ᐃᑭᖁᔭᐅᖕᖏᑐᐃᑦ ᖃᖓᑦᑕᔫᒧᑦ/ᑎᒻᒥᔫᒧᑦ

ᓇᓪᓕᐊᑐᐃᓐᓇᐅᒐᓗᐊᕐᐸᑦ ᐃᑭᑎᑕᐅᔪᖃᕐᓂᖏᑉᐸᑦ, ᑲᒪᑦᓯᐊᕋᓱᐊᖃᑦᑕᐸᓚᖓᕗᒍᑦ ᓇᓪᓕᖁᐊᕆᑦᑎᓯᑦᓯᐊᕋᓱᐊᕐᓗᑕ ᐊᒻᒪᓗ ᐃᓱᐊᕐᓂᐸᐅᒐᓱᐊᕐᑐᑎᒍᑦ ᑲᒪᒋᔭᖃᑦᓯᐊᕋᓱᐊᕐᓗᑕ. ᐊᐅᓪᓚᕕᑦᓴᓕᐅᕐᑕᐅᒐᔭᕐᑐᖅ ᐊᓯᐊᒍᑦ, ᓂᕆᒐᑦᓴᖃᕐᑎᓯᐊᕐᓗᒍ ᐃᒥᕋᑦᓴᓂᓪᓗ, ᓯᓂᑦᑕᕕᓴᓕᐅᒋᐊᖃᑐᐊᕐᐸᑦ ᐊᐅᓚᒍᑎᑦᓴᖃᒋᐊᖃᑐᐊᕐᐸᓗ ᐃᑭᑎᑕᐅᓐᓂᖏᑦᑐᖅ ᑲᒪᒋᔭᑦᓯᐊᕋᔭᕐᑐᖅ. ᑕᒪᒃᑯᐊ ᐅᓯᔭᑦᑐᓄᑦ ᐃᓄᓐᓄᑦ ᑐᑭᓯᑎᑦᓯᒍᑎᑕᐅᑦᓯᐊᕈᓐᓇᑐᑦ.

ᐊᑭᓕᕐᑕᐅᓚᖓᖕᖏᑲᓗᐊᕈᑎᒃ ᐃᑲᔪᕐᑎᒋᒍᓐᓇᑕᑦᑎᓂᒃ ᐊᐱᕐᓱᖄᕋᔭᕐᑐᒍᑦ. ᐃᑲᔪᕐᑎᒋᒍᓐᓇᑕᑦᑎᓂᒃ ᑕᑯᕐᖃᔭᖕᖏᑐᐊᕈᑦᑕ, ᓇᓪᓕᑐᐃᓐᓇᖏᑦ ᐅᓯᓚᖓᔭᕗᑦ ᐃᓄᐃᑦ ᓇᓪᓕᑳᑕᐅᒐᔭᕐᑐᑦ ᐃᑭᓚᖓᔪᐃᑦ, ᐃᐊ ᐃᓄᐃᒃᑯᑦ ᓯᕗᓪᓕᐸᐅᑦᔭᐅᒋᐊᓕᓐᓄᑦ ᒪᓕᒐᖓ ᒪᓕᓪᓗᒍ.

ᓄᓇᓕᒻᒥ ᐃᑭᓚᖓᔪᐃᑦ ᐊᑭᖃᕐᑎᑕᐅᒍᑎᖏᓐᓄᑦ ᒪᓕᒐᖅ 245 ᖃᐅᔨᒋᐊᑦᓯᐊᕈᒪᔪᓄᑦ ᑕᑯᒐᓱᐊᕐᑕᐅᖁᓇᕐᑐᖅ.

For more information on Denied boarding, please consult the following link from the Canadian Transportation Agency.

