ᐅᓯᑦᓴᓂᒃ ᐱᑦᔪᔨᒍᑎᖃᕐᓃᑦ - Air Inuit
ᐅᓯᒐᑦᓴᓂᒃ ᐱᑦᔪᔨᒍᑎᒋᓲᕗᑦ

ᐅᓯᒐᑦᓴᓂᒃ ᐱᑦᔪᔨᒍᑎᒋᓲᕗᑦ

ᐴᕐᑐᑕᐅᓯᒪᑦᓱᐃᑦ ᒥᑭᔪᐊᐱᐅᒐᓗᐊᕐᐸᑕ ᐅᖁᒣᑦᑐᐊᓗᒐᓗᐊᕐᐸᑕᓘᓐᓃᑦ, ᐱᓇᓱᒐᕆᒐᑦᑎᒍᑦ ᐅᓯᒍᑦᔨᒍᓐᓇᐳᒍᑦ ᐱᓀᓗᑦᓯᓯᒪᒍᓐᓀᓗᑕ, ᓇᒧᑐᐃᓐᓇᖅ ᑐᕌᒐᓗᐊᕐᐸᑕ.

ᓯᕗᓪᓕᐅᔨᒐᑦᓴᓕᐊᖑᓯᒪᔪᑦ ᐅᓯᒐᑦᓭᑦ

ᓱᑲᑦᑐᓯᐊᒍᑎᓪᓗᒋᑦ ᐃᓱᐊᕐᑑᑎᓪᓗᒋᓪᓗ, ᓯᕗᓪᓕᐸᐅᑦᔭᒋᐊᓕᓐᓂᒃ ᐅᓯᒍᑦᔨᒍᓐᓇᓲᖑᕗᑦ ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᒥᕝᕕᓂ (ᐃᓚᖏᑦ ᒪᓕᒉᑦ ᐊᑑᑎᔭᐅᒋᖃᑐᐃᓐᓇᑐᑦ ᒋᐊᖃᓕᕈᑎᒃ)

ᓯᕗᓪᓕᐸᐅᑦᔭᐅᖁᔭᕐᓃᕕᒃ ᐅᓯᒐᑦᓴᓂᒃ ᐊᐅᓪᓚᑎᑕᐅᖁᔨᒍᕕᑦ, ᐱᒻᒪᕆᐅᑎᑕᐅᓂᕐᐸᐅᓗᑎᒃ ᐅᓯᒐᑦᓴᓕᐊᖑᒐᔭᕐᑐᑦ ᐊᒻᒪᓗ ᑎᑭᑦᓴᐅᑎᒋᒍᓐᓇᕕᓕᒫᖏᑦᑎᒍᑦ ᑎᑭᑦᑎᑕᐅᑦᓴᐅᑎᒋᒐᓱᐊᕐᓗᑎᒃ. ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᓯᕗᓪᓕᐅᔨᒐᑦᓴᓕᐊᖑᓯᒪᔪᓂᒃ ᐱᒍᑦᔨᕕᖓᑎᒍᑦ, ᐅᑎᕐᑎᓯᕕᐅᑎᑦᓯᒍᓐᓇᓲᖑᕗᒍᑦ ᐅᓯᔭᐅᔨᐊᒥᓂᒃ ᐊᓯᐅᔨᔭᐅᔨᐊᖃᕐᑐᕕᓂᕐᓂᒃ ᓱᖁᑦᑎᑕᐅᔨᐊᖃᕐᑐᕕᓂᕐᓂᓘᓐᓃᑦ. ᐊᒻᒪᓗᒋᐊᓪᓚᒃ, ᐅᓯᔭᐅᔨᐊᑦ ᑎᑭᕝᕕᒋᒋᐊᓕᒻᒥᓄᑦ ᑎᑭᑎᑕᐅᑦᓴᐅᑎᒋᖕᖏᑐᐊᕐᐸᑦ ᑎᑭᕝᕕᒋᒍᒫᕐᓂᐊᑕᕕᓂᕐᒥᓂ, ᐊᑭᖏᑦ ᐊᑭᑭᓪᓕᒋᐊᕐᑕᐅᒍᓐᓇᒥᔪᑦ, ᐃᓘᓐᓈᒍᑦ ᐅᓯᔭᐅᒍᑎᐅᓲᑦ ᐊᑭᓪᓗᐊᖏᓐᓂᒃ.

