ᐊᐅᓪᓚᑎᓚᖓᔦᑦ ᐊᑐᐃᓐᓇᕈᕐᑎᒍᒃ

ᐊᐅᓪᓚᑎᑕᐅᒐᓱᑦᑐᑦ ᐊᖏᕐᑕᐅᖃᑦᑕᓚᖓᕗᑦ ᐅᓯᔭᐅᔪᑦᓴᕈᕐᓗᑎᓪᓗ ᐊᐅᓪᓚᑎᑦᓯᒐᓱᑦᑐᖅ, ᑎᑭᑕᐅᔪᕐᓗᓃᑦ ᐅᕝᕙᓘᓐᓃᑦ ᓇᒻᒥᓂᓕᒃ ᒪᓕᑦᓯᐊᓯᒪᑐᐊᕐᐸᑦ ᐊᑭᓕᕐᑐᐃᒍᑎᑦᓴᓕᐊᖑᓯᒪᔪᓂᒃ ᐃᓚᐅᑎᓪᓗᒋᑦ ᐱᖁᔭᓂᒃ, ᒪᓕᒐᖃᕐᑎᓯᒍᑎᓂᒃ ᐊᓯᖏᓐᓂᓗ ᑲᕙᒪᒃᑯᑦ ᒪᓕᒐᖃᕐᑎᓯᒍᑎᖏᓐᓂᒃ ᐃᓕᖓᑦᓱᑎᒃ ᐅᓯᒍᑦᔨᓂᕐᓄᑦ ᐱᐅᓕᓂᐊᒐᕐᓂᒃ ᓱᓇᑐᐃᓐᓇᓂᓪᓗ.

ᖃᖓᑦᑕᔫᒃᑯᑦ ᐊᐅᓪᓚᑎᑕᐅᔫᑉ ᓯᑯᑦᓴᔭᖁᑎᖓ ᐊᓪᓚᖁᑎᐅᕗᖅ ᓄᐃᑦᓯᒍᑎᐅᓯᒪᑦᓱᓂ ᐱᓇᓱᒍᑦᔭᐅᒍᑎᒥᒃ ᐅᓯᒍᑦᔭᐅᔪᒧᓪᓗ ᐃᓄᐃᑦᑯᓄᓪᓗ, ᐊᓪᓚᓯᒪᔪᕐᑕᖃᕐᓱᓂ ᐅᑦᓯᔭᐅᔫᑉ ᓱᓇᓂᒃ ᐊᐅᓪᓚᑎᑦᓯᒪᖔᕐᒥ ᐊᓪᓚᒍᑎᖏᓐᓂᒃ, ᑖᓐᓇ ᓯᑯᑦᓴᔭ ᐊᓪᓚᓯᒪᔪᖕᖑᑕᐅᒋᐊᓕᒃ ᒪᓕᓪᓗᒋᑦ ᒪᓕᒐᖁᑎᐅᔪᓪᓗ ᖃᓄᐃᓘᕆᐊᖃᕐᓂᕃᒍᑎᐅᔪᓪᓗ.

ᐊᐅᓪᓚᑎᑦᓯᒍᑎᑉᐱᑦ ᑭᓯᑦᓯᒍᑎᖓᓂᒃ ᐱᒍᒪᒍᕕᑦ, ᖃᐅᔨᒋᐊᕐᕕᒋᒃᑭᑦ ᓄᓇᓕᓕᒫᓄᓕᖓᔪᑦ ᐅᓯᑦᓴᓕᕆᕖᑦ ᐅᕙᓂ regional cargo department.

ᐊᐅᓪᓚᑎᑦᓯᒍᕕᑦ ᐊᕐᖁᑎᖃᕐᓗᑎᑦ ᐊᓪᓚᑕᕐᑎᒥᒃ, ᐃᓚᐅᑎᑦᓯᓯᐊᕆᑦ ᖃᖓᑦᑕᔫᒧᑦ ᐅᓯᔭᐅᑎᑕᐅᔪᑦ ᐊᓪᓚᖁᑎᑦᓴᔭᖓᓂᒃ ᓂᐱᑎᓪᓗᒍᓗ ᐃᑦᓯᕕᖁᑎᑉᐱᑦ ᓯᓚᑖᓄᑦ ᒪᑐᐃᖓᑎᓪᓗᒍ ᑕᑯᒋᐊᕐᓂᐊᕋᑦᑎᒍ ᑎᒍᓯᓗᑕᓗ ᐊᒥᓲᓕᕐᑎᓯᒪᒍᑎᖓᓂᒃ.

