᕐᓴᐅᖁᓪᓗᓯ. ᐊᓯᐊᓄᑦ ᖃᕆᑕᐅᔭᒥᑦᑎᐊᓄᑦ ᑕᑯᒐᓱᐊᓯᑐᐊᕈᕕᑦ ᖃᕆᑕᐅᔭᒥᑦᑎᐊᑎᓐᓄᑦ ᐱᑐᑦᓯᒪᒍᓐᓀᓚᖓᔪᑎᑦ. ᐃᓄᐃᑦ ᖃᖓᑦᑕᔫᖏᑦᑕ ᐱᑐᑦᓯᒪᕕᖏᓐᓂᒃ ᐃᓘᓐᓈᓗᖏᓐᓂᒃ ᑕᑯᒐᓱᐊᕐᓯᒪᑦᔭᖏᑦᑐᑦ ᐊᒻᒪᓗ ᐊᐅᓚᑦᓯᖃᔭᕋᑎᒃ ᐱᑐᑦᓯᒪᖃᑎᒌᕝᕕᒋᔭᒥᓂᒃ ᐊᒻᒪᓗ ᑲᒪᒋᔭᑦᓴᕆᑦᔭᓇᒋᑦ. ᑌᒣᒐᓗᐊᕐᑎᓗᒍ, ᐃᓄᐃᑦ ᖃᖓᑦᑕᔫᖏᑦ ᐊᖏᕈᑎᖃᑦᓯᒪᑦᔭᖏᒻᒥᔪᖅ ᑖᒃᑯᓂᖓ ᐊᓯᒥᑕ ᖃᕆᑕᐅᔭᒥᑦᑎᐊᖏᓐᓄᑦ ᐱᑐᑦᓯᒪᕕᒋᔭᒥᓂᒃ ᑭᒡᒐᑐᕐᑎᐅᔭᖏᓐᓇᒥ, ᐅᕝᕙᓘᓐᓃᑦ ᐃᓗᓕᖏᓐᓂᒃ ᓇᓪᓕᐊᓂᑐᐃᓐᓇᖅ, ᖃᕆᑕᐅᔭᖏᑦᑕ ᐱᔪᓐᓇᐅᑎᖏᓐᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᓂᐅᕕᑦᓴᖏᓐᓂᒃ ᐱᐅᓕᓂᐊᒐᖏᓐᓂᓘᓐᓃᑦ ᖃᕆᑕᐅᔭᒥᑦᑎᐊᖑᔪᓂᒃ, ᐅᕝᕙᓘᓐᓃᑦ ᐊᑐᕐᑕᕕᓂᐅᓗᑎᒃ ᓱᕐᕃᓂᕆᒍᓐᓇᑕᖏᓐᓂᒃ ᓵᑕᑦᓴᖑᕈᑎᖃᕈᓐᓇᔭᖏᒻᒥᔪᑦ. ᑖᒃᑯᓄᖓ ᖃᕆᑕᐅᔭᒥᑦᑎᐊᑎᓐᓄᑦ ᐱᑐᑦᓯᒪᔪᓂᒃ ᐱᑐᕝᕕᖃᓯᓐᓂᕈᑦᓯ, ᐊᓯᓐᓂᒃ ᐸᓯᔭᑦᓴᖃᕈᓐᓇᓂᐊᖕᖏᓚᓯ ᐊᑦᑕᓇᕐᑐᒨᕐᑐᕕᓂᐅᒐᓗᐊᕈᑦᓯ.