ᑐᑭᓯᒋᐊᑦᓯᐊᕈᒪᒍᕕᑦ ᓯᕗᓪᓕᐸᑦᔭᐅᖁᓯᒪᑦᓱᒋᑦ ᐅᓯᒍᑦᔭᐅᒍᑏᑦ ᒥᑦᓵᓄᑦ, ᖃᐅᔨᒋᐊᕐᕕᕈᓐᓇᖁᑎᑦ ᐃᓄᐃᑦ ᖃᖓᑦᑕᔫᖏᑦᑕ ᐊᓪᓚᕕᖓ ᖃᓂᓐᓂᐹᑐᐃᓐᓇᖅ ᐃᓕᓐᓄᑦ ᖃᐅᔨᒋᐊᕐᕕᒋᓗᒍ.

ᐅᖄᓚᕕᐅᒍᓐᓇᖁᒍᑦ/ᐊᓪᓚᕕᐅᒍᓐᓇᖁᒍᑦ

ᐃᓘᓐᓈᓄᓕᖓᔪᑦ ᐅᓯᒐᑦᓭᑦ

ᐃᓘᓐᓈᓄᓕᖓᔪᓂᒃ ᐅᓯᒐᑦᓴᓂᒃ ᐱᑦᔪᔨᒍᑎᖃᓲᖑᕗᒍᑦ ᐅᓯᒍᑦᔭᐅᕙᓪᓗᓲᑦ ᐊᐅᓪᓚᑎᑕᐅᖁᔭᖏᓐᓂᒃ ᖃᓄᐃᑦᑐᑐᐃᓐᓇᓯᐊᓂᒃ. ᐊᓪᓚᓯᒪᔪᐃᑦ ᐴᕌᐱᑐᐃᓐᓇᖓᓂᑦᑐᓂᒃ ᐊᒻᒪᓗ ᓂᕿᓂᒃ ᓱᔪᒍᐊᕐᑐᓴᔭᓂᒃ ᐊᒻᒪᓗ ᐊᑦᑕᓇᕐᑑᓱᑎᒃ ᓂᐅᕕᐊᑦᓴᓂᒃ ᐊᒻᒪᓗ ᐅᕿᓐᓂᓴᐅᒪᑦᓱᑎᒃ ᓄᓇᒃᑯᔫᓂᒃ, ᑌᒣᑦᑐᐃᑦ ᐃᓘᓐᓈᓄᓕᖓᓂᕋᕐᑕᐅᔪᐃᑦ ᐊᐅᓪᓚᑎᒍᓐᓇᓯᐊᕐᑐᑦ.

