ᓴᐳᒻᒥᔭᐅᒋᐊᖃᕐᓂᖏᓐᓄᑦ ᒪᓕᒉᑦ ᐊᑐᕐᓱᒋᑦ

ᐃᑭᖕᖏᑑᑎᑕᐅᓲᑦ ᐃᑭᒪᒋᐊᓖᑦ ᐅᓄᕐᓂᕆᒋᐊᓕᖏᑦ ᓈᒻᒪᓯᑐᐊᕐᒪᑕ ᐃᑦᓯᕙᐅᑕᐅᒋᐊᓖᑦ ᐃᑭᒪᔪᓄᑦ.ᑕᒪᓐᓇ ᐊᓯᐊᒎᕐᒥᔪᖅ ᐃᑭᒪᒋᐊᓕᒃ ᐃᑭᑎᑕᐅᖕᖏᐸᑦ ᐊᑦᑕᓇᕐᑐᒦᑦᓭᓕᒋᐊᖃᕐᓂᖅ ᐱᑦᔪᑕᐅᑎᓪᓗᒍ, ᐅᕝᕙᓗᓘᓐᓃᑦ ᖃᓄᐃᖕᖏᓯᐊᕆᐊᖃᕐᓂᖅ ᐱᑦᔪᑕᐅᑉᐸᑦ.

ᑐᑭᓯᒋᐊᑦᓯᐊᕈᒪᒍᕕᑦ ᑕᑯᒋᐊᕐᓗᒍ ᖃᕆᑕᐅᔭᒥ ᐅᕙᓂ  Denied Boarding page.

ᖃᖓᑦᑕᔫᖅ/ᑎᒻᒥᔫᖅ ᑭᖑᕙᕆᐊᕐᑕᐅᑐᐊᕐᐸᑦ ᐊᐅᓪᓚᕈᓐᓀᑎᑕᐅᑐᐊᕐᐸᓘᓐᓃᑦ ᓂᕆᐅᓐᓇᖏᑦᑐᑎᒍᑦ ᐱᓀᓗᑦᓯᓂᕐᒧᑦ, ᐱᒍᓐᓇᕕᓕᒫᑎᒍᑦ ᖃᓄᐃᓕᖓᓕᕐᒪᖔᑦᑕ ᑐᓴᐅᒪᑎᑦᓯᓯᐊᒋᐊᖃᕐᑐᒍᑦ ᑎᒻᒥᔪᕐᓂᐊᕕᒻᒥ ᐊᒻᒪᓗ ᐱᓀᓗᑦᓯᓂᑦᑎᓄᑦ ᓱᕐᕋᑕᐅᔪᓂᒃ ᑎᒻᒥᔫᒥᑦᑐᓂᒃ/ᖃᖓᑦᑕᔫᒥᑦᑐᓂᒃ. ᑐᓴᕐᑎᓯᑦᓴᐅᑎᒋᒐᓱᐊᓲᒍᔪᒍᑦ ᖃᓄᐃᓕᖓᓕᕋᓗᐊᕐᒪᖔᑦᑕ, ᑐᑭᓯᑎᑦᓯᒋᐊᖃᕐᓱᑕᓗ ᓱᒧᑦ ᑭᖑᕙᕆᐊᓚᕿᒻᒪᖔᑦᑕ ᐅᕝᕙᓘᓐᓃᑦ ᓱᒧᑦ ᐊᐅᓪᓚᕈᓐᓀᑎᑕᐅᓚᕿᒻᒪᖔᑦ ᖃᖓᑦᑕᔫᖅ/ᑎᒻᒥᔫᒥᖅ:

• ᖃᐅᔨᒪᑦᓴᓕᑐᐊᕈᑦᑕ ᑭᖑᕙᓚᖓᔪᒥᒃ ᐅᕝᕙᓘᓐᓃᑦ ᐅᓂᑦᑐᒥ, ᐊᓱᐃᓛ;
• ᑫᕙᓪᓚᒍᓯᐅᑉ/ᐃᑲᐅᕐᓂᐅᑉ ᕿᑎᕐᖃᖓ ᓈᑐᕐᐸᑦ ᑭᓯᐊᓂ ᐊᐅᓪᓚᕚᓪᓗᓚᖓᑐᐊᕐᐸᑦ ᖃᖓᑦᑕᔫᖅ/ᑎᒻᒥᔫᖅ, ᐅᕝᕙᓘᓐᓃᑦ ᐅᓯᔭᕗᑦ ᐃᓄᐃᑦ ᐊᓯᐊᒍᑦ ᐊᐅᓪᓚᕕᑦᓴᖏᑦ ᐋᕐᕿᑕᐅᒋᑐᐊᕐᐸᑕ;
• ᖃᐅᔨᒪᔭᐅᒋᐊᓕᓐᓂᒃ ᑐᓴᕋᑦᓴᑖᑦᓴᑐᐊᕈᑦᑕ ᑐᓴᕐᑎᓯᑦᓴᐅᑎᒋᒐᔭᕐᑐᒍᑦ.

ᑲᒪᒍᓯᐅᒋᐊᓖᑦ

ᐃᓚᖓᓂ ᖃᖓᑦᑕᔫᑦ/ᑎᒻᒥᔫᑦ ᑭᖑᕙᕐᑎᑕᐅᓲᑦ ᐊᒻᒪᓗ ᐊᐅᓪᓚᕈᓐᓀᑦᑕᐅᑦᓱᑎᒃ ᖃᖓᑦᑕᔫᖁᑎᓖᑦ ᐊᐅᓚᑦᓯᒍᓐᓇᕕᖏᑦᑎᒍᑦ, ᐃᓚᖓᓂᓗ, ᐊᐅᓚᑦᓯᒋᐊᓪᓚᕕᖃᓲᒍᑦᔭᒐᑎᒃ ᓯᓚᕐᓂᓗᒻᒪᕆᓕᑐᐊᕐᒪᑦ ᐅᕝᕙᓘᓐᓃᑦ ᑎᒻᒥᔪᕐᓂᐊᕕᒃ ᐱᑦᔪᑎᐅᑎᓪᓗᒍ ᐊᒥᓱᓗᐊᕐᑐᐃᑦ ᖃᖓᑦᑕᔫᑦ/ᑎᒻᒥᔫᑦ ᐊᑕᐅᑦᓯᑯᑦ ᒥᒐᓱᐊᕆᐊᓖᑦ ᑎᑭᒐᓱᐊᕐᑐᐃᓐᓇᐅᓕᑐᐊᕐᐸᑕ, ᑕᒪᒃᑯᓂᖓ ᐊᐅᓚᑦᓯᒋᐊᓪᓚᕕᖃᓲᒍᑦᔭᖏᑦᑐᒍᑦ. ᓱᓇᑐᐃᓐᓀᑦ ᐱᑦᔪᑎᐅᑎᓪᓗᒋᑦ ᖃᖓᑦᑕᔫᑦ/ᑎᒻᒥᔫᑦ ᑭᖑᕙᕆᕐᑕᐅᑐᐊᕐᐸᑕ ᐊᐅᓪᓚᕈᓐᓀᑎᑕᐅᑐᐊᕐᐸᓘᓐᓃᑦ, ᑎᒻᒥᔪᕐᓂᐊᕕᒻᒥ ᐱᓇᓱᑦᑎᕗᑦ ᐱᕕᓕᒫᒥᒍᑦ ᐃᑲᔪᕐᓯᒪᒐᓱᐊᖃᑦᑕᓚᖓᔪᑦ ᐃᓕᑦᓯᓂᒃ.