ᑲᒪᑦᓯᐊᖏᑦᑐᑦ

ᑖᒃᑯᓇᓂ ᖃᕆᑕᐅᔭᒥᑦᑎᐊᑦ ᑖᒃᑯᐊᖑᑎᓪᓗᒋᑦ “ᓄᐃᑕᑎᑕᐅᕗᑦ” ᓴᑑᑎᖃᕐᑎᑕᐅᒐᓛᒐᑎᒃ ᖃᓄᑐᐃᓐᓇᖅ ᓂᐅᕕᑦᓴᖁᑎᒐᓚᖏᑦ, ᒪᑭᑕᑦᓯᐊᕋᓱᐊᕈᑎᖏᓪᓘᓃᑦ ᐅᕝᕙᓘᓐᓃᑦ ᐱᖁᔭᓂᒃ ᓱᒃᑯᐃᒋᒃᑯᑎᓂᒃ ᓇᒻᒥᓂᖁᑎᒋᔭᐅᔪᐃᑦ ᐱᓪᓗᒋᑦ. ᐃᓄᐃᑦ ᖃᖓᑦᑕᔫᖏᑦ ᓴᑑᑎᖃᕐᑎᓯᑦᔭᖏᑦᑐᑦ ᓈᒻᒪᓈᕐᓯᒪᑦᓯᐊᕋᓗᐊᕐᒪᖔᑕ ᐃᓗᐃᑦᑐᓯᐊᒍᒐᓗᐊᕐᒪᖔᑕᓗ ᐊᓯᒥᑕ ᖃᕆᑕᔭᒥᑦᑎᖏᑦ. ᐃᓄᐃᑦ ᖃᖓᑦᑕᔫᖏᑦ ᖃᕆᑕᐅᔭᒥᑦᑎᐊᒥᓂᒃ ᖃᖓᑐᐃᓐᓇᓯᐊᖅ ᐊᓯᑦᔩᒍᓐᓇᑐᑦ, ᐅᕝᕙᓘᓐᓃᑦ ᓂᐅᕕᐊᑦᓴᖁᑎᒥᓂᒃ ᐊᑭᒋᔭᐅᑎᑕᒥᓂᓪᓗ ᑖᒃᑯᓄᖓ. ᖃᕆᑕᐅᔭᒥᑦᑎᐊᖏᑦ ᓄᑕᐅᓯᓪᓕᒣᑦᑑᑐᐃᓐᓇᕆᐊᓖᑦ, ᐊᒻᒪᓗ ᐃᓄᐃᑦ ᖃᖓᑦᑕᔫᖏᑦ ᓄᑕᐅᓯᓪᓕᑎᕆᖃᑦᑕᓚᖓᓂᕐᒥᓂᒃ ᓯᕗᓂᑦᓴᓕᐅᕈᑎᖃᕐᓯᒪᒐᑎᒃ ᖃᕆᑕᐅᔭᒥᑦᑎᐊᒥᓂᒃ. ᑕᕝᕙᓂ ᖃᕆᑕᐅᔭᒥᑦᑎᐊᑦ ᖃᐅᔨᒐᓱᐊᕐᑕᐅᒍᓐᓇᑐᑦ ᓂᐅᕕᐊᑦᓴᖏᑦ, ᐱᓇᓱᐊᕈᑎᖏᑦ ᐅᕝᕙᓘᓐᓃᑦ ᐱᒍᑦᔨᒍᑎᖏᑦ ᐊᑐᐃᓐᓇᐅᖏᑦᑑᒐᓗᐊᕐᒪᖔᑕ ᑲᓇᑕᐅᑉ ᓯᓚᑖᓂ. ᖃᐅᔨᒋᐊᕐᕕᐅᒍᓐᓇᑐᑦ ᐃᓄᐃᑦ ᖃᖓᑦᑕᔫᖏᑦᑕ ᖃᐅᔨᒋᐊᕐᕕᐅᒍᓐᓇᕕᖓ ᑐᑭᓯᒋᐊᑦᓯᐊᕕᐅᒍᓐᓇᑐᖅ ᓂᐅᕕᐊᑦᓴᖏᓐᓂᒃ, ᐱᓇᓱᐊᕈᑎᖏᓐᓂᒃ ᐱᒍᑦᔨᒍᑎᖏᓐᓂᓗ ᐊᑐᐃᓐᓇᓯᒍᓐᓇᕕᒋᒍᓐᓇᒪᖔᕐᐱᐅᒃ ᖃᐅᔨᒋᐊᕐᕕᐅᒍᓐᓇᑐᑦ. ᓴᑑᑎᖃᕐᑎᑕᐅᔪᐃᑦ ᐊᑐᐃᓐᓇᓯᒍᑕᐅᖕᖏᑑᑐᐃᓐᓇᕆᖃᕐᒪᑕ, ᑕᒪᒃᑯᐊ ᐅᖄᔭᐅᕋᑖᕐᑐᐃᑦ ᐊᑐᕐᓂᖃᖕᖏᑐᐃᓐᓇᕆᐊᓖᑦ ᐃᓕᓐᓄᑦ.