ᓱᓗᒃᐹᒃ: ᓱᑲᑦᑐᓯᐊᖅ ᐊᑭᑐᔪᐊᓘᒐᓂᓗ ᓱᓗᒃᐹᑯᑦ ᐊᐅᓪᓚᑎᑦᓯᔪᖃᕈᓂ 2.2 ᑭᓗᑯᔮᒻ ᐅᖁᒣᓐᓂᖏᑦ ᒥᑦᓯᑎᒎᕐᑐᐃᑦ

ᐃᓄᐃᑦ ᖃᖓᑦᑕᔫᖏᑦ ᓱᓗᒃᐹᑎᒍᑦ ᐅᓯᒍᑦᔨᓂᒃᑯᑦ ᐱᒍᑦᔨᒍᑎᖃᓲᖑᕗᖅ ᐊᑦᔨᒋᔭᐅᖕᖏᓯᐊᕐᑐᒥᒃ. ᓱᒃᑲᑦᑑᓱᓂ, ᐊᑭᑐᔪᐊᓗᒐᓂᓗ ᐊᒻᒪᓗ ᐅᖁᒣᓐᓂᖏᑦ 2.2 ᑭᓗᑯᔮᒻ ᒥᑦᓯᑎᓐᓃᑐᐃᑦ ᐊᑭᖃᑎᒌᑐᐃᓐᓇᐅᓲᖑᑦᓱᑎᒃ ᓇᒧᑐᐃᓐᓇᖅ ᑎᑭᕝᕕᒋᓲᑦᑎᓄᑦ ᐱᑦᔪᔨᒍᓐᓇᓲᖑᔪᒍᑦ ᖃᖓᑦᑕᔫᒧᑦ/ᑎᒻᒥᔫᒧᑦ ᐊᐅᓪᓚᓂᐊᓕᕐᒥᔪᒧᑦ ᐅᓯᔭᐅᓚᖓᑎᓪᓗᒋᑦ.

ᐊᓯᖏᑦ ᐱᑦᔪᔨᒍᑎᐅᒻᒥᔪᑦ ᐅᑦᓯᔨᓂᕐᒧᑦ

ᐱᐅᓯᕐᓲᑎᑐᐃᓐᓇᐅᖏᑦᑐᑎᒍᑦ ᐊᐅᓪᓚᑎᑦᓯᓃᑦ

ᐱᐅᓯᕐᓲᑎᑐᐃᓐᓇᐅᖏᑦᑐᑎᒍᑦ ᐅᓯᒐᑦᓴᓂᒃ ᐱᒍᑦᔨᒍᑏᑦ ᓄᐃᑕᐅᓚᕿᓯᒪᕗᑦ ᑭᖕᖒᒪᒋᓪᓗᑯᐊᐱᑦᑕᖏᓐᓂᒃ ᓄᓇᕕᒻᒥᐅᑦ ᐊᑐᐃᓐᓇᐅᕕᐅᑎᑦᓯᒐᓱᐊᒧᑦ, ᐃᓄᐃᑦ ᐱᐅᓯᑐᖃᖏᓐᓄᑦ ᖃᐅᑕᒫᓪᓗ ᐃᓅᓯᖏᓐᓄᑦ ᐃᓕᖓᔪᓂᒃ ᐊᑭᑭᓪᓕᒋᐊᕐᓯᒪᑎᓪᓗᒋᑦ ᐅᓯᒍᑦᔨᓲᖑᔪᒍᑦ ᓄᓇᓕᓕᒫᓂ. ᓂᕿᑐᐃᓐᓀᑦ ᐊᐅᓪᓚᑎᑕᐅᒍᓐᓇᒥᔪᑦ, ᓱᔪᑦᑎᑌᓕᑦᓯᐊᕆᐊᓕᓪᓗ, ᓱᔪᒍᐊᕐᑐᐃᓗ ᓂᐅᕕᐊᑦᓭᑦ, ᖃᔭᕆᐊᑦ ᕿᐊᕐᖑᔫᖏᑦ/ᐊᐅᓚᐅᑎᖏᑦ, ᓯᑭᑑᑦ ᐊᒻᒪᓗ ᐊᑦᓴᓗᐊᓕᑲᓪᓚᐅᓱᑎᒃ ᐃᖏᕐᕋᑏᑦ.

ᐱᐅᓯᕐᓲᑎᑐᐃᓐᓇᐅᖏᑦᑐᑎᒍᑦ ᐊᐅᓪᓚᑎᑦᓯᓂᒃᑯᑦ ᐱᒍᑦᔨᓂᕆᓲᕗᑦ ᐃᓅᒐᓱᐊᕈᑎᐅᓪᓚᕆᑦᑐᓂᒃ ᓄᓇᕕᒻᒥ ᐱᒍᑦᔨᒍᑎᖃᓲᒍᕗᒍᑦ ᐊᒻᒪᓗ ᓄᓇᕕᒻᒥ ᓄᓇᖃᕐᑐᓂᒃ, ᐊᑭᓂᑦᓴᐅᖏᑦᑑᔭᑎᓐᓇᒋᑦ ᐱᒍᑦᔭᐅᒍᒪᔪᓄᑦ. ᑐᑭᓯᒋᐊᑦᓯᐊᕈᒪᔪᑦ ᑕᒪᑦᓱᒪᐅᑉ ᐱᐅᓯᕐᓲᑎᑕᐅᓐᓇᐅᖏᑦᑐᑎᒍᑦ ᐅᓯᒐᑦᓴᓂᒃ ᐱᒍᑦᔨᓂᕆᓲᑦᑕ ᒥᑦᓵᓄᑦ, ᐅᖄᓚᕕᐅᒍᓐᓇᑐᑦ ᐃᓄᐃᑦ ᖃᖓᑦᑕᔫᖏᓐᓄᑦ ᐅᓯᒐᑦᓴᓂᒃ ᐱᒍᑦᔨᕖᑦ.

ᓱᔪᒍᐊᕐᑐᐃᑦ ᓂᖀᑦ

ᓄᓇᕕᒻᒥᐅᑦ ᓂᕿᑦᓯᐊᓂᒃ ᓂᕿᖃᑦᓯᐊᑎᒐᓱᐊᒧᑦ ᐃᓗᓯᖃᑦᓯᐊᑎᒐᓱᐊᒧᓪᓗ ᑕᒪᒃᑯᓂᖓ ᓱᔪᒍᐊᕐᑐᓂᒃ ᐱᒍᑦᔨᓂᕗᑦ ᐊᑐᕐᓂᖃᓪᓚᕆᓲᖅ ᐊᒻᒪᓗ ᐃᓄᐃᑦ ᖃᖓᑦᑕᔫᖏᓐᓂ/ᑎᒻᒥᔫᖏᓐᓂ ᐱᓇᓱᑦᑎᓄᑦ ᐱᒍᑦᔨᒍᑎᐅᒋᐊᒥᒃ ᐅᐱᒪᒋᔭᐅᓪᓚᕆᑦᓱᓂ. ᓂᖀᑦ ᐱᕈᑦᑐᕕᓃᑦ ᖃᓪᓗᓈᑦ ᓄᓇᖏᓐᓂᒃ ᑭᓯᐊᓂ ᐊᑐᐃᓐᓇᐅᓂᕐᓴᐅᒪᑕ ᑕᕐᕋᒧᑦ ᐊᐅᓪᓚᑎᑕᐅᓗᑭᒋᐊᖃᓲᒍᕗᑦ ᐊᒻᒪᓗ ᐴᕐᑐᑕᐅᑦᓯᐊᕆᐊᖃᕐᓱᑎᒃ ᐃᑉᐱᒋᑦᓯᐊᒪᕆᐊᓗᓪᓗᒋᑦ ᓱᔪᑲᐱᑦᑎᑌᓕᒐᓱᐊᕐᓱᒋᑦ ᐊᒻᒪᓗ ᐊᑐᐃᓐᓇᐅᑎᖏᓐᓇᕋᓱᐊᕐᓱᒋᑦ ᓱᔪᖕᖏᓂᖏᓐᓂ.