ᖃᖓᑦᑕᔫᖅ/ᑎᒻᒥᔫᖅ ᑭᖑᕙᕆᐊᕐᑕᐅᑐᐊᕐᐸᑦ ᐊᐅᓪᓚᕈᓐᓀᑎᑕᐅᑐᐊᕐᐸᓘᓐᓃᑦ ᖃᓄᑐᐃᓐᓇᖅ ᐃᐊ ᐃᓄᐃᒃᑯᑦ ᐊᐅᓚᑦᓯᒋᐊᓪᓚᕕᖃᕈᓐᓀᑎᓪᓗᒋᑦ, ᐅᑦᑑᑎᒋᓗᒍ ᓯᓚ ᐱᑦᔪᑎᐅᑎᓪᓗᒍ, ᐃᑲᔪᕐᓯᒪᐅᑎᖃᕈᓐᓇᑐᒍᑦ ᐅᑯᓂᖓ:

• ᐃᐊ ᐃᓄᐃᒃᑯᑦ ᐊᐅᓪᓚᕈᓐᓇᖏᑦᑐᕕᓃᑦ ᐊᐅᓪᓚᕕᑦᓴᖏᓐᓂᒃ ᐊᑐᐃᓐᓇᕈᕐᑎᒐᔭᕐᑐᑦ ᖃᖓᑦᑕᔫᖃᓕᕐᒥᐸᑦ/ᑎᒻᒥᔫᖃᓕᕐᒥᐸᑦ ᐊᐅᓪᓚᕈᑎᑦᓴᖏᓐᓂᒃ ᐊᕐᕿᑐᐃᒍᑦᔨᒐᔭᕐᑕᕗᑦ, ᐊᒻᒪᓗ ᐅᑎᕈᑎᑦᓴᖏᑦ ᐊᓯᑦᔨᓗᒋᑦ, ᒋᐊᖃᑐᐊᕐᐸᑕ, ᐊᑭᖃᒋᐊᓪᓚᕋᔭᖕᖏᑐᑦ ᐊᐅᓚᒍᑎᑦᓴᖏᑦᑕ ᐊᑦᓯᔨᑕᐅᒍᑎᖏᑦ; ᐅᕝᕙᓘᓐᓃᑦ ᐃᑭᒍᑌᕈᑎᕕᓂᖏᑦᑕ ᐃᓚᖏᑦ ᐅᑎᕐᑎᑕᐅᒍᓐᓇᓱᑎᒃ;
• ᐅᖄᓚᒍᓐᓇᑎᑕᐅᓲᑦ ᑐᓴᐅᒪᑎᒍᒪᔭᒥᓂᒃ ᖃᓄᐃᓕᖓᓕᕐᒪᖔᕐᒥᒃ.

ᐱᒋᐊᕐᕕᖃᕐᓗᑎᒃ ᓯᑉᑎᒻᐱᕆ 8, 2022-ᒥᒃ, ᖃᖓᑦᑕᔫᖅ ᑭᖑᕙᕐᐸᑦ ᑫᕙᓪᓚᒍᓯᕐᓄᑦ/ᐃᑲᐅᕐᓂᓄᑦ ᐱᖓᓱᓄ ᐊᑯᓂᐅᓂᕐᓴᓘᓐᓃᑦ ᐅᕝᕙᓘᓐᓃᑦ ᐊᐅᓪᓚᓚᖓᑫᓐᓇᑐᖅ ᐅᓂᑎᑕᐅᑉᐸᑦ ᖃᖓᑦᑕᔫᓕᕆᔩᑦ ᐊᐅᓚᒍᓐᓇᖏᑦᑕᖓᓄᑦ, ᐊᒻᒪᓗ ᖃᖓᑦᑕᔫᓕᕆᔩᑦ ᐱᑎᑦᓯᒍᓐᓇᖏᑉᐸᑕ ᖃᖓᑦᑕᔫᒃᑯᑦ ᐊᐅᓪᓚᕋᓱᑦᑐᒥᒃ  ᑭᖑᓪᓕᐅᓛᕐᑐᒥ ᐃᑭᕕᑦᓴᑖᕆᐊᖓ ᓱᕐᖁᐃᓯᑎᑕᐅᒍᑎᖓᓂᒃ ᐊᐅᓪᓚᖃᑕᐅᓛᕐᓗᓂ ᖃᖓᑦᑕᔫᖁᑎᖓᒍᑦ ᐅᕝᕙᓘᓐᓃᑦ ᖃᖓᑦᑕᔫᓕᕆᓂᕐᒥᒃ ᐱᓇᓱᖃᑎᖏᑎᒍ ᐊᐅᓪᓚᓚᖓᔪᒃᑯᑦ ᑫᕙᓪᓚᒍᓰᑦ 48 ᐊᓂᒍᓚᐅᕐᑎᓇᒋᑦ, ᖃᖓᑦᑕᔫᕐᓂᐊᑏᑦ ᐱᔭᑦᓴᖃᓛᖓᕗᑦ ᐊᐅᓪᓚᕋᓱᑦᑐᕕᓂᐅᑉ ᐊᑑᑎᒍᒪᖔᓕᕐᑕᖓᓂᒃ ᑲᒃᑯᐊ ᓇᓪᓕᐊᒍᑦ:

• ᑮᓇᐅᔭᖏᓐᓂᒃ ᐅᑎᕐᑎᓯᕕᒋᓗᒍ; ᐅᕝᕙᓘᓐᓃᑦ
• ᐊᓯᐊᒍᖔᖅ ᐊᐅᓚᒍᑎᑦᓴᖏᓐᓂᒃ ᐋᕐᕿᓱᐃᒍᑦᔨᓗᒍ, ᐊᑭᓖᒍᓐᓀᑎᓪᓗᒍ.

ᖃᖓᑦᑕᔫᒃᑯᑦ ᐊᐅᓪᓚᕋᓱᑦᑐᕕᓃᑦ ᐃᓱᒪᒥᓪᓗᑎᒃ ᐊᓯᑦᔨᒍᓐᓇᑐᑦ ᑐᑭᑕᕈᑎᕕᓂᕐᒥᓂᒃ ᐱᒍᒪᖓᕈᓐᓇᓱᑎᒃ ᑮᓇᐅᔭᒥᓂᒃ ᐅᑎᕐᑎᑕᐅᑎᑦᓯᓂᕐᒥᒃ ᖃᖓᑐᐃᓐᓇᓕᒫᖅ ᐃᑭᕕᑦᓴᑕᕐᑕᐅᖏᓐᓂᒥᓂ ᓱᕐᖁᐃᑐᒥᒃ ᐃᑭᕕᒋᓛᕐᑕᒥᓂᒃ ᐊᓯᐊᒍᑦ ᖃᖓᑕᓐᓇᓯᐅᕐᑐᑰᖓᓯᓗᑎᒃ.

ᖃᖓᑦᑕᔫᒃᑯᑦ ᐊᐅᓪᓚᕋᓱᑦᑐᕕᓃᑦ ᑮᓇᐅᔭᒥᓄᑦ ᐅᑎᕐᕕᐅᖔᕈᒪᑉᐸ, ᖃᖓᑦᑕᔫᓂᐊᑎ ᐅᑎᕐᑎᓯᒋᐊᖃᕋᔭᕐᑐᖅ ᖃᖓᑦᑕᐅᑎᓯᐊᕕᓂᐅᑉ ᐊᒥᐊᒃᑯᖏᓐᓂᒃ ᐊᑐᕐᓯᒪᕋᑕᖕᖏᑐᓂᒃ, ᐃᓚᐅᑎᓪᓗᒋᑦ ᐊᑐᕐᓯᒪᖕᖏᑐᑦ ᐱᑦᔪᔭᐅᒋᐊᓪᓚᒍᑎᑦᓴᐅᓱᑎᒃ ᐊᑭᓕᕐᑕᐅᓯᒪᔪᑦ (ᓲᕐᓗ ᐃᑦᓯᕕᓐᓂᒃ ᐃᑭᑎᑦᓯᒍᑎᕕᓃᑦ)

ᖃᖓᑦᑕᔫᒃᑯᑦ ᐊᐅᓪᓚᕋᓱᑦᑐᕕᓃᑦ ᐊᐅᓪᓚᑎᕐᕕᒋᒐᓱᑦᑕᕕᓂᕐᒥᓃᒍᓐᓀᐸᑦ, ᐊᐅᓪᓚᕋᓱᓐᓂᕕᓂᖓᓗ ᐊᑑᑎᖃᕈᓐᓀᓂᕐᐸᑦ, ᖃᖓᑦᑕᔫᓕᕆᕕᒃ ᐅᑎᕐᑎᓯᒋᐊᖃᕋᔭᕐᑐᖅ ᖃᖓᑦᑕᐅᑎᓯᒍᑎᕕᓂᕐᓂᒃ, ᐃᓚᐅᑎᓪᓗᒋᑦ ᐊᑐᕐᓯᒪᖕᖏᑐᑦ ᐅᐃᒍᑕᕆᒍᑎᕕᓃᑦ, ᐃᑭᕕᑦᓴᓕᐅᕆᓗᑎᒃᓗ ᐊᐅᓪᓚᑎᕐᕕᕕᓂᕐᒥᓄᑦ ᐅᑎᕈᑎᑦᓴᖏᓐᓂᒃ, ᐊᑭᓖᒍᓐᓀᑎᓪᓗᒍ.