ᖃᓄᐃᓘᕈᑏᑦ ᐊᐅᓪᓚᑎᓚᖓᔭᕐᐱᑦ ᖃᖓᑦᑕᐅᓯᕐᑕᐅᒍᑎᑦᓴᖏᓐᓂᒃ ᐊᓪᓚᓯᒪᔪᖕᖑᐃᓕᕈᕕᑦ.

1. ᐊᓪᓚᓯᒪᔪᖕᖑᐃᕕᒋᑦᓯᐊᓗᒋᑦ ᐊᐅᓪᓚᑐᑦᓴᓕᐅᕐᑑᑉ ᑭᓇᐅᓂᕋᐅᑎᖏᑦ.
   • ᐊᑎᖓ, ᐅᖄᓚᐅᑎᖓᑕ ᑭᓯᑦᑎᖓ ᐊᒻᒪᓗ ᑐᕌᕈᑎᖓ, ᐃᓚᐅᑦᓯᐊᑎᓪᓗᒍ ᓄᓇᓕᖓᑕ ᐊᓪᓚᑎᒍᑦ ᓇᓗᓀᒃᑯᑕᖓ
2. ᐊᐅᓪᓚᑎᑦᓯᕕᐅᔫᑉ ᑭᓇᐅᓂᖓᓅᓕᖓᔪᑦ ᐊᓪᓚᓯᐊᕐᓗᒋᑦ.
   • ᐊᑎᖓ, ᐅᖄᓚᐅᑎᖓᑕ ᑭᓯᑦᑎᖓ ᐊᒻᒪᓗ ᑐᕌᕈᑎᖓ, ᐃᓚᐅᑦᓯᐊᑎᓪᓗᒍ ᓄᓇᓕᖓᑕ ᐊᓪᓚᑎᒍᑦ ᓇᓗᓀᒃᑯᑕᖓ
3. ᐊᓪᓚᓗᒋᑦ, ᐊᓪᓚᓯᒪᔪᖃᕆᐊᖃᕐᐸᑕ, ᖃᓄᑐᐃᓐᓇᖅ ᐱᓪᓗᑯᑦᑕᐅᒍᑎᒋᒋᐊᓕᖏᑦ ᐊᐅᓪᓚᑎᑕᕐᐱᑦ.
   • ᐆᑦᑐᑎᒋᓗᒋᑦ ᐅᑯᐊ, ᓂᓪᓕᓇᕐᑐᖃᐅᑎᒦᒋᐊᓕᒃ, ᓯᕿᓐᓂᑕᐅᒋᐊᖃᖕᖏᑐᖅ, ᐊᓯᖏᓪᓗ
4. ᐊᓪᓚᓗᒋᑦ ᖃᑦᓯᐅᒪᖔᑕ ᐊᐅᓪᓚᑎᒐᓱᑦᑕᑎᑦ ᐃᓚᐅᒻᒥᑎᓪᓗᒋᑦ ᖃᑦᓯᓂᒃ ᐅᖁᒣᓐᓂᖃᕐᒪᖔᑕ, ᐃᓚᐅᑎᓐᓇᒋᑦ ᐅᓯᑦᓭᑦ ᐊᑕᐅᓯᐅᓕᓗᒋᑦ ᐅᖁᒣᓐᓂᖏᑦ ᐊᓪᓚᓯᒪᓗᑎᓪᓗ kg-ᑎᒍᑦ.
5. ᐊᓪᓚᓗᒋᑦ ᐃᑦᓯᕕᐅᑉ ᐊᐅᓪᓚᑎᒐᓱᑦᑕᐱᑦ ᐃᓗᓕᖏᑦ.
6. ᑕᕐᓯᓗᒍ ᓯᒃᑭᑖᐱᒃ ᓇᓪᓕᖓᓄᑦ ᐊᑐᕐᑕᐅᖁᔭᕐᓅᓕᖓᔪᖅ.
7. ᐊᓪᓚᓗᒋᑦ ᖃᑦᓯᐅᓂᖏᑦ ᓱᔪᒍᓐᓇᑐᓂᒃ ᐃᓗᓕᓖᑦ ᐊᓪᓚᒥᓗᒋᑦ ᐅᖁᒣᓐᓂᖏᑦ kg-ᑎᒍ.
8. ᐊᑭᓕᒍᑎᒋᓚᖓᔦᑦ ᓇᓗᓀᕐᓗᒍ.
   • ᑕᕐᓯᕈᒃ « Prepaid »ᐊᑭᓕᕐᑕᐅᓚᖓᑐᐊᕐᐸᑦ ᐊᐅᓪᓚᑎᑦᓯᔪᒧᑦ.
   • ᑕᕐᓯᕈᒃ « Collect » ᐊᐅᓪᓚᑎᑦᓯᕕᐅᔪᖅ ᑎᑭᑕᐅᓕᕈᓂ ᐊᑭᓖᒋᐊᖃᓛᑐᐊᕐᐸᑦ.
9. ᐊᐅᓪᓚᑎᑕᑎᓐᓂᒃ ᐃᒻᒪᖃᐅᓯᕐᑕᕆᒍᒪᒍᕕᑦ, ᐊᓪᓚᓗᒋᑦ ᐊᑭᖏᑕ ᐅᓄᕐᓂᖏᑦ (ᑎᑭᐅᑎᒍᓐᓇᑐᑦ $25,000-ᓄᑦ). ᐱᕕᑭᑦᑑᑐᐃᓐᓇᕆᐊᓖᑦ ᐃᓚᖏᑎᒍᑦ.
   • ᐃᓄᐃᑦ ᐃᓕᓐᓂᒃ ᐊᑭᓖᑎᑦᓯᓚᖓᔪᑦ 1%-ᖏᓐᓂᒃ ᐊᑭᒋᔭᐅᓂᕋᕐᑕᐱᑦ.