ᐃᓄᐃᑦ ᖃᖓᑦᑕᔫᖏᓐᓂ/ᑎᒻᒥᔫᖏᓐᓂᒃ ᐊᑯᓂ ᐱᓇᓱᓕᓃᑦ ᐃᑉᐱᒋᔭᖃᑦᓯᐊᒪᕆᐊᓗᒋᐊᖃᓲᑦ ᓂᓪᓕᒪᔪᒦᑦᑎᑌᓕᑦᓱᒋᑦ ᓂᕈᒥᓗᐊᕐᑐᒥᓘᓐᓃᑦ, ᐱᑦᔪᔨᔭᕗᑦ ᓱᔪᒍᐊᕐᑐᒪᕆᐊᓗᓐᓂᒃ ᑲᒪᒋᒍᑦᔨᓱᒋᑦ ᐱᑦᓯᐊᕈᓐᓇᕕᓕᒫᑎᒍᑦ ᐊᒻᒪᓗ ᑎᑭᑦᑎᒐᓱᐊᕐᐸᓱᒋᑦ ᓱᔪᑦᓯᒪᒍᓐᓀᕕᓕᒫᖏᑦᑎᒍᑦ, ᑎᐸᖃᑦᓯᐊᓗᑎᒃ ᐊᒻᒪᓗ ᑎᒥᒧᑦ ᐱᐅᓂᖃᑦᓯᐊᑎᓗᒋᑦ ᐱᒍᓐᓇᕕᓕᒫᖏᑦᑎᒍᑦ ᑎᑭᑦᓯᒐᓱᐊᓲᕗᑦ.

(ᐃᓚᐅᔪᖅ) ᐃᓚᔪᑦ ᐊᑭᑭᓪᓕᒋᐊᕐᓯᒪᒍᓐᓇᐅᑎᓄᑦ ᐊᑐᕈᓐᓇᑎᑕᐅᓂᖏᑦ

(ᐃᓚᐅᔪᖅ) ᐃᓚᐅᔪᓄᑦ ᐊᑭᑭᓪᓕᒋᐊᕐᓯᒪᐅᑏᑦ ᐃᓄᓐᓂᒃ ᓄᓇᕕᒻᒥᐅᓂᒃ ᖃᖓᑦᑕᔪᒃᑯᑦ/ᑎᒻᒥᔪᒃᑯᑦ ᖃᖓᑦᑕᐅᑎᓂᒃ ᐊᒻᒪᓗ ᐅᓯᒍᑦᔭᐅᒍᑎᓂᒃ ᐊᑐᕐᑕᐅᒍᓐᓇᓲᖑᕗᑦ, ᐊᖏᖃᑎᒌᓐᓂᐅᓯᒪᔪᒧᑦ ᐱᕙᓪᓕᖁᑎᑖᕐᓯᒪᔪᐃᑦ ᐊᑭᑭᓪᓕᒋᐊᕐᓯᒪᐅᑎᒋᒍᓐᓇᑕᖏᓐᓂᒃ ᐱᓇᓱᓲᓅᑦ ᐅᕝᕙᓘᓐᓃᑦ ᐃᓅᓯᖏᓐᓅᓕᖓᔪᓂᒃ ᐊᐅᓪᓚᑲᑦᑕᕈᓐᓇᓂᕐᓴᐅᑎᒐᓱᐊᕐᓱᒋᑦ ᓄᓇᕐᖃᑎᒋᖕᖏᑕᒥᓄᑦ.

ᖃᐅᔨᒐᓱᐊᕈᓐᓇᖁᑎᑦ ᐃᓚᐅᔪᓄᑦ ᐅᓯᒍᑦᔭᐅᒍᑎᓂᒃ ᐊᑭᑭᓪᓕᒋᐊᕐᓯᒪᐅᑎᓂᒃ ᐱᒍᓐᓇᒪᖔᕐᐱᑦ ᐅᕝᕙᓘᓐᓃᑦ ᐃᓚᐅᔪᑦᓱᑎᑦ ᐊᑭᑭᓪᓕᒋᐊᕐᓯᒪᒍᓐᓇᐅᑎᑎᑦ ᖃᓄᐃᓕᖓᓕᕐᒪᖔᑕ, ᐅᖄᒪᕕᖃᕈᓐᓇᑐᑎᑦ ᐅᓯᒐᑦᓴᓂᒃ ᐱᒍᑦᔨᕖᑦ ᓇᓪᓕᑐᐃᓐᓇᖏᑦ ᐅᖄᕕᒋᓗᒋᑦ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᑕᑯᒐᓱᐊᕐᓗᒍ ᐅᓇ ᐃᓚᐅᔪᓄᑦ ᖃᐅᔨᒋᐊᕐᕕᒃ.