ᖃᖓᑦᑕᕈᑎᐅᓚᖓᔪᖅ ᑭᖑᕙᕆᐊᕐᑕᐅᑐᐊᕐᐸᑦ ᐊᐅᓪᓚᕈᓐᓀᓯᑕᐅᑐᐊᕐᐸᓘᓐᓃᑦ ᐃᐊ ᐃᓄᐃᒃᑯᑦ ᐊᐅᓚᑦᓯᒍᓐᓇᕕᖃᒐᓗᐊᕐᓗᑎᒃ ᐊᑦᑕᓇᕐᑑᔪᕆᑦᓯᐸᑕ, ᖃᖓᑦᑕᔫᖅ/ᑎᒻᒥᔫᖅ ᐱᓪᓗᑯᑦᑕᐅᒋᐊᓕᑎᒍᑦ ᐃᓱᐃᓪᓗᑕᖃᑐᐊᕐᐸᑦ ᖃᖓᑦᑕᓴᐅᑎᒋᓚᖓᓕᕐᓱᓂ ᐊᒻᒪᓗ ᐅᑕᕐᕿᒋᐊᖃᓚᕿᑎᓪᓗᒋᑦ ᐊᐅᓪᓚᕋᓱᐊᕐᑐᐃᑦ ᑫᕙᓪᓚᒍᓯᓐᓂ/ᐃᑲᐃᓃᓂ ᒪᕐᕈᓂ ᐊᐅᓪᓚᕕᒋᒋᐊᓕᕕᓂᕐᒥᓂ, ᐃᑲᔪᕐᓯᒪᐅᑎᖃᒋᐊᖃᕐᑐᒍᑦ ᐅᖃᑦᑕᐅᕋᑖᖃᑦᑕᑫᓐᓇᑐᓂᒃ ᐊᒻᒪᓗ ᐃᑲᔪᕐᓯᒪᐅᑎᖃᒋᐊᓪᓚᒋᐊᖃᕐᒥᔪᒍᑦ ᐅᑯᓂᖓ:

• ᓂᕆᑎᑦᓯᒐᔭᕐᑐᒍᑦ ᐃᒥᕋᑦᓴᓂᓪᓗ ᓈᒻᒪᒐᓱᐊᕐᑐᓂᒃ, ᖃᖓᓪᓗᐊᑎᒋᒃ ᐅᑕᕐᕿᒋᐊᖃᕐᓂᖏᑦ ᐃᓱᒪᒋᓗᒋᑦ, ᐅᓪᓘᓂᖓ ᐅᓐᓄᐊᒍᒻᒪᖔᓪᓗ ᐊᒻᒪᓗ ᑎᒻᒥᔪᕐᓂᐊᕕᐅᑉ ᓇᔪᕐᑕᖓ ᓇᓂᓐᓂᖓ ᐃᓱᒪᒋᒻᒥᓗᒍ;
• ᓯᓂᑦᑕᕕᒻᒦᑎᑦᓯᒐᔭᕐᑐᒍᑦ ᐅᕝᕙᓘᓐᓃᑦ ᓄᓇᓕᒻᒥᐅᒍᖕᖏᑐᐃᑦ ᐅᓯᔭᕗᑦ ᐃᓄᐃᑦ ᑐᔪᕐᒥᐅᕕᐅᒍᓐᓇᑐᐃᓐᓇᑐᓂ ᓯᓂᑦᑕᒋᐊᖃᓚᕿᑐᐊᕐᐸᑕ ᐅᓐᓄᐊᒥ, ᐱᕕᖃᑐᐊᕐᐸᑕ ᑭᓯᐊᓂ ᐊᒻᒪᓗ ᐅᖓᓯᓗᐊᕌᓗᖕᖏᑐᐊᕐᐸᑕ ᑎᒻᒥᔪᕐᓂᐊᕕᒻᒧᑦ, ᐊᐅᓚᒍᑎᖃᕐᑎᓯᒐᔭᕐᒥᔪᑦ ᓯᓂᑦᑕᕕᒻᒧᑦ ᐅᕝᕙᓘᓐᓅᑦ ᑐᔪᕐᒥᐅᕕᒋᓚᖓᔭᖏᓐᓄᑦ, ᐊᒻᒪᓗ ᑎᒻᒥᔪᕐᓂᐊᕕᒻᒧᑦ ᐅᑎᕐᑎᑕᐅᒍᓐᓇᕋᔭᕐᓱᑎᒃ ᖃᖓᑦᑕᕆᐊᕐᑐᒋᐊᖃᓕᑐᐊᕈᑎᒃ.

ᖃᖓᑦᑕᕈᑎᐅᓚᖓᔪᖅ ᑭᖑᕙᕆᐊᕐᑕᐅᑐᐊᕐᐸᑦ ᐊᐅᓪᓚᕈᓐᓀᑎᑕᐅᑐᐊᕐᐸᓘᓐᓃᑦ ᐃᐊ ᐃᓄᐃᒃᑯᑦ ᐊᐅᓚᑦᓯᒍᓐᓇᕕᖓᑎᒎᒐᓗᐊᕐᐸᑦ, ᐃᑭᒋᐊᓖᑦ ᐃᑭᓗᐊᑐᐊᕐᐸᑕ ᐅᓯᓚᖓᔭᖏᑦ ᐊᒻᒪᓗ ᑫᕙᓪᓚᒍᓰᒃ/ᐃᑲᐅᓃᒃ ᒪᕐᕉᓂ ᐅᑕᕐᕿᔪᕕᓂᐅᓗᑎᒃ ᐊᐅᓪᓚᕕᒋᒋᐊᖃᕋᔭᕐᑕᕕᓂᕐᒥᓂ, ᐃᑲᔪᕐᓯᒪᐅᑎᖃᕋᔭᕐᒥᔪᒍᑦ, ᐅᖃᕐᑕᐅᕋᑖᑫᓐᓇᑐᐃᑦ ᐃᑲᔪᕐᓯᒪᒍᓐᓇᐅᑎᐅᒐᓗᐊᕐᑎᓗᒋᑦ ᑭᓯᐊᓂ ᐃᑲᔪᕐᓯᒪᐅᑎᖃᒋᐊᓪᓚᕈᓐᓇᒥᔪᒍᑦ ᐅᑯᓂᖓ:

