ᐸᕐᓀᓯᒪᑦᓯᐊᖁᔨᒧᑦ ᐃᑲᔪᕐᓯᒍᑏᑦ
ᐅᑯᐊᑕᒐ ᐊᐅᓪᓚᓛᕐᓗᑎᑦ ᐸᕐᓀᓯᒪᑦᓯᐊᕋᓱᐊᕈᑎᑦᓭᑦ ᐃᑲᔪᕐᓯᒍᑎᒋᔭᕗᑦ
- ᑭᓇᐅᓂᕐᓂᒃ ᓱᕐᖁᐃᓇᕐᑎᓯᒍᑏᑦ, ᐃᑭᒍᑎᑖᕆᒋᐊᓕᓐᓄᑦ ᖃᐅᔨᒪᔭᐅᒋᐊᓖᑦ, ᑮᓇᐅᔦᑦ, ᐃᔭᒉᑦ/ᐄᒉᑦ, ᐊᑎᒐᑦᓭᓗ ᐊᓐᓄᕌᑦ ᐊᒻᒪᓗ ᓴᓗᒻᒪᓴᐅᑎᓗᑳᑦ ᓂᕈᒥᐊᕋᕐᒥᐅᑕᐅᓗᑎᒃ ᑎᒍᒥᐊᓚᖓᔭᕐᓃᓗᑎᒃ ᐱᐅᔫᒐᔭᕐᑐᑦ. ᐃᑦᓯᕖᑦ/ᐃᕐᓯᕖᑦ ᐊᓯᐅᑲᓪᓚᓴᕐᓂᐸᑦ ᑎᑭᖕᖏᑐᐊᕐᐸᓘᓐᓃᑦ ᑭᖑᕙᕐᓗᓂ, ᑕᒪᒃᑯᓂᖓ ᐃᒻᒪᖃᐅᑎᖃᑐᐊᕈᑦᓯ ᐱᐅᔫᒐᔭᕐᑐᖅ ᐃᑦᓯᕖᑦ/ᐃᕐᓯᕖᑦ ᑎᑭᓚᐅᖕᖏᓂᖓᓂ ᐃᒻᒪᖃᐅᑎᖃᑦᓯᐊᖁᓪᓗᓯ.
- ᐊᒥᓲᓗᐊᕐᑐᓂᒃ ᑎᒍᒥᐊᓚᖓᔭᕐᓄᑦ ᑐᕐᖁᑐᐃᓯᒪᒍᓐᓀᓗᑎᑦ. ᑭᖕᖒᒪᒋᔭᕐᓂᒃ ᑭᓯᐊᓂ ᐊᑦᔭᓯᓗᑎᑦ. ᐊᑭᓖᒋᐊᖃᕋᔭᕋᕕᑦ ᐅᖁᒣᓗᐊᑐᐊᕐᐸᑦ ᑎᒍᒥᐊᒉᑦ ᐃᑦᓯᕕᓪᓗ/ᐃᕐᓯᕖᓪᓗ ᐅᖁᒣᓐᓂᐅᒋᐊᓕᓐᓂᒃ ᒪᓕᒐᖃᕐᕕᐅᒪᑕ.
- ᐃᑦᓯᕖᑦ/ᐃᕐᓯᕖᑦ ᐃᓘᓐᓇᑎᒃ ᐊᑎᕐᓂᒃ ᐊᓪᓚᓯᒪᔪᕐᑕᖃᕆᐊᓖᑦ ᐃᓗᐊᒍᑦ ᓯᓚᑖᒍᓪᓗ, ᐊᓂᕐᕋᐱᑦ ᓯᓚᑎᖓ ᐊᓪᓚᓯᒪᓗᓂ ᐅᖄᓚᐅᑎᑉᐱᓗ ᑭᓯᑦᓯᒍᑎᖓ/ᑭᑎᑦᔪᑎᖓ ᐅᖄᓚᕕᐅᒍᔭᕐᑐᒥᒃ ᐃᕐᓯᕖᕐᓯᔭᐅᑲᓪᓚᓴᕐᓂᕈᕕᑦ. ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐃᑦᓯᕖᑦ/ᐃᕐᓯᕖᑦ ᐊᑎᖃᐅᑎᖏᓐᓂᒃ ᐱᑕᖃᑦᓯᐊᑐᑦ ᐊᑐᐃᓐᓇᐅᔪᓂᒃ ᒥᕝᕕᓕᒫᓂ.