ᐊᑭᓖᒍᑎᐅᓚᕿᒍᓐᓇᑐᓂᒃ ᐅᖓᑖᓅᕆᒃᑯᑎᓂᒃ ᑭᓪᓕᖃᕐᑎᓯᒍᑏᑦ

ᑌᒣᓚᕿᓐᓂᕈᑎᒃ, ᐃᓄᐃᑦ ᖃᖓᑦᑕᔫᖏᑦ, ᐱᑖᕐᕕᒋᓲᖏᓪᓗ, ᐅᕝᕙᓘᓐᓃᑦ ᐱᓇᓱᐊᖃᑎᒋᑦᓱᒋᑦ ᐱᖓᔪᐃᖏᑦ ᖃᕆᑕᐅᔭᒥᑦᑎᐊᖏᓐᓂ ᐅᖃᕐᑕᐅᓯᒪᔪᐃᑦ ᓵᑕᑦᓴᖑᕈᓐᓇᓂᐊᖕᖏᓚᑦ ᓱᒃᑯᐊᕿᔪᕕᓂᐅᔪᖃᕐᐸᑦ ᖃᓄᑐᐃᓐᓇᓯᐊᖅ (ᐃᓚᐅᑎᓪᓗᒋᑦ ᐅᑯᐊ, ᖃᓄᐃᓪᓗᐊᑎᒋᔪᐊᓘᒐᓗᐊᕐᐸᑕ, ᑮᓇᐅᔭᓕᐊᖑᒐᔭᕐᑐᓂᒃ ᐊᓯᐅᔨᒍᑎᐅᓚᕿᒐᓗᐊᕐᐸᑕ, ᓄᐊᑕᐅᓯᒪᔪᓂᒃ ᐊᓯᐅᔨᒍᑎᐅᓚᕿᒐᓗᐊᕐᐸᑕ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᕐᓂᖏᓐᓂᒃ ᐅᓚᐱᑦᓯᓚᕿᒐᓗᐊᕐᐸᑕ) ᐊᑐᕐᓂᖃᕈᓐᓀᓚᕿᓗᑎᒃ, ᐊᑐᕐᑕᐅᕈᓐᓇᖏᓚᕿᓗᑎᒃ, ᐅᕝᕙᓘᓐᓃᑦ ᑕᒪᒃᑯᓂᖓ ᖃᕆᑕᐅᔭᒥᑦᑎᐊᓂᒃ ᐊᑐᕐᑐᕕᓂᐅᓗᑎᒃ ᓱᒃᑯᐊᕿᒍᑎᐅᓚᕿᓐᓂᐸᑕ ᐅᕝᕙᓘᓐᓃᑦ ᖃᕆᑕᐅᔭᒥᑦᑎᐊᓄᑦ ᐱᑐᑦᓯᒪᕕᐅᔪᓂᒃ ᖃᕆᑕᐅᔭᒥᑦᑎᐊᑎᓐᓄᑦ, ᓴᑑᑎᖃᕐᑎᓯᒍᑎᐅᒐᓗᐊᕐᐸᑕ, ᐊᖏᖃᑎᒌᑦᓯᒪᐅᑎᑎᒍᑦ ᐱᒍᑦᔨᒍᑎᐅᒐᓗᐊᕐᐸᑕ, ᓈᒻᒪᓈᖕᖏᑐᓕᕕᐅᔪᕕᓂᐅᒐᓗᐊᕐᐸᑕ ᐅᕝᕙᓘᓐᓃᑦ ᐱᖁᔭᓂᒃ ᓯᖁᑦᑎᕆᒍᑎᐅᔪᕕᓂᐅᒐᓗᐊᕐᐸᑕ ᐊᒻᒪᓘᓐᓃᑦ ᓱᒃᑯᐃᒍᓇᐅᔭᖓᔫᔮᕋᓗᐊᕐᐸᑕ. ᑖᒃᑯᓂᖓ ᓇᓪᓕᐊᑐᐃᓐᓇᖏᓐᓂᒃ ᐊᑐᕐᓗᑎᑦ ᖃᕆᑕᐅᔭᒥᑦᑎᐊᓂᒃ ᓱᒃᑯᔨᐊᖃᓚᕿᔪᕕᓂᐅᒍᕕᑦ ᐱᐅᒃᑯᑎᓯᓐᓂᒃ ᓄᐊᓯᒪᔭᒥᓂᓪᓘᓐᓃᑦ ᓱᒃᑯᑕᐅᔨᐊᖃᕐᓂᕈᑦᓯ ᐊᑭᓖᒋᐊᖃᓚᕿᔪᑑᒐᔭᕐᖁᓯ. ᐱᖁᔦᑦ ᐊᑐᕐᑕᐅᒍᓐᓇᖏᑐᐃᓐᓇᕆᐊᓖᑦ ᓱᒃᑯᐊᕿᔪᕕᓂᐅᔪᖃᕋᓗᐊᕐᐸᑦ, ᑕᒪᒃᑯᐊ ᐅᖄᔭᐅᕋᑖᑫᓐᓇᑐᐃᑦ ᖁᓛᓂ ᐊᑐᕐᓂᖃᖕᖏᑐᐃᓐᓇᕆᐊᖃᕐᒥᔪᑦ ᐃᓕᓐᓄᑦ.

ᐱᖁᔦᑦ ᐊᑐᕈᓐᓇᓂᖏᑦ

ᑖᒃᑯᐊ ᖃᕆᑕᐅᔭᒥᑦᑎᐊᑦ ᑲᒪᒋᔭᐅᓲᑦ ᐃᓄᐃᑦ ᖃᖓᑦᑕᔪᖏᑦᑕ ᐊᓪᓚᕕᖏᓐᓂ ᒪᓐᑐᔨᐊᓪ, ᑯᐯᒃᒥ. ᐃᓄᐃᑦ ᖃᖓᑦᑕᔫᖏᑦᑕ ᖃᕆᑕᐅᔭᒥᑦᑎᐊᒥᓂᒃ ᑲᓇᑕᐅᑉ ᓯᓚᑖᓂᑦᑐᓄᑦ ᐊᑐᕐᑕᐅᒍᒫᕐᓂᐊᓯᒪᖕᖏᑐᑦ, ᐊᒻᒪᓗ ᑲᓇᑕᐅᑉ ᓄᓇᖁᑎᖏᑦᑕ ᓯᓚᑖᓂᑦᑐᓄᑦ ᐱᖁᔭᖏᓐᓂ ᐊᑐᕐᑕᐅᖁᔭᐅᖕᖏᑐᐃᓐᓇᕆᐊᖃᕐᓱᑎᒃ. ᑖᒃᑯᓇᓂ ᖃᕆᑕᐅᔭᒥᑦᑐᐃᑦ ᐊᑐᕐᑕᐅᒍᓐᓇᔭᖏᑦᑐᑦ ᐊᓯᐊᓄᕐᑕᐅᒍᓐᓇᔭᒐᑎᓗ ᐅᕝᕙᓘᓐᓃᑦ ᐊᓯᐊᓅᕆᐊᓪᓚᑖᕐᑕᐅᒍᓐᓇᔭᒐᑎᒃ ᐅᕝᕙᓘᓐᓃᑦ ᐊᑦᔨᓕᐅᕐᑕᐅᒍᓐᓇᔭᒐᑎᒃ ᐱᖁᔭᑎᒍᑦ ᒪᓕᒐᑦᓯᐊᓕᐊᖑᓯᒪᔪᑎᒍᓪᓘᓃᑦ ᐊᑐᕈᓐᓇᓯᑎᑕᐅᒍᓐᓇᔭᒐᑎᒃ ᑲᓇᑕᒥᐅᒍᖕᖏᑐᒐᓴᕐᓄᑦ ᐊᑐᕐᑕᐅᒍᓐᓇᔭᖏᑦᑐᑦ, ᓇᒻᒥᓂᖅ ᐊᑐᕈᒪᑐᐊᕈᕕᒃᑭᑦ ᑲᒪᒋᑦᓯᐊᓗᒋᑦ ᐊᑑᑎᔭᐅᒋᐊᓕᓕᒫᑦ ᓄᓇᑦᑕ ᐱᖁᔭᖏᑦᑎᒍᑦ ᐊᑐᕐᑕᐅᒍᓐᓇᑑᒐᓗᐊᑦ. ᒪᓕᑦᑕᐅᖁᔭᐅᔪᐃᑦ ᒪᓕᑦᑕᐅᓯᐊᕆᐊᖃᕐᐳᑦ ᑯᐯᒃᒥ ᐱᖁᔦᑦ ᒪᓕᓪᓗᒋᑦ, ᐱᖁᔭᑎᒍᑦ ᑐᖕᖓᕕᐅᒋᐊᓖᑦ ᓱᕐᕋᑕᐅᒍᓐᓀᑎᓪᓗᒋᑦ.

ᐃᓘᓐᓈᓅᓕᖓᔪᑦ

ᐃᓄᐃᑦ ᖃᖓᑦᑕᔫᖏᑦ ᖃᕆᑕᐅᔭᒥᑦᑎᐊᒥᓄᑦ ᒪᓕᒐᑦᓴᓕᐊᕆᓯᒪᔭᒥᓂᒃ ᐋᕐᖀᒋᐊᕈᓐᓇᑐᖅ ᖃᖓᑐᐃᓐᓇᓕᒫᑦᓯᐊᖅ. ᑕᑯᒐᓱᐊᓗᑭᑦᑐᓴᐅᕗᓯ ᒪᓕᒐᑦᓴᓕᐊᕆᓯᒪᔭᖏᓐᓂᒃ ᒪᓕᒐᑦᓴᓕᐊᕆᕐᖃᒥᖏᓐᓂᓘᓐᓃᑦ ᐃᓕᖓᓂᖃᕐᒪᑕ ᐃᓗᓐᓄᑦ. ᒪᓕᒐᑦᓴᓕᐊᕆᔭᐅᓯᒪᔪᐃᑦ ᐃᓚᖏᑦ ᐊᓯᑦᔨᔭᐅᑐᐃᓐᓇᕆᐊᖃᕐᒪᑕ ᐱᓗᐊᕐᑐᒥᒃ ᐱᖁᔭᓅᓕᖓᔪᐃᑦ ᐅᕝᕙᓘᓐᓃᑦ ᒪᓕᑦᓴᓕᐊᒍᓯᒪᔪᐃᑦ ᓇᓪᓕᑐᐃᓐᓇᖏᑦ ᐊᓯᑦᔨᔭᐅᑐᐃᓐᓇᕆᐊᖃᕐᓱᑎᒃ ᖃᕆᑕᐅᔭᒥᑦᑎᐊᑦ ᑖᒃᑯᓇᓂ. ᖃᐅᔨᒪᔭᐅᒋᐊᓕᒃ : ᓇᐅᑐᐃᓐᓇᖅ ᐃᓄᐃᑦ ᖃᖓᑦᑕᔫᖏᑦᑕ ᖃᕆᑕᐅᔭᒥᑦᑎᐊᖏᓐᓄᑦ ᐱᑐᑦᓯᒪᔪᖅ ᒪᓕᑦᓯᐊᕆᐊᖃᕐᐳᖅ ᒪᓕᒐᑦᓴᓕᐊᒍᓯᒪᔪᓂᒃ.