• ᐊᓯᑦᔨᑐᐃᒍᓐᓇᓃᑦ ᐊᑐᕈᒃ ᐃᓄᐃᑦ ᑭᖑᓪᓕᒥᒃ ᖃᖓᑕᓐᓇᓯᐅᓕᕐᒥᐸᑦ ᐊᓯᑦᔨᑐᐃᒍᓐᓇᒥᑦᓱᑎᓪᓗ ᐅᑎᕈᑎᑦᓴᑎᓐᓂᒃ, ᑌᒣᒋᐊᖃᑐᐊᕈᕕᑦ, ᐊᑭᓕᕆᐊᓪᓚᒍᓐᓀᓗᒋᑦ; ᐅᕝᕙᓘᓐᓃᑦ ᑮᓇᐅᔭᑎᒃ ᐅᑎᕐᑎᑕᐅᓗᑎᒃ ᖃᖓᑦᑕᐅᑎᑦᓴᓯᐊᕕᓂᕐᓄᑦ ᐊᑐᕐᓂᖏᑦᑕᓄᑦ ᐅᑎᕐᕕᐅᒍᑎᒋᓗᒋᑦ;
• ᐅᑎᕐᑎᓯᕕᐅᒍᓐᓇᑐᐃᓐᓇᒋᐊᖃᕐᐳᑎᑦ, ᐅᐸᑦᑕᓄᑦ ᑎᑭᑦᑎᕕᓂᐅᒍᕕᑦ ᑎᑭᕝᕕᒋᒋᐊᖃᕋᔭᕐᑕᕕᓂᕐᓄᑦ ᑎᑭᕚᓪᓗᑐᕕᓂᐅᒍᕕᑦ ᑫᕙᓪᓚᒍᓰᑦ/ᐃᑲᐅᓃᑦ ᐱᖓᓱᐃᑦ ᓈᓯᒪᓕᕐᑎᓗᒋᑦ, ᑕᒪᑐᒪᐅᑉ ᒥᑦᓵᓄᑦ ᖃᐅᔨᒋᐊᑦᓯᐊᕈᒪᔪᐃᑦ ᐊᐅᓚᔨᐊᕗᑦᑕ ᐃᓄᐃᑦ ᐃᑭᒍᑎᖏᑦᑕ ᐊᑭᓕᐅᕐᑕᐅᓯᒪᒍᑎᖏᓐᓂᒃ ᖃᐅᔨᒋᐊᑦᓯᐊᕈᓐᓇᑐᑦ.

ᖃᖓᑦᑕᔫᑉ ᕿᑲᕐᕕᖓᓃᑦᓱᓂ ᑭᖑᕙᕐᓯᒪᔪᖅ

ᐃᑭᒪᕖᒃ ᑭᖑᕙᕐᐸᑦ ᖃᖓᑦᑕᔫᑉ ᕿᑲᕐᕕᖓᓃᑦᓱᓂ ᖃᖓᑦᑕᔫᖅ ᐅᒃᑯᐊᓯᒪᓕᕐᑎᓗᒍ, ᐱᕕᓕᒫᑦᑎᓄᑦ ᐃᓱᕐᕆᑎᑦᓯᒐᓱᓐᓂᐊᑐᒍᑦ ᐃᑭᒪᔪᓂᒃ.

• ᐅᑯᓂᖓ ᐊᑐᐃᓐᓇᐅᑎᑦᓯᓚᖓᔪᒍᑦ:

• ᖁᕐᕕᑯᕕᓕᐊᕈᓐᓇᑐᑦ

• ᐊᓂᕐᑎᕆᑦᓯᐊᓇᕐᑎᓗᒍ ᓂᓪᓚᑖᒍᑎᖃᕐᓗᓂ ᐅᕐᖂᓯᓴᕐᓗᓂᓘᓐᓃᑦ

• ᓂᖀᑦ ᐃᒥᕋᑦᓭᓗ, ᓈᒻᒪᓯᐊᕋᓱᐊᕐᓱᑎᒃ, ᐃᓱᒪᒋᑦᓱᒍ ᖃᖓᑕᓂᐅᒋᐊᓕᒃ ᑭᖑᕙᕐᓯᒪᑎᓪᓗᒍ, ᖃᖓᒃᖂᓂᖓ ᐅᓪᓗᑯᑦ ᐊᒻᒪᓗ ᐃᓂᖓ ᖃᖓᑦᑕᔫᕐᓂᐊᕕᐅᑉ

• ᑐᓴᐅᒪᖃᑦᑕᐅᑎᒍᑎᐅᒍᓐᓇᑐᑦ ᐃᓄᓐᓄᑦ ᓯᓚᑖᓃᑦᑐᓄᑦ ᐅᖄᕕᖃᕈᒪᒍᕕᑦ ᖃᖓᑦᑕᔫᒥ ᐃᑭᒪᖕᖏᑐᓄᑦ, ᕈᓐᓇᑐᐊᕐᐸᑦ

• ᐅᐃᒪᓇᕐᑐᒥᒃ ᐋᓐᓂᐊᓯᐅᕐᑎᓄᑦ ᑲᒪᒋᔭᐅᒋᐊᖃᑐᐊᕈᕕᑦ ᕿᑲᕐᑎᓗᒍ ᖃᖓᑦᑕᔫᖅ ᕿᑲᕐᕕᒥᓂ, ᑕᒪᓐᓇ ᑲᒪᒋᒐᔭᕐᑕᕗᑦ ᐱᔭᕆᐊᑭᓐᓂᓴᐅᖁᓪᓗᒍ ᑲᒪᒋᔭᐅᒋᐊᖃᕐᓂᖓ

ᖃᖓᑦᑕᔫᖅ ᕿᑲᓕᕐᐸᑦ ᑫᕙᓪᓚᒍᓯᕐᓂ ᐱᖓᓱᓂ ᖃᖓᑦᑕᔫᕐᓂᐊᕕᒻᒥ ᑲᓇᑕᒦᑦᓱᓂ, ᖃᖓᑦᑕᔫᖅ ᐅᑎᕐᓂᐊᑐᖅ ᖃᑕᒻᒧᑦ ᑎᑭᑦᑐ ᐊᐅᓪᓚᓯᔪᓪᓗ ᐊᑐᓲᖓᓐᓄᑦ ᓂᐅᔨᒋᐊᕐᑐᓗᓂ ᐃᑭᒪᔪᓂᒃ ᐊᑦᑕᓇᖕᖏᑐᐊᕐᐸᑦ ᐊᓂᕕᒋᒋᐊᖓ. ᖃᖓᑦᑕᔫᖅ ᕿᑲᕆᐊᓪᓚᕈᓐᓇᑐᖅ ᖃᖓᑦᑕᔫᑉ ᕿᑲᕐᕕᖓᓂ ᒥᕝᕕᒥ 45 ᒋᐊᓪᓚᓂ ᓯᕿᕐᖑᔭᐅᑉ ᑕᕐᓵᐱᖏᓐᓂ, ᖃᖓᑦᑕᓚᖓᒍᓇᐅᔮᑐᐊᕐᐸᑦ ᑖᒃᑯᐊ ᐊᓂᒍᓚᐅᕐᑎᓇᒋᑦ ᑕᕐᓵᐲᑦ ᑲᔪᓯᒍᑎᖃᕈᓐᓇᑐᒍᑦ ᐱᑦᔪᔨᒍᑎᒋᓲᑦᑎᓂᒃ ᖃᖓᑦᑕᔫᒥ ᐅᖃᕐᑕᐅᓯᒪᔪᓂᑦ ᑕᑉᐹᓂᒋᐊᖅ, ᐱᕕᑦᓴᐅᑐᐊᕐᐸᑦ

ᖃᐅᔨᒪᓇᓕᕐᐸᑦ ᖃᖓᑦᑕᓚᖓᒍᓇᐅᖕᖏᒋᐊᖓ ᑖᒃᑯᓇᓂ ᐱᕕᑦᓴᓂ 45ᓂ ᓯᕿᕐᖑᔭᐅᑉ ᑕᕐᓵᐱᖏᓐᓂ ᐊᓂᒍᓚᐅᕐᑎᓇᒋᑦ, ᖃᖓᑦᑕᔫᖅ ᐅᑎᕐᓂᐊᑐᖅ ᑎᑭᑦᑐᑦ ᐊᐅᓪᓚᓯᔪᓪᓗ ᐊᑐᓲᖓᓐᓄᑦ ᑲᑕᒻᒧᑦ, ᓄᕐᖃᖓᑎᑕᐅᖕᖏᑐᐊᕈᓂ ᐱᑦᔪᑕᐅᑎᓪᓗᒋᒃ ᐊᑦᑕᓇᕐᑐᒦᑦᑌᓕᒋᐊᖃᕐᓂᖅ ᑯᑦᓴᓇᕐᑐᒦᑦᑌᓕᒋᐊᖃᕐᓂᓗ, ᖃᓇᑕᒧᑦ ᑎᑭᑦᑐᓂᒃ ᐊᐅᓚᑦᓯᔨᓄᑦ ᐅᕝᕙᓗᓘᓐᓃᑦ ᖃᖓᑕᔫᓂᒃ ᖃᖓᑕᔪᓂᒃ ᐅᓚᑦᓯᔨᓄᑦ