- ᐊᐅᓪᓚᖃᑦᑕᓱᑎᑦ ᑭᖑᓂᕐᒥ ᓇᒧᕐᖓᓕᐊᕐᒪᖔᑕ ᓇᓗᓀᒃᑯᑕᐅᖃᑦᑕᓯᒪᔪᐃᑦ ᐲᕐᑕᐅᓯᒪᒋᐊᓖᑦ ᓇᓗᓕᕈᑕᐅᓂᐊᖕᖏᒪᑕ ᓇᒧᖕᖓᕆᐊᖃᕐᒪᖔᑕ ᐊᒻᒪᓗ ᑭᖑᕙᓚᕿᖁᓇᒋᑦ ᑎᑭᕝᕕᒋᒋᐊᓕᖏᓐᓄᑦ.
- ᖃᐅᔨᒪᒐᓱᐊᑦᓯᐊᒋᐊᖃᕐᖁᓯ ᐃᑦᓯᕕᓯ/ᐃᕐᓯᕕᓯ ᐊᑐᓂ ᓇᓗᓀᒃᑯᓯᕐᑕᐅᓯᒪᑦᓯᐊᕋᓗᐊᕐᒪᖔᑕ ᐊᒻᒪᓗ ᑐᕌᕐᑕᒥᓅᓯᐊᕋᓗᐊᕐᒪᖓᑕ, ᐊᓪᓚᓯᒪᔪᖏᑦ ᑐᑭᓯᓇᑦᓯᐊᓗᑎᒃ.
- ᐃᑦᓯᕕᑉᐱᑦ/ᐃᕐᓯᕕᑉᐱᑦ ᐊᓐᓄᕌᖃᐅᑎᑉᐱᓘᓐᓃᑦ ᓇᓗᓀᒃᑯᑕᖏᓐᓂᒃ ᐲᕐᓯᓯᑐᐊᕈᕕᑦ, ᐃᑉᐱᒍᓱᑦᓯᐊᕆᐊᖃᕐᖁᑎᑦ ᐱᒋᒐᓗᐊᕐᒪᖔᕐᐱᐅᒃ. ᐊᒥᓱᑦ ᐃᑦᓯᕖᑦ/ᐃᕐᓯᕖᑦ ᐊᓐᓄᕌᖃᐅᑎᓪᓗ ᐊᑦᔨᒌᑐᐃᓐᓇᐅᔭᕐᒪᑕ.
- ᐃᑦᓯᕖᑦ/ᐃᕐᓯᕖᑦ ᓱᕐᕋᓯᒪᔫᔮᑐᐊᕐᐸᑦ, ᖃᐅᔨᔭᐅᑎᒋᐊᓖᑦ ᐃᓄᐃᑦ ᖃᖓᑦᑕᔫᖏᑦᑕ ᐱᓇᓱᑦᑎᖓᓄᑦ ᒥᕝᕕᒦᖏᓐᓈᓗᑎᑦ. ᑌᒣᒃᑯᕕᑦ ᓱᓕᔪᕐᓴᓂᕐᓴᐅᒐᔭᕐᒪᑕ ᓱᒃᑯᑐᕕᓂᐅᒋᐊᖓᓂᒃ ᐃᓄᐃᑦ ᖃᖓᑦᑕᔫᖏᓐᓄᑦ ᐊᐅᓚᑕᐅᑦᓱᓂ.
- ᐃᑦᓯᕖᑦ/ᐃᕐᓯᕖᑦ ᓇᕿᑕᕈᑎᖏᑦ ᐅᕝᕙᓘᓐᓃᑦ ᓂᑦᓯᑕᐅᑐᐃᓐᓇᕆᐊᓖᑦ ᐃᓘᓐᓇᑎᒃ ᐃᑦᓯᕕᐅᑉ/ᐃᕐᓯᕕᐅᑉ ᐃᓗᐊᓄᑦ ᑐᕐᖁᓯᒪᑦᓯᐊᕆᐊᓖᑦ ᓱᒃᑯᑕᐅᖁᓇᒋᑦ ᐃᑦᓯᕕᑎᑦ/ᐃᕐᓯᕕᑎᑦ ᐅᕝᕙᓘᓐᓃᑦ ᒥᕝᕕᐅᑉ ᐱᖁᑎᖏᑦ.
- ᑕᑲᒃᑯᐊ ᐃᑦᓯᕕᒻᒦᑎᑕᐅᖕᖏᑯᑎᒃ/ᐃᕐᓯᕕᒻᒦᑎᑕᐅᖕᖏᑯᑎᒃ ᐱᐅᓂᕐᓭᑦ, ᓱᒃᑯᑕᐅᑐᐃᓐᓇᕆᐊᖃᕐᒪᑕ ᐅᕝᕙᓘᓐᓃᑦ ᐊᓯᐅᔨᔭᐅᑐᐃᓐᓇᕆᐊᖃᕐᓱᑎᒃ ᐊᐅᓚᑕᐅᓂᕐᒥᓂ:
- ᑲᓇᑕᐅᑉ ᓯᓚᑖᓅᕈᓐᓇᐅᑏᑦ, ᐃᓅᑉ ᑭᓇᐅᓂᖓᓂᒃ ᓱᕐᖁᐃᓇᕐᑎᓯᒍᑏᑦ, ᐃᑭᒍᑏᑦ ᐅᕝᕙᓘᓐᓃᑦ ᐊᑭᓕᑦᓴᑖᕈᓐᓇᐅᑏᑦ/ᐊᑭᓂᑦᓵᑕᕈᓐᓇᐅᑏᑦ ᐃᓪᓓᒍᑎᑦᓴᔮᐲᑦ.