ᓇᓪᓕᑐᐃᓐᓇᖏᑦ ᐃᑭᖁᔭᐅᓐᓂᖏᑐᐊᕐᐸᑕ ᓱᓇᑐᐃᓐᓇᒥᒃ ᐱᑦᔪᑎᖃᕐᓗᑎᒃ ᐃᐊ ᐃᓄᐃᒃᑯᑦ ᐊᐅᓚᒍᓐᓇᕕᖓᑎᒍᑦ ᐊᑦᑕᓇᕐᑐᒦᑦᑎᓯᓂᐅᔭᕈᓐᓀᓗᓂ ᐃᑭᑎᑕᐅᓐᓂᖏᑦᑐᖅ ᐅᑎᕐᑎᓯᕕᐅᒍᓐᓇᑐᖅ ᐅᐸᒐᓱᐊᕐᑕᒥᓄᑦ ᑎᑭᑦᓴᕋᑕᕐᕕᕕᓂᖓ ᑐᖕᖓᕕᒋᓗᒍ ᑫᕙᓪᓚᒍᓰᑦ/ᐃᑲᐅᕐᓃᑦ ᖃᑦᓯᐅᓂᖏᑦ ᒪᓕᓪᓗᒋᑦ ᐅᑯᐊ:

• 0-6 ᑫᕙᓪᓚᒍᓰᑦ/ᐃᑲᐅᕐᓃᑦ: $900
• 6-9 ᑫᕙᓪᓚᒍᓰᑦ/ᐃᑲᐅᕐᓃᑦ: $1,800
• 9 ᑫᕙᓪᓚᒍᓰᑦ/ᐃᑲᐅᕐᓃᑦ ᐅᖓᑖᓄᑦ: $2,400

ᐅᓯᓚᖓᔭᕗᑦ ᐃᓄᒃ ᑮᓇᐅᔭᓂᒃ ᐅᑎᕐᑎᓯᕕᐅᖕᖏᑑᒍᓐᓇᒥᔪᖅ ᓱᕐᖁᐃᑐᒥᒃ ᐃᑭᕕᑦᓴᖃᓚᖓᑐᐊᕈᓂ ᐃᐊ ᐃᓄᐃᒃᑯᑦ ᐊᐅᓚᕕᒋᓲᖏᓐᓂ.

ᖃᖓᑦᑕᔫᒧᑦ/ᑎᒻᒥᔫᒧᑦ ᐃᑭᖁᔭᐅᖕᖏᑐᐃᑦ, ᐊᐅᓪᓚᕋᓱᐊᕐᓂᖏᑦ ᓄᕐᖃᑎᑕᐅᓲᑦ ᐅᕝᕙᓘᓐᓃᑦ ᑭᖑᕙᒋᐊᕐᑕᐅᓱᑎᒃ ᑫᕙᓪᓚᒍᓯᓐᓄᑦ/ᐃᑲᐅᕐᓃᓄᑦ ᒪᕐᕉᓄᑦ, ᐅᕝᕙᓘᓐᓃᑦ ᐃᑦᓯᕖᑦ/ᐃᕐᓯᕖᑦ ᐊᓯᐅᔪᕕᓂᐅᑐᐊᕐᐸᑦ ᓱᒃᑯᑕᐅᔪᕕᓂᐅᑐᐊᕐᐸᓘᓐᓃᑦ, ᑕᒪᒃᑯᐊ ᑲᒪᒋᔭᐅᒍᑎᖏᑦᑕ ᒪᓕᒐᖃᕐᕕᐅᒍᑎᖏᑦᑎᒍᑦ ᑲᒪᒋᔭᐅᒐᔭᕐᑐᑦ ᐊᒻᒪᓗ ᐅᑎᕐᑎᓯᕕᐅᒍᑕᐅᒍᓐᓇᓱᑎᒃ ᖃᖓᑦᑕᔪᒃᑰᑐᐃᑦ/ᑎᒻᒥᔪᒃᑰᑐᐃᑦ ᓴᐳᒻᒥᔭᐅᒋᐊᖃᕐᓂᖏᓐᓄᑦ ᒪᓕᒉᑦ ᐊᑐᕐᓱᒋᑦ.ᖃᐅᔨᒋᐊᑦᓯᐊᒍᒪᑐᐊᕈᑦᓯ ᐱᔪᓐᓇᐅᑎᒋᔭᑦᓯᓂᒃ ᖃᖓᑦᑕᔫᖁᑎᓕᓐᓄᑦ ᐅᖄᓚᕕᖃᕈᓐᓇᑐᓯ ᐅᕝᕙᓘᓐᓃᑦ ᑕᑯᒐᓱᐊᕈᓐᓇᓱᓯ ᑲᓇᑕᒥ ᐊᐅᓚᒍᑎᓕᕆᔩᑦ ᖃᕆᑕᐅᔭᒥᑦᑎᐊᖏᓐᓂᒃ