ᒪᓕᓪᓗᒋᑦ ᖃᓄᐃᓕᖓᓂᐅᔪᑦ, ᓂᐅᑎᑦᓯᖃᔭᖕᖏᑐᐃᓐᓇᕆᐊᖃᕐᑐᒍᑦ ᖃᖓᑦᑕᔫᖅ ᕿᑲᕐᕕᒥᓃᑦᑎᓗᒍ, ᒪᑯᐊ ᐱᑦᔪᑕᐅᑉᐸᑕ ᐊᓯᖃᕐᒥᓱᑎᒃ, ᐃᓱᒫᓘᑕᐅᑉᐸᑦ ᐊᑦᑕᓇᕐᑐᒦᑦᑌᓕᒋᐊᖃᕐᓂᖅ ᑯᑦᓴᓇᕐᑐᒦᑦᑌᓕᒋᐊᖃᕐᓂᓗ, ᐅᕝᕙᓗᓘᓐᓃᑦ ᖃᖓᑕᔪᓂᒃ ᐊᐅᓚᑦᓯᔨᓄᑦ ᓴᖑᑎᑕᐅᑉᐸᑦ ᑲᓇᑕᓕᐊᕐᑐᓂᒃ ᐊᐅᓚᑦᓯᔨᓄᑦ.

We will always do our best to transport your baggage to your destination on time and to handle it with the utmost care. Occasionally, baggage may be lost, delayed or damaged due to unexpected circumstances.

ᐊᓯᐅᔪᑦ ᑭᖑᕙᕐᑎᑕᐅᔨᐊᓕᓪᓘᓃᑦ ᐃᑦᓯᕕᒻᒥᓂᒃ/ᐃᕐᓯᕕᒻᒥᓂᒃ ᖃᐅᔨᑎᑦᓯᓴᐅᑎᒋᐊᐱᒋᐊᓖᑦ ᐃᓄᐃᑦ ᖃᖓᑦᑕᔫᖏᓐᓂᒃ ᓄᓇᓕᒻᒧᑦ ᐅᐸᑦᑕᒥᓄᑦ ᑎᑭᓪᓕᑎᓪᓗ. A loss or damage report must be filed right away.

• If your baggage is delayed and found within 21 days of your arrival Air Inuit will reimburse any fees paid for transportation of the baggage, if applicable.
• If your baggage is not found within this delay, a detailed claim must be filed and submitted to the Air Inuit Baggage Claim Department within 30 days of the arrival date. As per the Air Passenger Protection Regulations, you could be eligible to a reimbursement of up to 1288 Special Drawing Rights (SDR), equivalent to approximately $2,300 CAD.
• If your baggage is damaged, a claim must be filed within 7 days of reception of the baggage. As per the Air Passenger Protection Regulations, you could be eligible to a reimbursement of up to 1288 Special Drawing Rights (SDR), equivalent to approximately $2,300 CAD.
• ᓱᒃᑯᑕᐅᔨᐊᖃᕐᑐᕕᓂᐅᓗᑎᑦ ᐊᓯᐅᔨᔭᐅᔨᐊᖃᕐᑐᕕᓂᐅᓗᑎᓘᓐᓃᑦ ᖃᐅᔨᔭᐅᑎᑦᓯᓂᖕᖏᑯᕕᑦ ᖃᐅᔨᔭᐅᑎᑦᓯᕕᐅᒋᐊᓖᑦ ᐅᓪᓗᐃᑦ ᐊᓂᒍᓚᐅᕐᑎᓇᒋᑦ, ᕿᓂᕐᑕᐅᖁᔭᐅᕚᓪᓗᕋᓗᐊᕈᑎᒃ ᐃᓄᐃᑦ ᖃᖓᑦᑕᔫᖏᑦ ᑲᒪᖕᖏᑑᑐᐃᓐᓇᕆᐊᖃᕐᐳᑦ, ᓱᕐᖁᐃᓇᕐᑎᓯᒍᓐᓇᑐᐊᕐᐸᑦ ᓱᒃᑯᑕᐅᔨᐊᕕᓂᕐᒥᓂᒃ ᐊᓯᐅᔨᔭᕕᓂᕐᒥᓂᓘᓐᓃᑦ ᑲᒪᒍᓐᓇᑑᒐᓗᐊᑦ ᐃᓄᐃᑦ ᖃᖓᑦᑕᔫᖏᑦᑕ ᓈᒻᒪᒋᔭᖓᑎᒍᑦ, ᖃᐅᔨᑎᑦᓯᒍᑎᓕᐅᑲᓪᓚᑐᐃᓐᓇᖃᔭᕐᓂᖏᑉᐸᑦ ᐃᑦᓯᕕᓕᒃ/ᐃᕐᓯᕕᓕᒃ.

For more information visit our Damaged or Missing Baggage page

ᐃᐊ ᐃᓄᐃᒃᑯᑦ ᑐᓴᕐᓂᔮᕈᑎᓂᒃ ᐅᓯᔭᐅᓚᖓᔪᓂᒃ ᐃᑭᑎᑦᓯᒍᓐᓇᑐᑦ ᐴᕐᑐᓯᒪᑦᓯᐊᑐᐊᕐᐸᑕ ᐅᕝᕙᓘᓐᓃᑦ ᓇᔪᕐᑎᒋᔭᐅᓚᖓᔪᓂᒃ ᖃᖓᑦᑕᔫᒥ/ᑎᒻᒥᔫᒥ, ᐅᖁᒣᓐᓂᖏᑦ ᖃᓄᐃᓪᓗᐊᓂᖏᓪᓗ ᐊᒻᒪᓗ ᓴᓇᒻᒪᖏᑦ ᓇᔪᕐᑎᒋᔭᐅᓗᑎᒃ ᖃᓄᐃᖕᖏᑐᐊᕐᐸᑕ.

ᖃᖓᑦᑕᔫᒥ/ᑎᒻᒥᔫᒥ ᓇᔪᕐᑎᒋᔭᐅᓚᖓᓗᑎᒃ ᐃᑭᐅᑦᔭᐅᓚᖓᔪᑦ

ᐃᑦᓯᕙᐅᑌᑦ ᑐᓴᕐᓂᔮᕈᑎᓄᑦ ᐊᑐᕐᑕᐅᓚᖓᓗᑎᒃ ᓂᕕᐊᕆᔭᐅᕐᖃᔭᖏᑦᑐᑦ, ᑭᓯᐊᓂ ᒥᑭᔪᖕᖑᐊᒍᓂᕐᓭᑦ/ᒥᑭᔪᕐᓚᐅᓂᕐᓭᑦ ᑐᓴᕐᓂᔮᕈᑏᑦ ᓇᔪᕐᑎᒋᔭᐅᒍᓐᓇᑑᒐᓗᐊᑦ (ᐅᑦᑑᑎᒋᓗᒋᑦ; ᓱᐴᒉᑦ ᖃᓄᐃᑦᑐᑐᐃᓐᓀᑦ, ᑎᑦᑐᓚᐅᑏᑦ, ᑯᑭᑕᐸᐅᑏᑦ ᑕᐅᑎᕈᑎᓪᓗ ᐊᒋᐊᑦ) ᑕᒪᒃᑯᐊᓗᑳᑦ ᓇᑦᓴᑕᐅᒍᓐᓇᑐᐃᓐᓇᕆᐊᓖᑦ ᖃᖓᑦᑕᔫᒧᑦ/ᑎᒻᒥᔫᒧᑦ ᐃᓄᐃᑦ ᖃᖓᑦᑕᔫᖏᑦᑕ/ᑎᒻᒥᔫᖏᑦᑕ ᒪᓕᒐᓕᐊᕆᓯᒪᔭᖏᑦ ᒪᓕᒍᑕᐅᑦᓴᓚᐅᕐᐸᑕ ᓇᔪᕐᑎᒋᔭᐅᒍᓐᓇᑐᐃᑦ ᖃᓄᐃᓪᓗᕆᐊᖃᕐᓂᖏᑦ ᒪᓕᓪᓗᒋᑦ ᐊᒻᒪᓗ ᐃᒣᑦᓴᓚᐅᕐᐸᑕ:

• ᓱᒃᑯᓴᐅᑎᒋᓂᐅᔭᖕᖏᑐᓂᒃ ᓯᑎᔪᓂᒃ ᐴᖃᕐᓗᑎᒃ.
• 5 ᑭᓘᒥᑌᑦ (11 ᐸᐅᓐ) ᐅᖓᑖᓄᑦ ᐅᖁᒣᓐᓂᖃᖕᖏᑐᐊᕈᑎᒃ.
• ᐃᑦᓯᕙᐅᑕᐅᑉ ᓯᕗᕋᕐᓃᑑᑉ ᐊᑖᓅᕈᓐᓇᑐᐊᕈᑎᒃ ᐅᕝᕙᓘᓐᓃᑦ ᖁᓕᕈᐊᓄᑦ.