ᐊᓪᓚᓯᒪᔪᕐᑕᖃᓪᓚᕆᒋᐊᓕᒃ ᐃᓕᒪᓇᕐᑐᓂᒃ ᐊᐅᓪᓚᑎᑦᓯᒍᑎᐅᔪᑦ.

ᐊᐅᓪᓚᑎᑕᐅᔪᑦ ᐊᐅᓪᓚᑎᑦᓯᔫᑉ ᐊᓪᓚᖁᑎᖏᑎᒎᕐᐸᑕ, ᐊᑭᓕᒍᑎᑦᓭᑦ ᐱᑕᖃᖁᔭᐅᑐᐃᓐᓇᕆᐊᓖᑦ, ᑕᒪᓐᓇ ᑐᖕᖓᕕᓕᒃ ᐊᖏᖃᑎᒋᒍᑎᓕᐊᖑᓯᒪᔪᓂᒃ.

ᓱᕐᖁᐃᑐᒥᒃ ᐊᐅᓪᓚᑎᑕᑎᑦ ᑎᑭᑦᓯᐊᖁᓗᒋᑦ ᐅᐸᑦᑕᖏᓐᓄᑦ ᖃᓄᕐᓗᓃᑦ ᓱᕐᕋᓯᒪᒍᓐᓀᓗᑎᒃ ᑎᑭᕝᕕᒋᒋᐊᓕᒻᒥᓂᓗ ᑎᑭᑦᓯᐊᖁᓪᓗᒋᑦ ᐊᓪᓚᓯᐊᒃᑭᑦ ᑭᓇᒧᑦ ᑐᕌᕐᒪᖔᑕ ᐊᓪᓚᒥᓗᒋᓪᓗ ᐊᐅᓪᓚᑎᑦᓯᔫᑉ ᓯᓚᑎᑦᓴᖏᑦ ᐊᐅᓪᓚᑎᑦᓯᕕᐅᔫᓪᓗ ᓯᓚᑎᑦᓴᖏᑦ ᐃᓘᓐᓇᖏᓐᓂ ᐊᐅᓪᓚᑎᑕᐅᔪᓂ ᐅᖃᕐᓯᒪᔪᕐᑕᖃᕐᒥᓗᑎᓪᓗ ᖃᓄᐃᓕᖓᑎᑕᐅᒋᐊᖃᕐᒪᖔᑕ (ᓂᓪᓕᓇᕐᑐᖃᐅᑎᒥᒋᐊᖃᕐᐸᑕ, ᖁᐊᖃᐅᑎᒦᒋᐊᖃᕐᐸᑕ, ᓯᖁᑦᑎᕈᐊᕐᑐᔭᐅᑉᐸᑕ, ᐊᓯᖏᓪᓗ) ᐊᓪᓚᓯᒪᓗᑎᒃ ᐊᑐᓂᑦ ᐊᐅᓪᓚᑎᑕᐅᒐᓱᑦᑐᓂ.

ᐴᕐᑐᓯᒪᑦᓯᐊᓗᑎᒃ ᐃᓗᐊᒍᓪᓗ ᓯᓚᑖᒍᓪᓗ ᐊᐅᓪᓚᑎᑕᕐᐱᑦ ᐃᓗᓕᖏᑦ ᓯᖁᑦᑎᑲᓪᓚᖁᓇᒋᑦ.