- ᑮᓇᐅᔦᑦ/ᑕᑕᐅᑏᑦ, ᐊᒡᒐᐅᒥᐅᑕᐅᑦᓱᑎᒃ ᓯᕿᖕᖑᔦᑦ/ᓯᖁᓂᖁᑏᑦ, ᕿᑎᕐᓯᒥᐅᑌᑦ/ᖁᖏᓯᕐᒥᐅᑌᑦ/ᐊᒡᒐᐅᒥᐅᑌᑦ ᐅᕝᕙᓘᓐᓃᑦ ᐊᑭᑐᔪᔦᑦ/ᓇᓕᑑᑦᓴᔦᑦ.
- ᐊᑦᔨᓕᐅᕈᑏᑦ ᐅᕝᕙᓘᓐᓃᑦ ᐊᑦᔨᓕᐅᕈᑏᑦ ᐃᓚᑦᓴᔭᖏᑦ
- ᓂᐱᓕᐅᕈᑏᑦ ᑕᕐᕋᓕᔮᓕᐅᕈᑏᑦ/ᐊᐅᓚᔫᓕᐅᕈᑏᑦ
- ᖃᕆᑕᐅᔦᑦ ᐃᓚᑦᓴᔭᖏᓪᓗ (ᖃᕆᑕᐅᔭᕈᑎᓕᒫᓪᓗ)
- ᐃᔭᐅᑏᑦ/ᐃᒡᒉᑦ ᐊᒻᒪᓗ ᐃᔨᒻᒨᑕᐅᓲᒍᑦᓱᑎᒃ ᐃᔭᐅᑏᑦ
- ᐳᓪᓚᐅᔭᒧᑦ ᓴᓇᓯᒪᔪᑦ ᐅᕝᕙᓘᓐᓃᑦ ᓯᖁᑦᑎᕈᐊᕐᑐᔦᑦ
- ᐳᓪᓚᐅᔭᓂᒃ ᐳᓖᑦ ᐃᒥᕋᑦᓭᑦ
- ᓴᓇᖕᖑᐊᓯᒪᔪᑦ, ᓄᑕᐅᖕᖏᑐᔦᑦ/ᐊᑯᓂᓂᑕᑦᓴᔦᑦ ᐅᕝᕙᓘᓐᓃᑦ ᓄᐊᑕᐅᓲᑦᓴᔦᑦ ᐊᑯᑐᔪᑦᓴᔭᐅᑦᓱᑎᒃ ᐊᒻᒪᓗ ᓴᓇᖕᖑᐊᓯᒪᔪᐃᑦ.
- ᐄᔭᒉᑦ/ᐄᒉᑦ
* ᐅᓐᓂᑑᑎᖃᕈᒪᕗᒍᑦ ᑕᑉᐱᑯᐊ ᐊᐅᓪᓚᑎᑕᐅᖔᖁᒐᔭᕐᓱᒋᑦ ᐃᓄᐃᑦ ᖃᖓᑦᑕᔫᖏᑦᑕ ᐊᐅᓪᓚᑎᑦᓯᔨᒋᓗᒍ ᐃᓚᖏᑦ ᐴᕐᑐᕆᐊᑦᓯᐊᑕᐅᒪᒋᐊᖃᓲᒍᓂᖏᑦ ᐱᓪᓗᑯᒋᐊᖃᕐᓂᖏᓪᓗ ᐱᑦᔪᑎᒋᑦᓱᒋᑦ.
ᐊᐅᓪᓚᑎᑦᓯᒋᐊᖃᕐᖀᑦ ᐅᓯᑦᓴᓂᒃ?
ᓇᕐᓂᓗᒍ ᐱᑐᒍᑎ ᐅᓇᓂ ᐊᑖᓂᑦᑐᖅ ᑕᑯᒋᐊᕐᓂᐊᕋᕕᑦ ᑐᑭᓯᒪᒍᑎᑦᓴᓕᐊᕆᓯᒪᔭᑦᑎᓂᒃ ᐃᓕᖓᑦᓱᑎᒃ ᐅᓯᑦᓴᐅᔪᑦ ᐅᓯᔭᐅᒍᑎᖏᓐᓄᑦ.