ᖃᖓᑦᑕᔫᑦ/ᑎᒻᒥᔫᑦ ᐅᓯᒐᑦᓴᖃᐅᑎᖏᑦ ᐃᓂᑭᑦᑑᓂᖏᓐᓄᑦ, ᑐᓴᕐᓂᔮᕈᑏᑦ ᐊᑕᐅᑦᓯᑯᑦ ᐃᑭᔪᒧᑦ ᐊᐅᓪᓚᖃᑎᐅᒍᓐᓇᒪᖔᑕ ᓴᑑᑎᖃᕐᑎᓯᒍᓐᓇᔭᖏᑦᑐᒍᑦ. ᐃᓂᑭᑦᑑᓂᖓᓄᑦ “ᓯᕗᓪᓕᐸᐅᑐᐃᓐᓇᑐᐃᑦ, ᐊᑦᔭᕋᑦᓴᖏᑦ ᐃᑭᑎᑕᐅᖃᑦᑕᓲᑦ,” ᑌᒣᒻᒪᑦ ᐃᑭᒋᐊᕐᑐᓴᐅᑎᒋᒍᓐᓇᑐᐊᕈᑦᓯ ᐱᐅᓂᕐᓴᐅᒐᔭᕐᑐᖅ ᓯᕗᓪᓕᐸᐅᒐᓱᐊᕐᓗᓯ.

ᑐᓴᕐᓂᔮᕈᑎᓯ ᐃᑭᒋᐊᕐᑐᕕᒻᒥ ᖃᐅᔨᔭᐅᑎᒋᐊᖃᕋᔭᕐᖂᑕᓯ ᐊᒻᒪᓗ ᐃᑭᑎᑕᐅᑐᐃᓐᓇᕆᐊᖃᕐᓱᑎᒃ ᐅᓯᒐᑦᓴᓅᕐᑕᐅᓂᐊᕐᑎᓗᒍ, ᑎᒻᒥᔪᕐᓂᐊᕕᒻᒥ ᐱᓇᓱᑦᑎ ᐅᕝᕙᓘᓐᓃᑦ ᖃᖓᑦᑕᔫᕐᑏᑦ ᑐᑭᑖᕈᓐᓇᑐᑐᐊᑦ ᐊᑦᑕᓇᕐᑑᔪᕆᑦᓯᑐᐊᕈᑎᒃ ᓇᔪᕐᑎᒋᔭᐅᖕᖏᑑᑎᑦᓯᒍᓐᓇᒥᔪᑦ. ᑕᒪᒃᑯᐊ ᐱᑦᔪᑎᒋᑦᓱᒋᑦ, ᑐᓴᕐᓂᔮᕈᑏᑦ ᐴᕐᑐᑕᐅᓯᒪᑦᓯᐊᒋᐊᓖᑦ ᓯᑎᔪᓂᒃ ᐴᖃᕐᓗᑎᒃ ᑐᓴᕐᓂᔮᕈᑏᑦ ᐴᑦᓴᔭᖏᓐᓃᓯᐊᕐᓗᑎᒃ.

ᑐᓴᕐᓂᔮᕈᑎᒃ ᓇᔪᕐᑎᒋᓚᖓᔭᐃᑦ ᖃᖓᑦᑕᔫᒥ/ᑎᒻᒥᔫᒥ ᓇᑦᓴᑕᐅᒍᓐᓇᑐᕐᑎᓄᑦ ᐃᓱᒪᒋᔭᐅᓚᖓᔪᖅ, ᓈᒻᒥᓂᕆᔭᐅᔪᕐᑎᑐᑦ ᐅᕝᕙᓘᓐᓃᑦ ᐅᓯᔭᐅᒍᓐᓇᑐᕐᑎᑐᑦ (ᖃᓄᐃᓪᓗᐊᓂᖓ ᐊᖏᓂᖓᓗ ᑐᓴᕐᓂᔮᕈᑎᐅᑉ).

ᐃᑭᑎᑕᐅᓚᖓᑦᓱᑎᒃ ᐅᓯᔭᐅᓚᖓᔪᐃᑦ ᐃᑦᓯᕖᑦ/ᐃᕐᓯᕖᑦ

ᖃᐅᔨᒪᒐᑦᑕ ᑐᓴᕐᓃᔮᕈᑎᒋᔭᐅᔪᓂᒃ ᓇᐅᑐᐃᓐᓇᓄᑦ ᐱᒻᒪᕆᐅᒻᒪᑕ, ᑲᒪᒋᑦᓯᐊᕋᓱᐊᖃᑦᑕᓚᖓᔭᕗᑦ. ᐊᒥᔪᒥᒃ ᑐᓴᕐᓂᔮᕈᑎᒥᒃ ᐃᑭᔪᑦᓴᓕᐅᓚᖓᑐᐊᕈᕕᑦ, ᓯᕗᓂᐊᒍᑦ ᐊᐅᓪᓚᑐᑦᓴᒫᓕᐅᕐᑐᓴᐅᕗᑎᑦ ᐊᑦᑕᓀᑦᑐᓯᐊᒍᓗᓂ ᐃᑦᓯᕕᓕᕆᔨᓄᑦ/ᐃᕐᓯᕕᓕᕆᔨᓄᑦ ᐅᐃᒻᒪᔮᕈᑕᐅᒍᓐᓀᓗᓂ ᑲᒪᒋᔭᐅᑦᓯᐊᓂᕐᓴᐅᒐᔭᕐᒪᑦ.

ᖃᓄᐃᓪᓗᐊᑐᓂᒃ ᐃᑭᑎᑕᐅᔨᐊᖃᕈᓐᓇᒪᖔᑕ ᐊᐅᓪᓚᓚᖓᔪᐃᑦ ᒪᓕᒐᖃᕐᒪᑕ, ᑐᓴᕐᓂᔮᕈᑏᑦ ᐃᓚᒋᔭᐅᑎᑕᐅᓲᑦ ᐃᑭᑎᑕᐅᒍᓐᓇᑐᓄᑦ, ᖃᑦᓯᓂᒃ ᐃᑦᓯᕕᖃᕈᓐᓇᑎᑕᐅᓂᖏᑦ/ᐃᕐᓯᕕᖃᕈᓐᓇᑎᑕᐅᓂᖏᑦ ᒪᓕᑦᓱᒋᑦ (ᑐᓴᕐᓂᔮᕈᑏᑦ ᐃᓚᐅᔪᑦ ᐃᑦᓯᕕᒋᔭᐅᓂᕋᕐᑕᐅᔪᓄᑦ/ᐃᕐᓯᕕᒋᔭᐅᓂᕋᕐᑕᐅᔪᓄᑦ) ᐅᖁᒣᓐᓂᕆᒋᐊᓕᖏᓐᓄᑦ ᐅᖓᑖᓄᑐᐊᕐᐸᑕ ᐅᖓᑖᓄᕈᑎᖏᑦ ᐊᑭᓕᕐᑕᐅᒋᐊᓖᑦ. ᑐᓴᕐᓂᔮᕈᑏᑦ ᖃᖓᑦᑕᔫᒥ/ᑎᒻᒥᔪᒥ ᓇᔪᕐᑎᒋᔭᐅᒍᓐᓇᑐᐃᑦ ᐅᖁᒣᓐᓂᖏᑦ 32 ᑭᓘᒥᑕᐅᒍᓐᓇᑐᑦ (70 ᐸᐅᓐ).

For more information visit our Special Baggage page

ᐱᐊᕋᕐᓂᒃ/ᑲᒃᑲᓛᓂᒃ 14 ᒥᑦᓯᑎᒍᑦ ᐅᑭᐅᓕᓐᓂᒃ ᐱᕕᓕᒫᑎᒍᑦ ᐊᖓᔪᕐᖄᒥᑕ, ᑲᒪᕕᒥᑕᓘᓐᓃᑦ ᐅᕝᕙᓘᓐᓃᑦ ᐃᑉᐱᒋᔨᒥᑕ ᖃᓂᑦᑕᕆᔭᖓᓂ ᐃᓯᕙᐅᑕᖃᕐᑎᓯᒐᓱᐊᓲᒍᕗᒍᑦ ᐊᑭᓕᕆᐊᓪᓚᑐᒋᐊᑐᖕᖏᑐᓂᒃ.

ᐃᑭᑎᑕᐅᕐᖄᒋᐊᖃᓲᒍᒻᒪᑕ ᐃᑭᑎᑕᐅᕐᖄᒋᐊᓖᑦ ᑌᒣᒐᓱᐊᖁᔨᓪᓚᕆᑉᐳᒍᑦ ᖃᓂᑦᑕᕆᓪᓗᓯ ᐃᑦᓯᕙᖃᑎᒌᒍᒪᑐᐊᕈᑦᓯ, ᐊᒥᓲᓂᕐᓭᑦ ᖃᖓᑦᑕᔫᖁᑎᕗᑦ/ᑎᒻᒥᔫᖁᑎᕗᑦ ᓇᓪᓕᐊᓂᑐᐃᓐᓇᖅ ᐃᑦᓯᕙᐅᑕᖃᕐᑎᓯᓲᒍᒻᒪᑕ ᐃᑦᓯᕙᕕᒋᒍᒪᔭᒥᓂᒃ.

ᐃᑭᒪᕕᐅᓚᖓᔪᒧᑦ ᐃᑦᓯᕙᐅᑕᖏᑦ ᐃᓐᓄᕇᕐᓯᒪᑦᓱᑎᒃ, ᐱᕕᑦᓴᐅᖏᑐᐊᕐᐸᑦ ᓴᓂᓪᓕᕇᑦᑎᓯᒋᐊᒥᒃ ᐃᓚᒌᓂᒃ ᐃᑭᒍᑎᑦᓴᒥᓂᒃ ᐋᕐᖀᑎᓪᓗᒋᑦ, ᐃᑭᒪᓕᕐᐸᑕ ᐊᐱᕆᖃᑦᑕᓂᐊᕐᑐᒍᑦ ᑕᐅᕐᓰᒍᒪᔪᖃᕐᒪᖔᑦ ᓇᓪᓕᑐᐃᓐᓇᒋᓐᓂᒃ ᐃᑭᒪᔪᓂᒃ.

ᐱᕕᑦᓴᐅᖏᑐᐊᕐᐸᑦ ᓴᓂᓪᓕᕇᑦᑎᓯᒋᐊᒥᒃ ᐃᓚᒌᓂᒃ ᐃᑭᒍᑎᑦᓴᒥᓂᒃ ᐋᕐᖀᑎᓪᓗᒋᑦ, ᐃᑭᒪᖃᑕᐅᔪᒥᓪᓗ ᑕᐅᓰᒍᒪᔪᖃᖕᖏᐸᑦ ᐃᑭᐅᕐᖃᑎᓪᓗᒋᑦ, ᐊᐱᕆᒋᐊᓪᓚᖃᑦᑕᓂᐊᕐᑐᒍᑦ ᑕᐅᕐᓰᒍᒪᔪᖃᕐᒪᖔᑦ ᐃᑦᓯᕙᐅᑕᒥᓂᒃ ᖃᖓᑦᑕᔫᖅ ᖃᖓᑦᑕᓚᐅᕐᑎᓇᒍ.

ᐃᑦᓯᕙᐅᑕᐅᓂᐊᕐᑐᓂᒃ ᓇᓗᓀᕐᓯᓂᖅ ᐱᐊᕋᕐᓄᑦ ᐅᑭᐅᓕᓐᓄᑦ 14 ᐊᑖᓂ, ᒪᓕᖃᑦᑕᓚᖓᔪᑦ ᒪᓕᑦᑕᐅᒋᐊᓕᓐᓂᒃ ᐊᒃᓚᑕᐅᓯᒪᔪᓂᒃ ᐅᓇᓂ:

ᐱᐊᕋᖅ ᐅᑭᐅᓕᒃ ᓯᑕᒪᓂᒃ ᐊᑖᓄᓪᓘᓃᑦ, ᐃᑦᓯᕙᐅᑕᖃᕐᑎᑕᐅᓂᐊᕐᑐᖅ ᐊᑭᓪᓗᐊᖓᓂ ᐊᖓᔪᕐᖄᒥᑕ, ᒪᓕᑦᑕᒥᑕ ᑲᒪᒋᔨᒥᑕᓘᓐᓃᑦ;
ᐱᐊᕋᖅ ᐅᑭᐅᖃᑐᐊᕐᐸᑦ 5-11ᓄᑦ ᑎᑭᑦᑐᓂᒃ, ᐃᑦᓯᕙᐅᑕᓕᐅᖃᑦᑕᓚᖓᔭᕗᑦ ᐊᑭᓪᓗᐊᖓᓂ ᐊᖓᔪᕐᖄᖏᑦᑕ, ᑲᒪᔨᖓᑕ, ᒪᓕᑦᑕᖓᑕᓘᓐᓃᑦ ᐃᑦᓯᕙᖃᑕᐅᖕᖏᓗᓂ ᐊᖓᔪᕐᖄᒥᓄᑦ ᐊᖓᔪᕐᖄᖏᑦᑕ, ᑲᒪᔨᖓᑕ, ᒪᓕᑦᑕᖓᑕᓘᓐᓃᑦ ᐊᑕᐅᓯᕐᒧᑦ ᐃᑦᓯᕙᐅᑕᒧᑦ ᖃᓂᖕᖏᓂᕐᓴᐅᑎᓪᓗᒍ; ᐊᒻᒪᓗ
ᐱᐊᕋᖅ ᐅᑭᐅᖃᕐᐸᑦ 12-13ᓂᒃ, ᐃᑦᓯᕙᐅᑕᕐᑖᑎᖃᑦᑕᓚᖓᔭᕗᑦ ᐊᑭᓪᓗᐊᖓᓃᖕᖏᑐᒥᒃ ᐊᖓᔪᕐᖄᖏᑦᑕ, ᒪᓕᑦᑕᖓᑕ, ᑲᒪᔨᖓᑕᓘᓐᓃᑦ ᐃᑦᓯᕙᕕᖏᑦᑕ ᐊᑕᐅᓯᖅ ᐃᑦᓯᕙᐅᑕᖅ ᐊᓪᓗᓗᒍ.

• ᖃᓄᐃᓕᖓᓂᐅᔪᑦ ᐊᐅᓚᒍᓐᓇᑕᖏᑎᒍᑦ ᖃᖓᑦᑕᔫᓕᕆᓂᑦᑕ ᓇᓪᓕᑐᐃᓐᓇᒋᑦ ᖃᓄᐃᓕᖓᓂᐅᔪᑦ ᑲᒪᒋᔭᐅᒍᓐᓇᖏᑦᑐᑦ ᑖᒃᑯᑎᒎᓇ ᒪᕐᕈᐃᑎᒍᑦ ᐊᕕᑦᑐᓯᒪᐅᑎᑎᒍᑦ ᐅᓇᓂᒋᐊᖅ” ᐅᑦᑑᑎᒋᓗᒍ, ᐃᓚᖃᕐᒥᓱᑎᒃ ᐅᖓᑖᓄᓗᐊᖅ ᐃᓂᑦᓴᓕᐅᕐᓂᐅᓯᒪᔭᐅᔪᓂᒃ; ᐱᕕᑦᓴᓕᐅᕐᑕᐅᓯᒪᑉᐸᑦ ᖃᖓᑦᑕᔫᖅ ᕿᒥᕐᕈᔭᐅᓚᖓᓗᓂ ᒪᓕᒋᐊᖃᕐᓗᓂ ᒪᓕᑦᑕᐅᒋᐊᓕᓐᓂᒃ ᐱᖁᔭᑎᒍᑦ; ᐅᕝᕙᓗᓘᓐᓃᑦ ᐃᓱᐃᓪᓕᖓᑉᐸᑕ ᐊᐅᓚᐅᑎᖏᑦ ᖃᖓᑦᑕᔫᑉ ᖃᐅᔨᔭᐅᑦᓱᑎᒃ ᕿᒥᕐᕈᔭᐅᑎᓪᓗᒍ ᖃᓄᐃᖕᖏᑲᓗᐊᕐᒪᖔᑦ.
• ᖃᓄᐃᓕᖓᓂᐅᔪᑦ ᖃᖓᑦᑕᔫᓕᕆᓂᑦᑕ ᐊᐅᓚᒍᓐᓇᓱᒋᑦ ᑭᓯᐊᓂ ᐊᑑᑎᒍᑕᐅᒋᐊᓖᑦ ᐊᑦᑕᓇᕐᑐᒦᑦᑌᓕᓂᕐᒥᒃ ᐱᑦᔪᑎᖃᕐᓱᑎᒃ ᖃᐅᔨᒪᓇᑦᓴᐅᑎᒋᓲᖑᖕᖏᑐᑦ ᐊᑑᑎᓂᐊᕐᒪᖔᑕ ᑭᓯᐊᓂ ᐱᖁᔭᓕᕆᔪᓄᑦ ᑲᒪᒋᔭᐅᒋᐊᖃᓚᕿᓯᒪᓲᑦ ᐃᑭᒪᔪᑦ ᐊᑦᑕᓇᕐᑐᒦᖁᓇᒋᑦ.ᑕᒪᓐᓇ ᐃᓚᖃᕐᒥᓱᓂ ᖃᖓᑦᑕᔫᖅ ᐃᓱᐃᓕᖓᓂᕆᓲᖓᓂᒃ,ᐃᓚᐅᑎᑕᐅᖕᖏᑐᖅ ᐱᕕᑦᓴᓕᐅᕐᑕᐅᓯᒪᑦᓱᓂ ᕿᒥᕐᕈᔭᐅᓐᓇᖓ ᐅᕝᕙᓗᓘᓐᓃᑦ ᐃᓱᐃᓪᓕᖓᔫᑉ ᖃᐅᔨᔭᐅᒍᑎᕕᓂᖓ ᕿᒥᕐᕈᔭᐅᑎᓪᓗᒍ. ᐊᑦᑕᓇᕐᑐᒦᑦᑌᓕᒋᐊᖃᕐᓂᖅ ᐱᑦᔪᑎᐅᑎᓪᓗᒍ ᖃᖓᑦᑕᔫᕐᑎᐅᑉ ᑐᑭᑖᖏᑦ ᐊᒻᒪᓗ ᑲᐅᑎᔪᑦ ᖃᖓᑦᑕᔫᕐᑐᑦ ᐊᑦᑕᓇᕐᑐᒦᑦᑌᓕᒋᐊᖃᕈᑎᖏᑦᑕ ᐊᐅᓚᑕᐅᒍᑎᖏᓐᓄᑦ ᑕᒃᒍᖓ ᐊᕕᑦᑐᓯᒪᓂᕐᒧᑦ ᓈᒻᒪᓈᕐᒥᔪᑦ.
• ᖃᓄᐃᓕᖓᓂᐅᔪᑦ ᖃᖓᑦᑕᔫᓕᕆᓂᐅᑉ ᐊᐅᓚᕐᖃᔭᖕᖏᑕᖏᑦ ᒪᑯᐊ: ᐅᓇᑕᕐᑐᑦ ᐱᓂᐊᕐᓂᓕᕆᔪᓪᓘᓃᑦ ᓈᒻᒪᓈᑦᓯᐊᖏᓐᓂᖏᑦ; ᐱᖁᔭᓂᒃ ᒪᓕᑦᓯᐊᖏᓐᓂᑯᑦ ᓱᒐᓱᐊᕐᓃᑦ  ᓯᖁᑦᑎᕆᓃᑦ; ᓯᓚᐅᑉ ᐱᐅᓯᖓ ᐅᕝᕙᓗᓘᓐᓃᑦ ᓯᓚ ᐱᕐᖁᓗᐊᕿᑉᐸᑦ ᐱᐅᓯᕐᒥᒍᑦ ᖃᖓᑦᑕᔫᒥᒃ ᐊᑦᑕᓇᕐᑐᒦᓚᕿᑎᑦᓯᓕᕐᓗᑎᒃ; ᒪᓕᑦᑕᐅᖁᔭᖏᑦ ᖃᖓᑕᔪᓂᒃ ᐊᐅᓚᑦᓯᔩᑦ; ᖃᐅᔨᑎᑦᓯᐅᑎ ᖃᖓᑦᑕᔪᓕᕆᔨᒥᒃ ᓇᓗᓀᕐᑕᐅᓯᒪᐅᑎᖏᑎᒍᑦ ᑲᓇᑕᒥ ᖃᖓᑦᑕᔫᕐᑐᑦ ᒪᓕᒐᒋᑦ); ᑯᑦᓴᓇᕐᑐᒦᑐᐃᓐᓇᕆᐊᖃᕐᑐᖃᓕᕐᐸᑦ; ᒥᕝᕕᐅᑉ ᐃᖏᕐᕋᑎᑕᐅᓂᖓ ᐱᓀᓗᑕᖃᕐᐸᑦ; ᐋᓐᓂᐊᔪᖅ ᐅᐃᒪᓇᓕᕐᐸᑦ; ᐆᒪᔪᒥᒃ ᐊᐳᕐᓂᐸᑦ; ᐱᓇᓱᑦᑐᖅ ᐅᓚᐱᑕᐅᑉᐸᑦ ᐱᓇᓱᒐᕐᒥᓂ ᐅᕝᕙᓗᓘᓐᓃᑦ ᐱᓇᓱᓪᓗᓂ ᑭᓯᐊᓂᐅᔪᖅ ᖃᖓᑦᑕᔫᕐᓂᐊᕕᒻᒥ ᐅᕝᕙᓗᓘᓐᓃᑦ ᖃᖓᑕᔪᓂᒃ ᑲᒪᔨ; ᓴᓇᔭᐅᑦᓯᐊᓯᒪᖕᖏᐸᑦ ᖃᖓᑦᑕᔫᑉ ᐃᓚᖓ ᐊᑦᑕᓇᕐᑐᒨᓚᕿᒍᑎᒋᒍᓐᓇᓱᒍ ᐃᑭᒪᔪᑦ ᓇᓗᓀᕐᑕᐅᓱᓂ ᓴᓇᔪᕕᓂᕐᒧᑦ ᐅᕝᕙᓗᓘᓐᓃᑦ ᖃᖓᑦᑕᔫᒥᒃ ᐊᑐᕐᑐᒧᑦ, ᐱᒍᓐᓇᐅᑎᓕᒻᒧᑦ ᖃᖓᑕᕐᖃᔦᕐᑎᑕᐅᑉᐸᑦ; ᐊᒻᒪᓗ ᐊᑕᕐᖑᓯᕐᕕᐅᒍᓂ ᑎᓕᔭᐅᒍᓂᓘᓐᓃᑦ ᐱᒍᓐᓇᓂᓕᒻᒧᑦ ᑕᒃᒐᓂ ᓄᓇᓕᒻᒥ ᐅᕝᕙᓗᓘᓐᓃᑦ ᐱᖁᔭᓕᕆᓂᕐᒥᒃ ᐱᓇᓱᒐᓕᒻᒧᑦ ᐅᕝᕙᓗᓘᓐᓃᑦ ᐃᓄᒻᒧᑦ ᐱᓇᓱᑦᑐᒧᑦ ᒥᕝᕕᓕᕆᓂᕐᒥᒃ.